InfoHub Logo

Umytshaqtyq zerdeńizdiń álsiregeniniń belgisi bola qoımas, biraq ol kúndelikti ómirdi qıyndatyp, kóńil kúıińizdi buzady. Ondaıǵa jol bermeýdiń amaldary da bar.

— Dárihanadan rozmarınniń nemese bazılıktiń efır maıyn satyp alyńyz. Solardyń ıisin jutqanyńyzda betatolqyndar aǵymy kúsheıedi, bul mı belsendiliginiń artqanynyń belgisi. Álgi efır maıynyń bir tamshysyn shashyńyzǵa, qol basyna, ne kıimińizge tamyzyp qoısańyz, ıisin udaıy sezinip otyrasyz. Bólmege tıtimdeı shashýǵa da bolady.

— Kofeın bar sýsyn adamnyń zeıinin bir nársege shoǵyrlandyrý qabiletin az ýaqytqa bolsa da arttyrady. Keıde kofe ishý uzaǵyraq jaqsy nátıje beredi. Portýgalıa zertteýshileri kúnine úsh-tórt shynyaıaq kofe ishetin qart adamdardyń zerdesi ishpeıtinderden jaqsyraq jumys isteıtinin anyqtady.

— Kún saıyn eki qalaqty gınkgo shóbinen jasalǵan dármektiń 120 mg-yn iship alyńyz. Bul shóp mıdaǵy qan aınalymyn kúsheıtedi, munyń ózi mıdyń jasýshalarynyń qannan ottegini barynsha kóp jutýyna kómektesip, olardyń jumysqa yntasyn arttyrady. Germanıada gınkgonyń kádimgi syqpasyn zerdeniń (ınsýlttyń da) álsireýiniń aldyn alý úshin kóbine qart adamdarǵa usynady. Eger mıyńyzdaǵy qan aǵysynyń deńgeıi tómen bolsa, gınkgo dári-dármegi (mysaly, tanakan) óte jaqsy kómektesedi.

— Mıdyń qanmen qamtylýyn jaqsartý úshin kóbirek júrip-turý kerek. Dene shynyqtyrý jattyǵýlary mıdaǵy júıke jasýshalarynyń sanyn ulǵaıtady deıtin derekter bar. Ásirese paıdalysy jaıaý júrý, júzý (maltý). Dene tárbıesimen aınalysý sýsamyrdyń, ınsýlttyń, gıpertonıalyq syrqattyń aldyn alýǵa da kómektesedi.

— Glúkozanyń az da bolsa jaqpaýy men jasqa qaraı zerdeniń álsireýi arasynda baılanys bary anyqtalǵan. Glúkoza (qant) tamaqtyń ydyraýy nátıjesinde qorytý júıesinde paıda bolatyn energıanyń negizgi qaınary. Biraq kóptegen adamdar (ásirese orta jastaǵy jáne qartaıa bastaǵan adamdar) glúkozany nashar sińiredi: qan aǵysyndaǵy jasýshalardyń glúkoza jutý úderisi buzylǵan. Ne isteý kerek? Júıeli túrde, belgili ýaqtynda, óz shamańyzsha tamaqtaný kerek.

— Ósimdik maıyn, jańǵaq, tuqym, avakado, balyq sekildi dámderdi kóbirek paıdalanyńyz. Olardaǵy maı qandaǵy qant deńgeıiniń turaqtanýyna kómektesedi, arterıanyń ishine jabyspaıdy.

— Mıdyń 85 paıyzy sý. Sondyqtan kúnine segiz staqannan kem sý ishpeńiz.

— Tamaǵyńyzda V tobyna jatatyn V6, V12 vıtamınderi jetkilikti bolsyn. Olar mı qabyǵynyń qalpyna kelýine járdemdesedi. V6 vıtamınine banan, nut, túıetaýyq eti baı.

— Maıy kúrdeli azyq-túlik paıdalanýdy azaıtyńyz. Olar arterıany taryltady. Margarınde, unnan jasalǵan pishinanda, jeńil tiskebasarlarda kóp bolady.

— Aptasyna eki-úsh ret balyq jeńiz. Aqserkede, maıshabaqta, skýmbrıada omega-3 maıly qyshqyly kóp. Olar qandy suıyltady.

Oqýǵa keńes beremiz:

Zerdeńizdi damytatyn paıdaly 7 daǵdy

Mıǵa paıdaly jáne zıandy ónimder

Este saqtaý, zeıin salý jáne oı jınaqtaýǵa paıdaly 10 azyq

Mıǵa zıan keltiretin azyqtar

Balanyń zerektigin shyńdaý

Jańa málimetti eske saqtaýdyń úzdik ádisi

---