InfoHub Logo

Soltústik Qazaqstan oblysy,
Aqjar aýdany, Talshyq selosy
"Baldyrǵan" balalar bóbek baqshasy tárbıeshisi
Tokýsheva Aınagýl Shokenaevna

Sabaqtyń taqyryby: Úıshik ertegisi boıynsha

Sabaqtyń maqsaty:
1 - den 5 - ke deıin týra jáne keri sanaý, sandar tańbalaryn ataý. Geometrıalyq pishinderdi, tústerdi ajyratý jáne durys ataý, olarǵa uqsas zattardy taba bilý. Matematıka sabaǵyna degen qyzyǵýshylyqtaryn arttyrý. Zeıin, logıkalyq oılaý qabiletterin damytý.
Balalardy dostyqqa, birlikke baýlý, ertegilerdi súıýge jáne adamgershilikke, meıirimdilikke tárbıeleý. Tanymdyq aıasyn keńeıtý, ertegini keıipkerlendire otyryp baılanystyryp sóıleý daǵdylaryn jetildirý.
Ádis - tásilderi: Kórsetý, túsindirý, qaıtalaý, suraq - jaýap, tyńdaý, oı - qozǵaý, dıdaktıkalyq oıyndar.

Sabaqtyń barysy:
Balalar búgingi bizdiń sabaǵymyz erekshe, óıtkeni is - áreketimizge qonaqtar kelip otyr. Endeshe barlyǵymyz sheńberge turaıyq.

Shattyq sheńberi:
Dóńgelenip turaıyq,
Sheńberdi biz quraıyq.
Qol ustasyp bárimiz
Aq tilekti joldaıyq.
Álemde nur tynyshtyq,
Árbir beıbit kún ystyq.
Qaıyrly tań baqshamyz!
Qaıyrly tań dostarym!
(al endi qonaqtarmen de amandasaıyq)

- Sálemetsizder me qonaqtar!
(oryndyqtaryna balalar baryp otyrady)
- Balalar, sender ertegilerdi jaqsy kóresińder me?
Búgin biz ótken ertegilerdi eske túsiremiz. Men senderge ertegilerden úzindiler oqımyn, al sender ertegini ataısyń - dar, jaqsy ma.
-«Masha men aıý», «Jabaıy qazdar», «Aqsha qar», «Jeti laq», «Úıshik» ertegilerden úzindiler oqý. «Úıshik» ertegisine qysqasha toqtalý, keıipkerlerdi ataý.
Búgingi is - áreketimizge «Úıshik» erteginiń keıipkerleri óz tapsyrmalarymen birge keledi eger sender tapsyrmalaryn jaqsy oryndasańdar olar senderge óz syılyqtaryn beredi.
- Ashyq alańqaıda kip-kishkentaı eski úıshik turǵan. Birde onyń qasyna tyshqan keledi...
Tyshqannyń tapsyrmasy:

- Sandar týraly óleńder oqy;
1 - sany: Dostar meni bir deıdi, qaraıdy da búı deıdi
Muqtajsyń qol aıaqqa, uqsap tursyń taıaqqa.
2 - sany: Men ekimin balalar, eki degen baǵa bar.
Alańǵasar jalqaýdyń, alatyny ekilik basyn shaıqap ókinip.
3 - sany: Men ǵoı úshtiń tańbasy zeıin qoıyp tyńdashy.
Shiderli attaı tusalyp júr bireýler úsh alyp.
4 - sany: Dostarym meni tórt deıdi, beske birim jetpeıdi.
Qýanady anasy, tórt alǵanda balasy.
5 - sany: Ár qolymda bes saýsaq, jetpeıdi oǵan esh saýsaq
Bir men eki almańdar, úshke aldanyp qalmańdar.
- Oıyn: «Óz úılerin tap» (taqtaǵa birneshe úıler ilingen, árbir úıdiń terezeleriniń sanyn sanap ár úıge tıisti sandardy qoıasyńdar, terezeleriniń sanyna saı).
- 1 - 5 týra jáne keri sana.
- Biraz ýaqyttan keıin úıshiktiń mańyna sekirip baqa keledi...

Baqanyń tapsyrmasy:
Geometrıalyq fıgýralardy jáne tústerin ata; uqsas fıgýralardy taýyp ata.
- Endi úıshik qasyna ytqyp - ytqyp qoıan da keledi.

Qoıannyń tapsyrmasy:
- Jyl mezgilderin ata; ( jaz, kúz, qys, kóktem)
- Kóktem aılaryn ata; (naýryz, sáýir, mamyr)
- Apta kúnderin ata; (dúısenbi, seısenbi, sársenbi, beısenbi, juma, senbi, jeksenbi)
Apta kúnderi týraly óleń oqý:
Dúısenbide gúl ektim,
Seısenbide jýa terdim.
Sársenbide sý ákeldim.
Beısenbide baqsha baptap,
Juma kúni taqpaq jattap.
Senbide men kınoǵa bardym,
Jeksenbide bir dem aldym.
Kelesi keıipker túlki keledi.

Túlki balalarmen birge sergitý sátin ótkizedi:
Al, balalar turaıyq,
Alaqandy uraıyq.
Ońǵa qaraı ıilip,
Solǵa qaraı ıilip,
Bir otyryp, bir turyp,
Biz tynyǵyp alaıyq.
- Aınalasyna alaq julaq qarap úıshikke qasqyr keledi...

Qasqyrdyń tapsyrmasy:
Qasqyr senderge esepter ákeldi. (sýretter boıynsha esepter shyǵarý, sanaý)
- Bir kúni jıdek terip júrgen aıý úıshikke keledi.
Aıýdyń tapsyrmasy:
Aıý balalar senderge bir oıyn alyp keldi. Oıyn «Óz ornyn tap» dep atalady.
- Barlyq tapsyrmalar oryndalyp bolǵannan soń balalardy madaqtaý, «Úıshik» ertegisiniń keıipkerleri óte rıza bolǵandaryn aıtý.
Qorytyndy jasaý.
«Úıshik» ertegisin sahnalaý.