InfoHub Logo

Taqyryby: «Úsh qyz» ertegisi
Maqsaty: ertegini balalarǵa tanystyrý, mazmunyn ashý, keıipkerlerdiń taǵdyryna balalardy ortaqtastyrý arqyly olarmen birge qýanyp, birge armandap, izgilik pen ersilikti aıyra bilýge úıretý; balalardy adamgershilikke tárbıeleý.
Kórnekilikter, qajetti quraldar: ananyń jáne qyzdardyń ılústrasıaly sýretteri, jumys dápteri túrli tústi qaryndashtar
Sózdik jumys: aıaýly jan, qaıyrymdylyq.
Bılıngvaldy komponent: ana - mama; qyzdar - dochkı, aýyrý - bolet, balara - pchela.

Motıvasıalyq Qozǵaýshylyq
Shattyq sheńberi
Bizdiń topta balalar
Tatý - tátti oınaıdy.
Dos kóńili árqashan
Tek jaqsylyq oılaıdy.
Uıymdastyrýshylyq izdenistik

Kirispe áńgime
Pedagog balalarǵa jumbaq jasyrady:
- Ómirdegi eń jaqyn, eń aıaýly jan kim?
- Eń aıaýly jan - ol ana. Anamyzdy syılap, aıtqanyn oryndap, renjitpeı júrýimiz kerek. Anamyz aýyryp qalsa, dári - dármek berip qaraýymyz kerek.
- Búgin biz tatar halqynyń «Úsh qyz» ertegisimen tanysamyz.
Pedagog ertegini mánerlep oqyp beredi, mazmunyn túsindiredi.
Sózdik jumys
Aıaýly jan sózi ómirdegi eń jaqyn, eń qymbat degen maǵynany bildiredi
Qaıyrymdylyq dep qıyn kezde kómek kórsetýdi aıtamyz.
Suraq - jaýap
- Anasy tıindi jumsap, qyzdaryn ne úshin shaqyrady?
- Tıin úlken qyzdy nege aınaldyrady? Ne úshin?
- Tıin ortanshy qyzdy nege aınaldyrady? Ne úshin?

Sergitý sáti
Ornymyzdan turaıyq,
Qarlyǵash bop ushaıyq.
Bir otyryp, bir turyp,
Jaqsy sergip qalaıyq.
Dáptermen jumys
Dápterdegi berilgen tapsyrmany balalarǵa túsindirý.

Balalarmen jeke jumys júrgizý.
Maqal jattaý
«Ana aldynda - qurmet,
Ata aldynda - qyzmet».

Refleksıalyq túzetýshilik
- Eger analaryń, qamqorshyń aýyryp qalsa, sender qalaı kómektesesińder?

Kútiletin nátıje:
Oryndaıdy: anasyn, qamqorshysyn syılaıdy, kómektesedi.
Túsinedi: ana - balasy aýyrsa árdaıym janynda bolatyn aıaýly jan ekenin, bala da anaǵa qamqorlyqpen qaraýy keregin túsinedi.
Qoldanady; analarǵa arnalǵan óleńder men taqpaqtar aıtyp beredi.

Mańǵystaý oblysy,
Túpqaraǵan aýdany, Fort - Shevchenko qalasy
Baýtın aýyly,"Aqbota" balabaqshasynyń tárbıeshisi
Jangojına Aıman Týralıevna