InfoHub Logo

Maqsaty: Qazaqtyń qaharman qolbasshysy Baýyrjan Momyshulynyń ónegeli ómirin jas urpaqqa nasıhattaý. Uly Jeńistiń 65 jyldyǵy men IýNESKO kóleminde toılanatyn batyrdyń 100 jyldyq mereıtoıyn atap ótýge úles qosý.
Mindeti:
• Halqymyzdyń uly perzenti, erliktiń eren úlgisi bolǵan – B. Momyshulynyń ómirin úlgi tutý:
• Tarıhı tulǵalardy qurmetteýge Otansúıgishtikke, ultjandylyqqa tárbıeleý, tarıhı - kórkem shyǵarmalar arqyly synı kózqaras pen sensorlyq (til, oı, t. b) qabilettilikti arttyrý:
• Aqparattyq, kommýnıkatıvtik, problemalyq quzyrlyqty damytý.
Ótetin orny: mýltımedıalyq kabınet
Túri: Jyldar jáne adamdar
Ádisi: «Aqparattyq» jáne «Syn turǵysynan oılaý men jazýdy damytý» tehnologıalarynyń strategıalary.
Kórnekiligi:
• «Batyr ómirinen...» foto galereıalyq slaıdtar
• B. Momyshulynyń shyǵarmalarynan kórme
• Zamandastarynyń eńbekteri
• B. Momyshulynyń ulaǵatty sózderi men óleńderi.
• IýNESKO – nyń emblemasy
Paıdalanylǵan ádebıetter tizimi:
B. Momyshulynyń İ - İİ tomdyq shyǵarmalar jınaǵy
«Kýba áserleri» İİ tomdyq shyǵarmasy
Batyrdyń óleńderi men maqal – mátelderi.
«Ulan» gazetiniń toptamasy 2010 jyl
«Ulaǵat», «Tárbıe saǵaty», «Juldyzdar otbasy», «Egemen Qazaqstan» gazetteri
«Jeńistiń 65 jyldyǵy» ınternet saıty.

Barysy:
İ. Uıymdastyrý kezeńi:
- Synyp oqýshylary kelgen qonaqtardy qarsy alýy, sálemdesý rásimi.
- Ónege saǵatyna qajetti quraldardy túgendeý.
- Mýltımedıalyq kabınettegi qaýipsizdik erejesin eske túsirý.

