InfoHub Logo

Ekinshi sábıler tobyna til damytý pánine arnalǵan ashyq sabaq jospary.
Bilim berý salasy: Qatynas
Bólimi: Til damytý
Taqyryby: Úı janýarlary
Maqsaty: Úı janýarlarymen jáne tólderimen tanystyrý. Janýarlarǵa qamqorlyq jasaý kerektigin túsindirý.
Mindetteri: 1) Úı janýarlarmen tanystyra otyryp, jańa sózderimen sóz qorlaryn molaıtý. Suraqtarǵa jaýap berýdi úıretý.
2) Oı qabiletterin damytý.
3) Úı janýarlarǵa degen qamqorlyq jasaýǵa tárbıeleý.
Ádis tásili: kórsetý, túsindirý, úıretý, oıyn, suraq jaýap.
Kórnekilikter: sýretter

Motıvasıa:
Shattyq sheńber
Tárbıeshi: Káne, balalar, shattyq sheńberge turamyz

- Ýgáı, ýgáı ánimiz,
Arpa – bıdaı dánimiz,
Ashyq bolyp aspanymyz,
Sátti bolsyn kúnimiz!
(Balalar sheńberge turyp, óleń sózderin qaıtalaıdy)
- Balalar, bir birimizge búgingi kúnge sáttilik tileıdi
Ǵajaıyp sát:
Topqa jylaǵan Laq kiredi.
Tárbıeshi:- Sálem, laq, ne boldy saǵan, nege jylap tursyn?
Laq:- Sálemetsiz be. Sálem balalar. Men anamdy joǵaltyp aldym.
Tárbıeshi:- Qalaı?
Laq: - Biz anam ekeýmiz alańqaıda júrdik. Men sekirip oınap júrdim. Endi bir qarasam anam janymdy joq. Balalar, maǵan anamdy tabýǵa kómektesińdershi.
Tárbıeshi: Al endeshe laq sen bizdi anańdy joǵaltqan alańqaıǵa apar, sol jerden anańdy izdep kóreıik.
Laq balalardy alańqaıǵa aparady. Bir aǵashtyń túbinde hat kóredi. tárbıeshi hatty oqıdy.
«Sálem Laq! Men Qasqyrmyn. Men seniń anańdy urlap ákettim. Men saǵan bir neshe tapsyrma daıyndap qoıdym. Osy tapsyrmalardy oryndasań ǵana anańdy qaıtaryp beremin. Qasqyr.»
Laq odan saıyn jylaıdy.
Tárbıeshi: - Ýaıymdama Laq, Biz balalarmen saǵan kómektesemiz. Balalar kómektesemiz ǵoı?
Balalar: - Iá, kómektesemiz.

Uıymdastyrý kezeńi:
Tárbıeshi: 1 - tapsyrma «Úı janýarlarmen tanysý»
Balalarǵa janýarlardyń sýretterin kórsete otyryp janýarlarmen tanystyrý.
Tárbıeshi: Jaraısyńdar balalar. Al endi ekinshi tapsyrma qandaı ekeniń kóreıik.

2 - tapsyrma «Úı janýarlar qalaı dybystaıdy»
At, botaqan, qoı, sıyr sýretteriń balalarǵa taratyp beredi, osylardyń qalaı dybystaıtynyn aıtyp jattyǵamyz dep usynys jasaıdy.
- Qoı «má - má» dep mańyraıdy;
- Sıyr «mó - mó» dep móńireıdi;
- Botaqan «bó - bó» dep bozdaıdy;
- At «ıkıkıkı» dep kisineıdi.
Balalarǵa daýystaryn aıtqyzyp qaıtalatady.

Sergitý sát:
Kún ashyldy,
Bult tónedi,
Naızaǵaı tarsyldady,
Jel soqty,
Jańbyr jaýdy,
Jel basyldy,
Kún ashyldy.

- Jaqsy, balalar, jaraısyńdar. 3 - tapsyrmany kóreıik.
Dıdaktıkalyq oıyn: « Tólin tap»
«Tólderin tap!» sýretten úı janýarlaryn tólderimen sáıkestendiredi.
Tárbıeshi: Jaqsy, jaraısyńdar!

4 - tapsyrma: oıyn
Dıdaktıkalyq oıyn:
« Qaı janýar qaıda turady»
Úı jáne dala janýarlardy meken jaıyna qaraı ornalastyrý.

Topqa Eshki kiredi. Balasy ekeýi qýanyp qushaqtasady.
Eshki: Balalar meni qutqarǵandaryn úshin senderge kóp rahmet. Al qazir biz ketýimiz kerek. Saý bolyńdar!

Refleksıa:
Tárbıeshi: Bizde balalar tobymyzǵa qaıtaıyq.
- Balalar, bizge búgin ne keldi?( Laq)
- Tapsyrmalardy ne berip jiberdi? ( Qasqyr)
- Úı janýarlary qalaı dybystaıdy
Qoı «má - má» dep mańyraıdy;
Sıyr «mó - mó» dep móńireıdi;
Botaqan «bó - bó» dep bozdaıdy;
At «ıho - ıho» dep kisineıdi.
- Al úı janýarlardyń tólderin qalaı attaımyz?(Qoshaqan, botaqan, qulynshaq, buzaý, laq)
- Osy janýarlardy biz nege úı janýarlary dep attaımyz? (Óıtkeni, olardy adamdar kútip qaraıdy).
Tárbıeshi: Jaqsy balalar, sender búgin óte jaqsy jumys atqardyńdar. Sol úshin men senderge arnalǵan azdaǵan syılyǵym bar. Rahmet, senderge.