InfoHub Logo

«Úı Gońnyń taý kóshirýi» atty bul ańyzdy qytaıdyń uly kósemi Maýzydýń: «Adamdy jigerlendiretin, tárbıeleıtin tamasha ańyz», — dep baǵalaǵan bolatyn. Bunda ertede jasy toqsanǵa taıap qalǵan Bıshan taýynyń baýraıynda Úı Goń degen shal bolypty. Onyń esiginiń aldynda úlken eki taý bar eken. Aqsaqal bala-shaǵasymen aqyldasyp, úıge kirip-shyqqandaryna kedergi jasap otyrǵan osy eki taýdy tegistep tastaýǵa kelisip, qoldaryna kúrekterin alyp eńbekke kirisedi, uzaq jyldar bir tynbaı eńbektenedi, kórgender tańyrqap: «Aqymaq shal, bul bolmaıtyn sharýa ǵoı», — dep ony jazǵyryp kelemejdeıdi. Sonda Úı Goń olarǵa bylaı dep jaýap beredi: «Men ólsem, balam qazady, balam ólse, onyń balasy qazady, ol ólse, onyń balasy qazady, osylaı tabandylyqpen jalǵastyrsaq, nesi qalady, bitpegende?!» — dep jaýap beredi. Olardyń bul isi táńirdi qatty áserlendiredi, sodan keıin táńir eki perishtesin jiberip, taýdy bir túnde tegistetip tastaıdy. Bul ańyz shynymen de «Talapty erge nur jaýar» dep, adamnyń erlik jigerin shyńdap, qashan da jeńiske jeteleıtin, tárbıelik mánge ıe ańyz bolyp tabylady. Ejelden beri kúni búginge deıin ádebıetshiler, ónerpazdar, tarıhshylar osy ańyzdy óz kádesine jaratyp otyr.

---