İİ. Maǵynany taný kezeńi
Muǵalim:
«Termınder arqyly boljaý» strategıasy arqyly ónege saǵatynyń taqyrybyn ashý.
Slaıd № 1 Termın sýretter: Aq boz at, tank, jaýyngerler,
- Olaı bolsa, búgingi tárbıe saǵatymyz «Qadirin bilmeppiz ǵoı tiri kezde,-
Dep jylar qaıran qazaq men ólgende
Urpaq aıtar seksen men júzdigimdi,
Tarıhtyń túkpirinen sóz kelgende» – dep taýyp aıtqan, óz sózimen aıtatyn bolsaq, «Ómiriniń ózi - dastan» halqymyzdyń mańdaıyna bitken,
N. Á. Nazarbaevtyń «Baýyrjan - juldyzdy bolǵan kún, qazaqtyń juldyzy janǵan kún» dep tebirene sóılegen sózimen astarlas Jeńistiń 65 jyldyǵy men B. Momyshulynyń 100 jyldyq mereıtoıyn búkil Qazaqstan kóleminde ǵana emes, IýNESKO boıynsha toılanatynyn eskere otyryp, biz de Keńes Odaǵynyń batyry Nurken Ábdirov atyndaǵy № 10 orta mekteptiń 4 «á» synyp oqýshylary óz úlesimizdi qospaq bolyp sheshtik. Endi sóz kezegin men shákirtterime bersem deımin:
1 - júrgizýshi - Aımaǵanbet: Slaıd №2
- Aty ańyzǵa aınalǵan qazaq eliniń akıyq qyrany Baýyrjan Momyshulynyń qaıtalanbas ǵajaıyp syrǵa toly ómiri men kórkem týyndylaryna arnalǵan
«Urpaq aıtar seksen men júzdigimdi Tarıhtyń qoınaýynan sóz kelgende» atty tárbıe saǵatymyzdy bastaýǵa ruqsat etińizder!
2 - júrgizýshi – Aıaýlym: Slaıd №3
Momyshuly Baýyrjan (1910 - 1982 j) – ekinshi dúnıejúzilik soǵystyń dańqty jaýyngeri, halyq qaharmany, qazaqtyń kórnekti jazýshysy. Týǵan jeri Jambyl oblysynyń Jýaly aýdanyndaǵy Kólbastaý mekeni. Atamyz 7 jyldyq mektepti bitirgennen keıin biraz ýaqyt muǵalim bolǵan. Sonda júrgende kezekti áskerı mindetin óteýge shaqyrylyp, túrli áskerı bólimderde vzvod, rota komandıri bolady. 1941 jyly Ekinshi dúnıejúzilik soǵys bastalysymen, Baýyrjan dańqty general - maıor I. V. Panfılovtyń basshylyǵymen Almaty mańynda jańadan jasaqtalǵan 316 atqyshtar dıvızıasynyń quramynda maıdanǵa attanady. Batalón, polk komandıri qyzmetterin atqarady.
1- júrgizýshi - Aımaǵanbet: Slaıd №4
Ózderińiz bilesizder, Uly Otan soǵysy 1418 kún men túnge sozyldy. Sol 1418 kún men túnde bastan aıaq soǵys aýyrtpalyǵyn kórip, qıynshylyqtaryn basynan keshirgen komandırlerdiń biri edi. Bul soǵysqa 200 ret ret qatynasyp, tozaqtyń otyna betpe – bet keldi. Sol shaıqastarda 4 ret óziniń batalónynyń birde – bir adamyn shyǵyn etpeı, tutqynǵa túsirmeı, aman - esen óziniń dıvızıasyna alyp kele bildi.. Uly Otan soǵysynda mundaı eren erlik jasaǵan adamdar sırek.
5 ret qorshaýda qalyp, buzyp - jaryp shyqqan. 7 ret jaraqattanyp, 3 ret kontýzıa alǵan
Moskva túbindegi shaıqastaǵy erligi sol kezdiń ózinde Odaq kólemine ańyz bolyp tarady. Atamyzdyń osyndaı erligi jóninde belgili orys jazýshysy Aleksandr Bek «Volokolamskoe shose» qazaqshasy «Arpalys» povesin jazady.
Muǵalim: Mysaly: Moskva túbindegi naǵyz qysyltaıań shaqta: «Krúkovadan shyǵysqa qaraı jer joq!» - dep kartanyń jartysyn qylyshpen shaýyp tastaǵan eken.

2 - júrgizýshi – Aıaýlym: Slaıd №5
Soǵystan keıin Baýkeń Sovet Armıasy Bas Shtabynyń Joǵary áskerı akademıasyn bitiredi. Áskerı pedagogıkalyq jumyspen aınalysady. Qazaq jáne orys tilderinde birdeı jazyp, óz ómirinde kórgen bilgenderin arqaý etedi. Onyń qalamynan týǵan, ómir shyndyǵyn arqaý etken tamasha romany men áńgime, povesteri qalyń oqýshynyń izdep oqıtyn shyǵarmalaryna aınaldy. Onyń kitaptarynyń jalpy taralymy 2 mıllıonnan asyp ketken edi. Baýkeńniń kitaptary Kýbada jáne Izraılde 20 ret, Polshada 15 ret, Chehoslovakıada 13 ret basylyp shyqqan.

Jannur: Slaıd №6
«Qyzyl ımperıa kúsheıip turǵan shaqta Baýkeńniń asqan batyrlyǵy da, qaıratkerligi de, jazýshylyǵy men oıshyldyǵy da durys baǵalanǵan joq. 45 jyl boıy batyr ataǵyna 2 ret usynylsa da, berilmeıdi. Máskeýdegi Joǵary akademıada 5 jyl «Joǵarǵy taktıkadan» aǵa oqytýshy bolyp, qyzmet atqaryp, ustazdyqtyń eń bıik shyńyna jetti. 13 jyl generaldyq qyzmet atqardy. Biraq, general sheni berilgen joq.
(Áskerı jýrnalıs qoljazbasynan)

Záırash: Slaıd №7
Jaralǵandaı jalynnan, Buzyp jaryp, qorshaýdy.
Jaısań batyr Baýyrjan. Jolsyz jerden jol saldy.
Estigende esimin Dostary túgil, erligin
Jaý esinen jańylǵan. Qasy da estip tamsandy.

Qaraǵandy oblysy, Qarqaraly aýdany,
Nurken aýyly. Bastaýysh synyp muǵalimi
Nurmaǵanbet Jibek Serikqyzy