InfoHub Logo

Úı janýarlary men jabaıy ańdar týraly jumbaqtar

Ústinde qos qoraby,
Minseń kólik bolady,
Jaqyndasań qasyna,
Qorqytady balany (Túıe)

Adamǵa serik,
Kúzetke berik
(It)

Kishkentaı ǵana boıy bar,
Aınaldyryp kıgen tony bar
(Qoı)

Tórt bulaǵy sút
Baqqanǵa ol qut
(Jylqy)

Ózi bir qý,
Júrgen jeri aıqaı shý
(Túlki)

Syldyrdan qorqady,
Shoshynyp jortady.
(Qoıan)

Qys boıyna jatady,
Tátti uıqyǵa batady.
(Aıý)

Tonyn kıip týǵan,
Jalap betin jýǵan.
(Mysyq)

Basynda múıizi bar,
Ústinde kıizi bar.
(Sıyr)

Aq quman júr júzip.
Sý betin súzip.
(aqqý)

Bes qarýy belinde
Samǵap júredi kógimde.
(búrkit)

Taldyń basynda, jemi bar qasynda,
Tam tur saıaly, dostary aıaly.
(qus uıasy)

Qınalyp kóterip,
Ózinen aýyrdy.
Jorǵalap ketedi,
Júkshideı kádimgi.
(qumyrsqa)

Basy — taraq, arty — oraq.
(átesh)

Kókke shanshyp quıryǵyn,
Keledi shaýyp júırigim?
(qulynshaq)
Basynda eki taıaǵy bar,
Tórt aıaǵy bar,
Segiz tuıaǵy bar,
Ieginde saqaly bar
(eshki)

Betegeli belge bitem,
Naıza ustaǵan erge bitem.
(jylqy)

Kúngeıli qara tasqa bitem,
Sharýa qýǵan basqa bitem
(qoı)

Qalyń qoryq nýǵa bitem,
Qory úzilgen qýǵa bitem
(sıyr)

Jemis - jıdekjegenim
Baldy jaqsy kóremin
(aıý)

Jaýymnan men qashqanda
Aǵashtarǵa samǵap baǵam
Al qarynym ashqanda
Otyryp ap jańǵaq shaǵam
(tıin)

Ormanda týyp, jetilemin,
Taldan talǵa sekiremin.
Aıýan bop óskenimmen,
Tamaq jeımin qos qolymmen.
Átteń úıde týmaǵanmyn,
Áıtpese ǵoı quddy adammyn.
(maımyl)

Aıbat bergen jalym bar,
Qaırat bergen tánim bar.
Kúrkireımin aqyrsam,
Qaısy ańmyn, tabyńdar.
(arystan)

Ústim jolaq
Tisim - oraq
Kúshim mol - aq,
Baryp turǵan qaısarmyn.
Óziń aıtshy, qaısy ańmyn
(jolbarys)

Ártúrli, orta boıly uzyn qulaq,
Ózine mindetpese, qyzmet qylmaq.
(esek)

Ormanda saıraıdy,
Saıraýdan talmaıdy.
(bulbul)

Ústinen tony túspegen,
Sonda da araz qyspenen.
(aıý)

Sanaı almaı sharshadym,
Naızasy bar qansha myń.
Batyr emes byraq ta,
Qashyp júrer jyraqta.
(kirpi)

Bitimi turqy,
Aýmaǵan jylqy
Máıkesi jolaq,
Aıyby solaq.
(zebra)

Erkin samǵap ushsyn dep,
Mápeleımiz baptaımyz.
Beıbitshilik qusy, - dep
Qaısy qusty maqtaımyz.
(kógershin)

Apan - apan,
Eski shapan.
Iir qobyz,
Jaryq juldyz. (Túıe)

Kishkentaı ǵana boıy bar,
Aınaldyryp kıgen tony bar. (Qoı)

Asty tas,
Ústi tas,
Ortasynda jandy bas. (Tasbaqa)

Kezikti bir janýar,
Ústinde eki taýy bar. (Túıe)

Tastamaıdy bir eli,
Úıin súırep júredi. (Ulý, nemese tasbaqa)

Tikireıip qulaǵy
Menen buryn turady.
Boıyn jazyp kerilip,
Beti - qolyn jýady. (Mysyq)

Qanaty bar ushpaıdy,
Jurt aılamen ustaıdy. (Balyq)

Kúndiz soqyr ne degen?
Túnde qalaı kóregen? (Úki)

Bilesiń meken dalasyn,
Birden taýyp alasyń,
Salyp alyp dorbaǵa,
Júredi ylǵı balasyn. (Kengýrý)

Jer betinde jatqan arqan,
Ustaýǵa ony bári de qorqqan. (Jylan)

Ózi shıraq, ózi qý,
Júrgen jeri aıqaı - shý. (Túlki)

Bir ań bar qaıraty kóp, bolǵan kúshti
Basynan ótkizedi árbir isti. (Arystan)

Belesten shapqan besti at,
Búkir kelgen jelisti at.
Beıǵam elde izdeıdi,
Maldan kúder úzbeıdi. (Qasqyr)

Kilemniń túrlerindeı júnderi bar,
Aıbaty jan shydamas únderi bar. (Jolbarys)

Ormanda joǵary
Aǵashqa qonady.
Tumsyǵyn balǵa etip,
Tarsyldatyp soǵady. (Toqyldaq)

Bir top jynǵyl ishinde,
Bir japyraq qyzyl gúl. (qyrǵaýyl)

Aı astynda aq mamyq
Jatyr sýdy jastanyp (Aqqý)

Taýsylama, qarandar,
Tabıǵattyn qyzyǵy?
Sýyq jaqtaǵy janýar –
Butaq - butaq múıizi. (Buǵy)

Týa sala murt ósirgen myrza,
Pesh túbinde jatqanyna yrza. (Mysyq)

Basynda kóp - aq butaǵy,
Adamdy kórse zytady. (Buǵy)

Tastaı qatty bul shapan,
Qalaı jýyp jumsartam? (Tasbaqanyń saýyty)

Tumsyǵy dóńgelek,
Denesi on bólek. (Shoshqa)

Dop pishindes tasty
Baýyryna basty (Jumyrtqa basqan qus)

Sekiredi – bala emes.
Saqaly bar – shal emes. (Serke)
Mektep jasyna deıingi balalarǵa arnalǵan jumbaqtar toptamasy