InfoHub Logo

Er men áıel otbasynyń eki irge tasy ekeni belgili. Bul ómirde úlken bir kedergi bolmasa, esh sebepsiz turmys qurmaý — dúnıege urpaq ákelý mindetinen qashqandyq bolyp sanalady. Sondyqtan búgin neke sýyn iship, erli-zaıypty bolyp, bir oshaq basynda birlesip-juptasyp ómir súrmek bop sheshken eki jasty, olarmen birge áke-sheshesin, barsha týǵan-týystaryn osy saltanattarymen quttyqtaımyz. Ata-anasy «ulym — uıaǵa, qyzym — qıaǵa qondy», «bireýim ekeý boldy», «órisim keńeıdi» dep qýanýda. Qoǵamymyzǵa taǵy bir jas otbasy kelip qosyldy. Otan — otbasynan bastalsa,  qoǵam — eki jastyń jarasa kótergen shańyraǵynan qurylatyny málim.

Qaraqtarym, úılenip, úı boldyńdar mine. Qınalsań — jasyp ketpeýińe sebepker bolyp, dem beretin — jalǵyz jan-jaryń. Qandaı jaǵdaıda da áıel kúıeýine, kúıeýi áıeline súıenedi. Endi qýanyshty da, qaıǵyny da bólisip, ortaqtasyp, ómirlik jaryńnyń ár ýaqytta qasynan tabylýdy maqsat tutyńdar.

Ómirlik serigim dep bas qosqan jaryńdy syılap, kúte bilý, onyń artyq kemdi minezin túsinip,  keshirimdi bolý — kishireıgendik emes, ádeptilik, bilimdilik, kisilik. Sebebi, erli-zaıyptylar — bir bútinniń jartysy. Jan-jaryńdy syılaǵanyń — ózińdi syılaǵanyń, Tatý otbasynyń joldas-joralarynyń arasynda bedeli joǵary, basy syıly bolady. Jaqsy jardyń janyn jaralap, kóńilin qaldyratyn minezden aýlaq bolyńdar. Minekı, bul kópti kórgen, aıaýly ata-analardyń qaı-qaısynyń da ul-qyzyna jol kórseter keńesi.

Ushqan uıalaryńdy, aıalap ósirgen ata-analaryńyzdy umytyp ketpeńizder. Sender de  erteń solardaı úlken qara shańyraqtyń ıesi bolyp, tútin tútetetinderińdi  este saqtańdar.

Ómir tájirıbesi kórsetkendeı, shańyraq baqyty — otbasynyń jarasymynan bastalady. Sóz sońynda biz osy eki jas tárizdi shańyraq quryp, eki ata-anany, bir-birimen quda-qudaǵı etip jaqyndastyryp otyrǵan jastardy aq otaýlaryna baqyt pen adal mahabbat, tatý-táttilik tileımiz!

---