InfoHub Logo

Taqyryby: Ustazym, ulaǵatym, úlgi - ónegem!

Maqsaty: Oqýshylardy ardaqty da aıaýly ustazdaryn qurmetteýge, syılaı bilýge úıretý, adamgershilikke, súıispenshilikke tárbıeleý.
Kórnekiligi: Sahna merekelik keshke arnalyp bezendiriledi. Maqal - mátel, naqyl sózder jazylǵan plakattar ilinedi.

1 - júrgizýshi: Armysyzdar, ardaqty ustazdar! Búgin - Muǵalimder kúni.
Barshamyzdyń saýatymyzdy ashyp, bilim nárimen sýsyndatyp, ómirge qanat qaqtyrǵan ulaǵatty ustazdar, merekelerińiz qutty bolsyn! «Ustazym, ulaǵatym, úlgi - ónegem» atty ashyq tárbıe saǵatymyzdy ashyq dep jarıalaımyz!
2 - júrgizýshi: Ǵylym ıesi ǵalym da, el qorǵaǵan batyr da, tilinen bal tamǵan aqyn da, tegeýrini temir balqytqan jumysshy da, egin salyp, mal baǵyp, terin tókken sharýa da, kókti sharlaǵan ǵaryshker de, bári - bári ustazdan bilim úırenip, tálim alǵan.
Ulaǵatty ustazdar! Sizderge búkil adam balasy bas ıedi.

1 - oqýshy: Saıa
Ustaz degen qasıetti adam bar,
Bile bilseń, seniń eki anań bar,
Biri - seniń týǵan anań bolsa eger,
Ekinshi anań - ustaz degen danań bar.

2 - oqýshy: Aıgerim
Ustaz ana - bolashaqtyń anasy,
Ustaz ana – aqyl - bilim anasy,
Júzindegi pák meırimdi kórgende
Ár shákirttiń oıanady sanasy,

3 - oqýshy: Gúljaına
Uly ómirge jetelep,
Ashqan bilim esigin,
Qurmetteıik, mápelep,
Ustazdardyń esimin

4 - oqýshy: Jibek
Syılaı bárin elińiz,
Sizge jyr da, tilek te,
Shyńǵa órleı berińiz
Bilim seýip júrekke.
Dombyrasyn qaǵyp qap
Tógildirer neler saz
Shabyty asqaq sharyqtap
Ortaǵa shyqsyn ónerpaz

5 - oqýshy: Elvıra
Jyr ónerin jalǵaǵan,
Taıpaldyrsyn, jorǵasyn,
Ózderińe arnaǵan
Ánin jyraý tolǵasyn.

6 - oqýshy: Móldir
Ustaz bolam ózińdeı,
Úıreter aqyl, parasat,
Aıanbaı eńbek etetin,
Bolsynshy dep bala shat!

1 - júrgizýshi: Ustaz joly qıynyraq basqadan,
Jemis kútken gúl ashpaǵan baqshadan.
Jigeriń men talantyńdy jumsamaı,
Ońaı bop pa tárbıeleý jaqsy adam
Osy joldyń qıasy men óri bar,
Súrindirer qıyn ótkel joly bar.

2 - júrgizýshi: Kóp izdenip alsań bıik bul shyńdy,
Otyrǵyzar shyn qurmettep tóri bar.
Ustaz joly qıynyraq basqadan,
Syrlary mol áli syrtqa shashpaǵan,
Sharshasa da osy joldyń boıynda,
Qandaı jaqsy shyn baqytyn tapsa adam!

Bı: «Qazaq bıi»

1 - júrgizýshi: Jaqsylyq ataýlyǵa jarshy jandar,
Jamandyq ataýlyǵa qarsy jandar,
Balany sýsyndatyp ósirýge
Bilimniń bulaq kózin arshyǵandar

2 - júrgizýshi: Ustazdar qandaı ǵajap halyqsyzdar,
Shákirtke shyndaı bıik alypsyzdar.
Jan bitken janaryna nur
Kúndeı bop kúlimdegen jaryqsyzdar.
Án «Aǵajan» Oryndaıtyn: Saǵıeva Symbat.
Ustazdarǵa arnaý

7 - oqýshy: Bahtıar
Keleshekti kezinde
Kesip aıtar ózińe.
Ónege mol ózinde,
Ósıet kóp sózinde.
Kóp shákirttiń dosyndaı.
Baqyt apaı osyndaı.

8 - oqýshy: Q. Álisher
«Bilim» dese boıymyzda turar kúsh.
Shákirtteri shetinen til alǵysh.
Talaı ret tentektikti keshirgen,
Indıra apaı ózińe myń alǵys!

9 - oqýshy: Saıa
Teńeımiz biz ony keıde juldyzǵa,
Úlgi tutyp keleshek jas ul - qyzǵa.
Dúnıe júziniń geografıasyn jattatqan
Jan jete me jaısań apaı Gaýharǵa!