InfoHub Logo

-Dombyra úırenemin

Maǵan tipti túk emes kúı degeniń,-

Dep aǵaǵa

Ájemdi súıreledim.

Tek, áttegen,

Kúı tilin qoıdym uqpaı.

Tyńqyldatyp tartqanym

Kúı bop shyqpaı,

Eki aı ótti eshteńe qoıdym uqpaı,

Shaǵym edi qınalyp mazam ketken.

-Qosh, aǵa,-demek bolyp Baltabaıǵa

Taǵat tappaı otyrdym jalǵyz tosyp.

Tek kenetten

Kúı kúmbirleı jóneldi.

Kettim shoshyp.

Kúı sóılep tur,

Adamsha til qatyp tur,

Jan dúnıeme turǵandaı tógilip nur.

Kúmbirleı tógilgen kúı kirdi esikten,

Muǵalimim Baltabaı aǵa meniń:

-Jańa ǵana kúı deıdi sen estigen

Qurmanǵazy kúıi edi

Kúıdiń aty «Ne krıchı, ne shýmı»

Dedi daǵy synaıyn qarymyńdy,

Sen qaıtalap sol kúıdi bershi qaǵyp.

«Ne krıchı, ne shýmı»,

«Ne krıchı» , «ne shýmı».

Yzyń qaǵyp qulaqta qalǵan tunyp,

Birte-birte on saýsaq erkin júzdi.

Dombyra aıdyn tósinde seńdi buzyp,

Óz-ózime yrza bop turdym kúlip.

-Qurmanǵazy babamyz salǵan búlik

Astrahanda aıdaýda júrgeninde

Kúı syılapty beıtanys elge múlde.

Sol osy kúı «Ne krıchı, ne shýmı»

Arbaly qazaq paromǵa kirerinde.

Bir áıeldiń sálisin ile-mine,

Arbasynyń arysy jaıpaı-maıpaı,

Ýrádnıktiń áıelin abaılamaı...

-Qurtaıynba kózińdi, dıkıı malaı?!

Ýrádnık sol jerde salypty aıqaı.

Taqsyrlap qazaq baıǵus jany shyǵyp,

Ulyqqa basyn ıip turdy buǵyp.

Tózbeıtin qorlyqqa da, zorlyqqa da,

Ketipti Qurekeńniń daýsy shyǵyp.

«Ne krıchı, ne shýmı» dep

Jibererdeı aqyrdy jerge tyǵyp.

Jan serigi dombyra qasynda edi,

Órshil kúıge jiberdi basyp endi,

Sol osy kúı «Ne krıchı, ne shýmı».

Kúıdiń tilin uǵynǵan ulyq sasyp,

Qurekeńnen ketipti aýlaq qashyp.

-Myna kúı oınaqy, kúlkili eken,

Muń men zarǵa qurylǵan kúıi barma.

Onda myna kúıdi sen tyńdap barla.

«Aman bol sheshem, aman bol»

«Aman bol sheshem, aman bol»,-

Dep qos ishek kúńirenip basty zarǵa.

Qaǵyp alyp mendaǵy kúńirenttim,

Qaǵyp almas aıtshy óziń amal bar ma?

Kúıdiń tilin uqtyrǵan Syzdyqovty

Muǵalimim deı tura tipten myqty.

Jan-tánimmen súıem men,

Qurmanǵazy sekildi ulylyqty. 

 

Súleımen Baıazıtov

 

 

 

 

 

---