InfoHub Logo

№ 182 mektepte ótkizilgen muǵalimder kúni merekesine arnalǵan «Ustaz aty – bıik, ári máńgilik» atty merekelik jıyn
Maqsaty: Oqýshylardy ustazdy qurmetteýge, syılaýǵa úıretý, ustaz mamandyǵynyń qyry men syrlaryn túsindirý. Ustaz eńbegin árqashan baǵalaı bilýge úıretý.
Kórnekilikter: Qanatty sózder, gúlder, jalaýsha, sharlar.
Bı: «Aqbulaq»

İ júrgizýshi: Ulylyqtyń uıytqysynan jaralǵan,
Ónegeńnen barlyq shákirt nár alǵan.
Shapaǵatty shýaq sepken ustazdar,
Ózderińnen bastaý alar bar arman.

İİ júrgizýshi: Ustazdar jaqsylyqtyń jol ashary,
Qolyńda shákirtińniń bala shaǵy.
Ómirdi alǵa qaraı órletetin,
Senderde Uly Otannyń bolashaǵy –

İ júrgizýshi: Ustaz ... Qandaı qasıetti sóz! Ár adamnyń júregine erekshe jylýlyq
nuryn sebetin aıaýly tulǵa beınesimen ózektes uǵym. Adam balasynyń júregindegi qadir tutyp, qurmetteıtin eki uǵym bolsa, onyń biri – Ustaz.

İİ júrgizýshi: Durys aıtasyń Uljan.
«Ustaz» degen sóz qazaq balasy úshin qashanda qasıetti, qadirli bolǵan.«Ustazdan tárbıe alǵan » nemese «Ustaz aldyn kórgen» degen sózder «ana tárbıesin alǵan» degen sózdermen ushtasyp jatady.

İ júrgizýshi: Iá, Jeńisbek.
Urpaq tárbıesi – ustazǵa baılanysty. «Uıada ne kórseń, ushqanda sony ilersiń » degendeı ónegeli ustazdan jaqsy shákirt shyǵatyny sózsiz.

İİ júrgizýshi: Ustaz – ulaǵatty esim. Shákirtterin bilim nárimen sýsyndatyp, tálim – tárbıe berý, jaqsy qasıetterdi boıyna darytyp, adamgershilik rýhta baǵyt – baǵdar berýde eńbegi zor.

İ júrgizýshi: Shákirtterge bilim berýde ustazdardyń eńbegi ushan teńiz. Sondyqtanda ustaz árdaıym qasıetti tulǵa retinde erekshelenedi.

İİ júrgizýshi: Olaı bolsa, qadirli ustazdar!
Sizderdi tól merekelerińizben shyn júrekten quttyqtaımyz.

İ júrgizýshi: Sizderdiń shákirtterdi tárbıelep, bilim berý jolyndaǵy eńbekterińiz jana bersin.

İ, İİ júrgizýshi: Eńbekterińizge tabys, otbasylaryńyzǵa baqyt, mereılerińiz ústem bola bersin demekpiz.

İ júrgizýshi: Olaı bolsa búgingi merekege arnalǵan «Ustaz aty – bıik ári máńgilik» atty merekelik jıynymyzdy ashý úshin mektep basshysy Ǵalymbek aǵaıǵa beremiz. Rahmet, aǵaı!
«Toı bastar» ánin qabyl alyńyzdar. Oryndaıtyn 8 – klass oqýshysy Seıdilda Juldyz.

İİ júrgizýshi: Kelesi tyńdaıtyn ánderińiz «Ustazym» oryndaıtyn 10 – klass oqýshysy Silteý Madına.

İ júrgizýshi: Ustaz! Osy bir sózdiń ózinde qanshama mán – maǵyna, qasıetti uǵym jatyr. Ustaz aldynan ótpeıtin eshkim joq. Júreksiz ómir bolmasa, muǵalimsiz bilimniń, tárbıeniń iske aspaıtyny belgili. Nebir danyshpan adamdar, qarapaıym eńbekkerler, tipti arman qýǵan jetkinshekter de bári bir adamǵa qaryzdar.

İİ júrgizýshi: Iá, ol – ustaz! Ustazsyz ómirdiń naqty tutqasyn ustaý múmkin emes. Adamdy tárbıelep, ony azamat atandyrýdyń ózi bir úlken kúsh, sondyqtan da ustazdyń eńbegi – uly eńbek.
Ǵylym ıesi ǵalym da, el qorǵaǵan batyr da, tilinen bal tamǵan aqyn da, tegeýrini temir balqytqan jumysshy da, egin salǵan dıqan da, mal baǵyp ter tókken shopan da bári – bári ustazdan tálim alǵan, sondyqtan barlyq qurmet ustazdarǵa arnalady.

