InfoHub Logo

Bilim berý salasy: Tanym
Bólimi: QMTQ
Taqyryby: Geometrıalyq pishinder
Maqsaty: Balalarǵa ózderine tanys dóńgelek, sharshy jáne úshburysh sıaqty geometrıalyq pishinderdi bir birinen ajyrata bilýge úıretý.
Mindetteri: Geometrıalyq pishinderdi ajyrata bilýge úıretý.
Aıyrmashylyǵyn jáne uqsastyǵyn ajyrata bilýge úıretý.
Oı qabiletterin damytý.
Muqıattylyqty tárbıeleý.
Ádis tásili: kórsetý, túsindirý, úıretý, oıyn, suraq jaýap.
Kórnekilikter: sýretter

Motıvasıa:
Shattyq sheńber
Tárbıeshi: Káne, balalar, shattyq sheńberge turamyz

Armysyń, altyn kún!
Armysyń, kók aspan!
Armysyń, jer ana!
Armysyń, jan dosym!

(Balalar sheńberge turyp, óleń sózderin qaıtalaıdy)
- Balalar, bir birimizge «sálem» deımiz(balalar bir birimen amandasady)

Ǵajaıyp sát:
Qonaqqa Býratıno keledi.
Býratıno:- Sálem, balalar, qaldaryn qalaı?
Tárbıeshi:- Sálemetsiń be, Býratıno. Bizde bári jaqsy. Ózin qalaısyń?
Býratıno:- Mende bári jaqsy. Mine osy senderge qonaqqa keldim. Biraq bos qol kelgen joqpyn. Karlo ákeı menen senderge sálemdeme berip jiberdi.
Tárbıeshi:- Káne kóreıik, ol qandaı sálemdeme boldy eken. Balalar, bul hat eken, ol hatta ne jazylyp tur eken oqıyq.
«Sálemetsińder me, balalar. Qaldaryn qalaı? Men senderge bir neshe tapsyrmalardy jiberdim. Ózim sol tapsyrmalardy sheshe almaı qoıdym. Maǵan kómektesińdershi. Karlo ákeı.»
Tárbıeshi:- Balalar, Karlo ákeıge kómektesemiz be? (Iá)
Balalar, mine dóńgelek. Ol nege uqsaıdy? (Dopqa)
Durys, dopqa uqsaıdy jáne kóliktiń dońǵalaǵyna. Qarańdarshy: dóńgelek domalaıdy.
- Al mynaý ushburysh. Ushburysh nege uqsaıdy? ( Pıramıdaǵa, úıdiń shatyryna).
Balalar, sender bilesińder me, Ushburyshty nege ushburysh dep ataǵan? Ushburyshtyń ush buryshy bar. Káne sanaımyz: bir, eki, ush. Ushburysh domalaı almaıdy, óıtkeni buryshtar bóget jasaıdy.
- Al mynaý pishin: sharshy. Terezege nemese úıge uqsaıdy. Sharshynyń tórt buryshy bar. Olda domalaı almaıdy, óıtkeni sharshynyń da buryshtary bóget jasaıdy.
- Jaqsy, balalar, al endi ekinshi tapsyrma.
- Balalar, mende birneshe sýretter bar. Olar qandaı pishinderge uqsaıtynyń tabý kerek.
Taqtaǵa pishinderdiń sýretteri ilinedi. Balalar bir sýretten alyp pishinderdiń astyna jabystyrady.
Mysaly: alma - dóńgelektiń astyna, al pıramıdany - ushburyshtyń astyna.
- Jaraısyńdar, balalar!
- Balalar sharshaǵan shyǵarsyńdar, endeshe boıymyzdy sergitip alaıyq.

Sergitý sát:
Kún ashyldy,
Bult tónedi,
Naızaǵaı tarsyldady,
Jel soqty,
Jańbyr jaýdy,
Jel basyldy,
Kún ashyldy.

- Jaqsy, balalar, jaraısyńdar. Bizde taǵy bir tapsyrma bar. Biz qazir oıyn oınaımyz.
Dıdaktıkalyq oıyn: «Oramaldy jamaý»
Taqtaǵa eki oramal (kók jáne qyzyl tústi karton). Balalar qajet jamaýdy alyp oramaldardy jamaıdy.
- Jaqsy, balalar, jaraısyńdar. Tapsyrmalardy jaqsy oryndap shyqtyńdar.
Býratıno: - Balalar, qandaı keremetsińder. Kóp rahmet! Karlo ákeıge kóp kómekteriń tıdi. Al endeshe men keteıin. tapsyrmalardyń jaýaptaryn Karlo ákeıge jetkizeıin. Saý bolyńdar!
- Saý bol, Býratıno!

Refleksıa:
- Balalar, bizge búgin kim keldi? (Býratıno)
- Tapsyrmalardy kim berip jiberdi? (Karlo ákeı)
- Dóńgelekke ne uqsaıdy? (alma, dop)
- Ushburyshqa she? (pıramıda)
- Sharshyǵa she? (Tereze)
- Bul barlyǵy geometrıalyq pishinder. Jaqsy, balalar, jaraısyńdar. Al endi aıtyńdarshy, senderge búgingi sabaq unady ma? (Iá)
- Al endi mende senderge kishkene ǵana syılyǵym bar – Bul geometrıalyq pishinder. Olarǵa qarap sender pishinderdi umytpaǵaısyńdar.
(Qonaqtarǵa syılyqtardy taratyp berý jáne balalarǵa)
- Balalar, qonaqtarǵa «saý bolyńyzdar» dep aıtamyz.
- Saý bolyńyzdar!