InfoHub Logo

Qazirgi tańdaǵy ósip kele jatqan jastar tárbıesi ózekti másele bolyp sanalady. Jastardyń tárbıesi túsiniksiz, ıa, barlyǵy tárbıe kórgen kózi ashyq jandar. Biraq osy tárbıege kelgende osal jerleri óte kóp, ata-analary óte jaqsy tárbıe bergen biraq, sony durys kórsete almaı jatatyny málim. Nege? – degen suraq qoısaq - zamanǵa saı bolý kerek, qazir zaman basqa dep ózderine múldem basqa álem jasap alady. Jıyrma birinshi ǵasyr qazir zaman basqa deıdi, zaman óz ornynda, adamdar basqa. Jyldan jylǵa jastardyń júris-turystary, sóz saptaýy tómendeý ústinde. Jaı kóshede ketip bara jatyp, sóılegen sózderi, qulaǵyńnyń quryshyn qandyryp saı-salaǵa estilip jatady. Bunyń ózi tárbıeniń nasharlyǵy bolyp sanalady. Kóp jastarymyz «Urpaq tárbıesi – ult bolashaǵy» degen sózdiń astarynda úlken mán maǵyna jatqanyn túsinbeıdi. Qazirgi jastar ósip kele jatqan óskelen urpaqtarǵa úlgi bolýdyń orynan mazaq bolyp jatqany qansha. Bolashaqta bireýi asqar taýdaı áke, bireýi aıaýly ana bolatyn adamdar, erteń bolashaqta balalaryna qandaı úlgi ónege bolady degen oı ishimdi qynjyltady. Biz ózimiz jastardyń tárbıesine osal qaraǵandyqtan, osy máseleni ózekti etip qozǵap otyrmyz. Uldardyń qyz sekildi kıinýi, kóshede qyzben jigittiń jabysyp turýyna salǵyrt qaraǵandyqtan, bul nárseniń kóbeıýi sanymyzdy san soqtyryp otyr. Bizdiń, ıaǵnı jastardyń tárbıesi ult bolashaǵy ekenin umytpaýymyz kerek. Bizdiń tárbıemiz óskelen urpaqtarǵa úlgi, bizden olar úlgi alyp keleshekte sol arqyly pisip jetiletinin árqashan jatta ustaýymyz qajet. Egerde biz jasóspirimderdi tek jaqsy nárselerge baýlyıtyn bolsaq, keleshek urpaqtardyń da tárbıesi joǵary bolatynyna senemin. Bizdiń óskelen jastardyń tárbıesi kóptegen máselege áser etetinin túsinbeıdi. Osy máseleni oılap qatty qynjylamyn. Ár bala dúnıege kelgensoń ata – anasynyń jaqsy tárbıesin alyp shyǵady, óse kele ár ortaǵa túsip balanyń oıy buzylyp, oıy san saqqa ketip tárbıeniń ne ekenin qatty uǵyna bermeıdi. Tárbıe degen sózdiń ózi bir erekshe ǵoı shirkin! Ony uǵynyp jatqan jatqan jastar barma, men kópke topyraq shashqym kelip turǵanym joq, bes saýsaq birdeı emes ıa, sonyń ishinde sanaýly jastarymyz tárbıeniń ne ekenin uǵynbaı, ar-ujdadan, namystan aıyrylyp jatady. Erlerimiz ez bolyp, qyzdarymyz jer bolyp namysy taptalyp jatqany qansha. Bunyń barlyǵyna jastardy kinalaı berýdiń de keregi joq shyǵar, biraq adam balasy ár nárseni ister aldynda eń birinshi uıatty oılaý kerek dep úsinemin. Nege? Sebebi, dóreki áreket jasaǵannan keıin, kóptegen qısyńqy sózder ata-anaǵa, ata-ananyń bergen tárbıesine úlken kir keltiretine sózssiz. Toqsan aýyz sózdiń tobyqtaı túıini «Tárbıe – ata-ananyń aınasy ekenin umytpaǵanymyz jón».

---