InfoHub Logo

Bul kúni toıyń bop jatyr,
Eı, asyl dosym eldegi.
Meni de ortaq dep bilgin,
Shattyqqa osy sendegi.
 
«Tilegim aıtar –
Bolǵaı da
Kelinniń qutty aıaǵy», -
dep jatqan uly toıyńda
Jan dosyńmyn ǵoı baıaǵy!

*** *** *** ***

Ómirde qalsa eken jarqyn izder,
Jarasyp, qol ustasyp ótińizder.
Juptaryń jazylmasyn ómir boıy,
Armanǵa – altyn toıǵa jetińizder.

*** *** *** ***

Aıtar bizdik tilek – sol:
Toıyń toıǵa jalǵassyn!
Oıyń oıǵa jalǵassyn!
Zańǵar ul-qyz otaý tiksin,
Urpaq kórsin – jalǵassyn!
Totydaıyn taranǵan bul hanymnyń,
Appaq qardaı áje bolyp,
Etegine nemereler, shóbereler jarmassyn!
Bul tilekter oryndalyp jatqanda,
Óziń de, qurdas-dosym jerde qalmassyń!

*** *** *** ***

Mahabbattyń qanyp iship káýsárin,
Bir-birińe aýyp tursyn ańsaryń.
Qos aqqýdaı máńgi birge júzińder,
Ómir degen ótkel bermes qarsy aǵym.

Úlgi bolyp basqalarǵa tirlikte,
Shańyraqtyń beriktigi birlikte.
Bir-birińe súıikti de syıly bop,
Ata-ananyń kóńilderin kirletpe.
 
Qýanyshtan tebirenip áke-sheshe júregi,
Qaıda júrse baqyt tilep júredi.
Ómirleriń baldaı táti bolsyn mereıli,
Dostaryńnyń aıtar osy tilegi.

---