InfoHub Logo

Ushý jáne qoný kezinde jolaýshylardan ne úshin oryndyqtardyń arqalyqtaryn tiktep qoıýdy ótinetinin jáne salondaǵy shamdardy óshirip tastaıtynyn bilip alyńyz.  

Ushaq salonynda birinshi ret otyrǵan kisi «anda barma», «bulaı otyrma», «mynany qospa» degen sıaqty rásim-josyqtar men erejelerdiń kóptigine ań-tań bolary anyq.

Biz áýe kompanıalarynyń 5 túsiniksiz jorasyn tańdap alyp, ne úshin jolaýshylardan ol joralardyń saqtalýyn talap etetinin túsindirip shyǵýdy uıǵardyq.

Nege ushaq qonǵan jáne ushqan kezde shamdardy óshirip tastaıdy?

Eger osylaı istese aspandy tamashalaýǵa jaqsy bolady dep oılasańyz, qatty qatelesetinińizdi aıtýǵa tıispiz. Bul talap tek qaýipsizdik erejelerinen týyndap otyr. Bar gáp ushaqtyń ushýy men qonýy — ushqyshtardyń eń qaýipti manevrleri ekendiginde.  

Sondyqtan, bundaı qaýipsizdik sharalarynyń qajet bolatyn sebepteriniń biri: oqys jaǵdaı bola qalsa, ushaq ekıpajy jan-jaǵyn kóre alatyn bolýy kerek. Túnde jol júrgende salondaǵy shamy óshiriletin avtokólikpen analogıa jasap kórýge bolady. 

Ushaqta otyrǵanda telefondy nege óshirip qoıý kerek?  

«Ushý kezinde sizderden uıaly telefondaryńyzdy óshirip qoıýdy jáne basqa da elektrondy tehnıka túrlerin paıdalanbaýdy ótinemiz», — árbir jolaýshy kez kelgen reıste osyndaı habardandyrýlardy estıdi.    

Aqıqatyn aıtsaq, atalǵan aspap-quraldar áýe kemeleriniń radıoqurylǵylary úshin sonshalyqty qater tóndirmeıdi. Áýe tehnıkasy paıdalanatyn jıilikterdiń turmystyq zattardyń sıpattamasynan aıtarlyqtaı aıyrmashylyǵy bar.    

Ushyp kele jatyp ushqysh aıtyp jatqan habarlandyrý estilmeı, dybys joq bolyp ketetinin baıqaýyńyz múmkin. Bul jolaýshylardyń biriniń qosýly turǵan telefonynyń kesirinen bolyp tur.

Alaıda bul kedergiler bolar-bolmas qana, onyń ústine qazirgi zamanǵy ushaqtarda olardyń áseri joqtyń qasy, biraq, ondaı kedergilerdi boldyrmaý úshin, ushý jáne qoný kezinde báribir telefondardy óshirip qoıýdy ótinedi.   

Ushý jáne qoný kezinde ne úshin oryndyqtardyń arqalyqtaryn tiktep qoıýdy ótinedi?

Bul endi túsinikti: tik turǵan arqalyq sizge jáne basqa jolaýshylarǵa ary-beri ońaı ótýge múmkindik beredi.   

Buǵan qosa, oqys jaǵdaı bola qalsa, arqalyqtardyń dál osylaı tik turýy sizge de, artyńyzda otyrǵan jolaýshyǵa da jaqsy qorǵanysh bolady.     

Dál osy sebepti oryndyqtarǵa ornatylǵan taqtalar men mını-stoldar da jınaýly turýy tıis. Oryndyq arqalyqtarynyń osylaı tik turýy men qaýipsizdik sharalarynyń saqtalýy ushý kezindegi ár túrli qyzyq-shyjyqtar men qaýipti jaǵdaılardyń bolý múmkindigin azaıtady.

Búkil komanda men jolaýshylar ushaq bortyna jınalyp bolǵan kezde boardong completed dep nege aıtady?  

Boarding completed degen sóz jolserikterge (stúardessalarǵa) arnalǵan ishki ınstrýksıa. Bul sóz jolaýshylar úshin aıtylmaıdy.  

Aǵylshyn tili halyqaralyq avıasıa tili bolǵandyqtan, búkil dúnıe júziniń áýe kompanıalary birin biri túsinýi úshin, dál osy tilde aıtylady.

Ushaq ushyp shyqqan kezde jáne kelip qonǵan kezde beriletin dybystyq sıgnal neni bildiredi?

Dybystyq sıgnal Cabin crew take your seats dep aýdarylady. Bul ekıpajdyń kabınasyna beriletin habarlama, olar oryndaryna otyrýlary tıis ekenin bildiredi.  

Oqýǵa keńes beremiz:

Ushaq jaıly sizdi tolǵandyrǵan 8-suraqtyń jaýaptary

Avıasıa jáne avıasaıahattar jaıly qyzyqty derekter

Ushaqta saǵyz shaınańyz

Ushaqtar aspanda nege aq iz qaldyrady?

---