İ júrgizýshi: Olaı bolsa ustazdarymyzdyń qurmetine aýyl ákimi Bıbisara apaıdyń jyly lebizin tyńdasaq.
Rahmet, apaı!

İİ júrgizýshi: «Qazaq qyzy» oryndaıtyn 8 – klass oqýshysy Qýanyshbaı Ábdýalı.
İ júrgizýshi: Ustaz sózin aıtyp júrdik án qylyp,
Odan basqa júrgen kim bar jandy uǵyp,
Ustaz degen – ulylardyń ulysy,
Qasıetine bas ıeıik máńgilik! – dep kelesi merekelik quttyqtaý sózdi ardager ustaz Kemal aǵaıǵa beremiz. Rahmet, aǵaı!

İİ júrgizýshi: «Ustazyma» oryndaıtyn 7 – klass oqýshysy Jetkerbaı Gúlzat.
İ júrgizýshi: «Mektep – bilim tiregi, ustaz - onyń júregi» - dep ǵulama aǵalarymyz aıtqandaı, Jeńisbek meniń oıymsha, kez – kelgen adam ustaz bola almaıdy.

İİ júrgizýshi: Olaı oılaýyńnyń sebebi nede?
İ júrgizýshi: Sebebi ustazdyq - óner, taǵylymy tereń óner. Al ónerli bolý kez – kelgen adamǵa qona bermeıdi.

İİ júrgizýshi: Olaı bolsa, shyn ustaz bolý úshin tabıǵı daryn, izgilikti izdenis pen eren eńbekke ushtastyrylýy shart.
Uljan, «Shákirtsiz ustaz tul» degen sóz tegin aıtylmasa kerek.

İ júrgizýshi: Ustaz degen – jaryq kúni ǵalamnyń,
Ustaz degen – anasy ol adamnyń.
Búkil álem moıyndaıdy eńbegin,
Sen de odan adam bolyp jaraldyń – dep kelesi merekelik quttyqtaý sózdi mektepishilik ata – analar uıymynyń tóraǵasy Meırambek aǵaıǵa beremiz. Rahmet, aǵaı!

İİ júrgizýshi: «Asyl dosym» áni oryndaıtyn 8 – klass oqýshysy Seıdilda Juldyz.
İ júrgizýshi: Muǵalim, ǵazız muǵalim,
Tógilgen araı, shýaǵym
Armanym qonsa, qolyma,
Arqań dep seniń uǵamyn.
İİ júrgizýshi: Muǵalim, ǵazız muǵalim,
Sarqylmas máńgi bulaǵym.
Ulanyń búgi toıyńda,
Arnaıdy saǵan bul ánin.

İ júrgizýshi: Jeńisbek, ustazdyq etý – ýaqyt utý emes, ózgeniń baqytyn aıalaý, óziniń ýaqytyn aıamaý – degen eken ǵulama aǵalarymyz.

İİ júrgizýshi: Durys aıtasyń, Uljan.
Altyn ýaqyttaryn sarp qylyp, ustazdyq eńbegin shyńdaý barysynda kómegin aıamaı, balalardy bilim nárimen sýsyndatqan aıaýly ustazdarymyzdyń eńbegi zor.

İ júrgizýshi: Olaı bolsa ustazdarymyzǵa arnalǵan quttyqtaý sózdi mektepishilik ózin - ózi basqarý uıymynyń prezıdenti Ábilova Aqmaralǵa beremiz. Rahmet!
İİ júrgizýshi: «Ustazym» áni oryndaıtyn 7 – klass oqýshysy Jumataı Tursynaı.
İ júrgizýshi: Ustaz joly qıynyraq basqadan,
Syrlary mol áli syrtqa shashpaǵan
Sharshasa da osy joldyń boıynda,
Qandaı jaqsy shyn baqytyn tapsa adam – deı kele endigin merekelik quttyqtaý ózdi mektep basshysy Ǵalymbek aǵaıǵ beremiz. Rahmet, aǵaı!
«Dostar» áni oryndaıtyn 10 – klass oqýshysy Silteý Madına.

İİ júrgizýshi: Mektep úıim, ustazdarym ata – anam,
Senen ósip, senen ǵana nár alam.
Saıań ystyq, sen máýeli báıterek,
Tamyrlary san tarapqa taraǵan.

İ júrgizýshi: Búgingi kún qushaqtary gúlge tolsyn,
Denderińniń saýlyǵy myqty bolsyn.
Bilimimen sýarǵan shákirtterin,
Tól merekeń ustazdar qutty bolsyn!

İİ júrgizýshi: Qurmetti ustazdar, qonaqtar!
Búgingi Ustazdar merekesine arnalǵan «Ustaz aty – bıik ári máńgilik» atty merekelik jıynymyzdy jabyq dep jarıalaımyz.
İ júrgizýshi: Kóńil qoıyp tyńdaǵandaryńyzǵa kóp – kóp rahmet!