InfoHub Logo

Kásipker tyshqandar mektebiniń úsh oqýshysy úzilis kezinde aýa jutýǵa shyqan. Biri óz oıymen bólise bastady:

— Men baıyp ketsem, birden adamdardan irimshik satyp alyp, basqalarǵa qymbat baǵamen satýshy em — dese, keıingisi:

— Keremet aqyl, baıyp ketseń meni mindetti túrde satýshy retinde jumysqa qabylda. Qala berdi meniń qolym jeńil ekenin óziń jaqsy bilesiń, kásibińdi órge domalatyp jiberemin — dedi, sonda ózgesi:

— Myrzalar, biraz qarajatpen kómektesip jiberińdershi. Qaltamdaǵy sál jetpeı jatyr — deıti.

— Má, biraq qara, umytyp ketpe! Men baıyp ketýim úshin ár soqyr tıyn kerek! — dese, qasyndaǵy:

— Má, bizdiń sózimizdi bóle bermeı ketshi! Jaǵdaıyń bolǵanda, qaıtararsyń — dedi

— Raqmet, myrzalar! Mindetti túrde qaıtaram — dep, óz jónimen ketti.  Ekeýi baıyp ketse qandaı keremet dúnıege qol jetkizetin, jaǵdaılary erekshe bolatynyn áli de armandaýda. Bir zamat pysyq tyshqan, kishkentaı arbaǵa irimshik tıep, ekeýiniń qasyna jaqyndap

— Myrzalar, qarsy bolmasańyzdar! Qaryzymdy irimshikpen bereıin. — dese, birinshisi:

— Dál kerek nárse, jospar qurýǵa irimshik jaqsy kómektesedi dep estigenmin — dep, qaltasynan aqsha shyǵaryp — má, mynaǵan da qosyp bere sal. — dese, ekinshisi jumys berýshisiniń istegenin qaıtalady. Úshinshi tyshqan paıdaǵa keńelip, arbasyn súırep adamdarǵa ketti. Al, basyndaǵy ekeýi qıaldaǵy baıly men saýdasyn jasap jatqanyn elestetip eski tanystarynyń turaqty satyp alýshysyna aınaldy. Olar, áli kúnge deıin kásipkerler mektebiniń aýlasynda armandap turady eken.

---