InfoHub Logo

Jumys kúni támámdalyp, úıimniń janyna jetkenim sol ǵana tamuqtyń qara tóbetteri tap basyp qolymdy qaıyryp ketti. Ne bolyp jatqanyn túsinip úlgermedim. Tergeýshige alyp bardy.

Tergeýshi ashylǵan isti zertteýde. Onyń qasynda ne kiná jasaǵanymdy bilmeı del-sal bolyp ótkenimdi paraqtap otyrymyn.  Taptym. Kezinde, bir tanysymnyń balasyn mektepke oqýǵa turǵyzýǵa biraz septigimdi tıgizip, soǵan rızalyǵyn bildirgende, alǵanym bar edi sol shyǵar. Ne de bolsyn, jasaǵanymdy moıynymmen kóterýim kerek. Tergeýshi bir sátte qalyń qaǵazdardan basyn kóterip, zorǵa ún qatty:

— Pálenshe Pálenshıev sizdiń perzentińiz be?

— Iá, biraq onyń buǵan ne qatysy bar...

— Ol qalanyń nómeri úshinshi bóbekjaıyna barady ma?

— Iá ... — dedim, tamaǵyma jınalǵan silekeıdi áreń jutyp. Demek, bularda men jaıly barlyq aqparat bar eken.

— Bilesiz be? Tárbıeni ata-ana bergendikten olardyń jasaǵan qylmystaryn da onyń ata-anasy kóteredi.

— Solaı shyǵar... — deýi dedim de, ári qalaı oıyma «olardyń qylmysy» degen sóz balǵamen  basyma qoıyp qalǵandaı boldy — Qandaı? Ne dep otyrsyz?

— Ózińizdi basyp alyńyz... Másele bylaı... — dedi de teris qarap ashshy sýdy shóldegen adamsha simirdi de: — Biz de oınap júrgen joqpyz. Mine, sizdiń ulyńyzdyń ústinen shaǵym tústi. Sizdiń júgirmegińiz tobyndaǵy anaý-mynaý emes, sona-a-ý — dep, suq saýsaǵyn kókke tirep: - Kókemniń balasyna qol kótergen. Soǵan jeńgemiz myna shaǵymdy... — dep, romanmen kólemdes shaǵymdy meniń aldyma ysyrdy. Tanysyp shyǵyńyz.

Oqyp otyrmyn... Tergeýshi jaqqa kóz júgirtsem ol aınany alyp jyltyr júzindegi túkterin julyp otyr. Bolǵan jaǵdaımen tanysyp shyǵa

— Endi, ne isteýge bolady. Aıǵaq bar ma? — degen suraǵyma

— Aıǵaq degende, másele bylaı... — dep, stol ústindegi kompúterdiń túımeshesin basyp, ekranǵa nusqady. Onda oıynshyq talasqan kókesiniń balasy meniń jalǵyzymdy tómpeshteı bastady. Ol, basynda úndemeı otyrdy da, keıin shydaı almaı, álginiń qolyn ustap bir silkip qoıa berdi. Sony aýyrsynyp jylaı bastady.  Bar bolǵany sol. Tamashalap bolǵannan keıin, esh kinámiz joq ekendigin baıqap

— Endi ne iste deısizder?!

— Maǵan dese eshnárse... biraq, ol kókemmen baılanysty bolǵan úshin keshirim surap, basqa oqý orynyna aýystyra salyńyz. Bolmashyǵa bola is bastap, qolymyzdy bulǵaǵymyz kelmeıdi.

— Bul degen baryp turǵan...

— Bilesiz ǵoı... Eldegi jaǵdaı osy... Qalasańyz sot aldynda jaýap beresiz. Biraq... ol jerde jeńiske jetesiz dep aıta almaımyz. Durys tárbıe bere almaǵany úshin jarty jyldan úsh jylǵa deıin bas bostandyǵynan aıyrý quqyǵy bar. Sol sizge kerek pe?

Murnymnyń aldyna dáıekterdi úıip tastaǵannan soń, amalsyzdan kóndim. Sharasyzdyǵym úshin, ulymnan keshirim surap, kókeler men onyń otbasy múshelerine múlde qatysy joq bóbekjaı izdeýge týra keldi..

---