InfoHub Logo

Shıeli aýdany,
"№152 qazaq orta mektebi KMM"
Bastaýysh synyp muǵalimi
Janǵabylova Kenjekúl Ǵanıqyzy

Ana tili 2 synyp
Sabaqtyń taqyryby: Úıshik ertegisi

Sabaqtyń maqsaty:
Bilimdilik: Oqýshylarǵa ertegi mazmunyn meńgertý, ertegini oqý arqyly sóz qudirettiligin bilýge úıretý, balany oqyta otyryp tárbıeleý
Damytýshylyq: Júıeli oılaý, oıyn áserli jetkizý, júıeli sóıleý qabiletterin anyqtaý
Tárbıelik: Bala boıyna erkindik, maqsatkerlik, ar - namys, adamgershilik, shynshyldyq, eńbeksúıgishtik qasıetterdi uıalatý, birlikke tárbıeleý
Sabaq tıpi: Bilik pen daǵdyny qalyptastyrý
Sabaqtyń túri: Ertegi sabaq
Sabaqtyń ádisi: Suraq – jaýap, toptyq jumys, pikir aıtý
Kórnekiligi: Mýltımedıalyq apparat, tapsyrmalar, sýretter

Sabaqtyń barysy:
İ. Uıymdastyrý
Oqýshylarmen amandasyp, sabaqqa qatystaryn tekserý, sabaq ereksheligi týraly aıtyp, maqsatymen tanystyrý

İİ. Negizgi bólim
1. Qyzyǵýshylyqty oıatý
(«Ertegiler» ánin tyńdatý arqyly balalardy sabaqqa psıhologıalyq daıyndaý) Sabaqtyń ertegiler eline saıahattaý arqyly ótetindigin aıtý, ertegi týraly qysqasha túsinik beremin, olardyń túrlerine toqtalyp, mysaldar keltirý.

İİİ. Úı tapsyrmasyn suraý
1 - slaıd: Orman sýreti. Ormandaǵy ańdar.
- Balalar, jyldaǵy dástúr boıynsha el prezıdenti N. Nazarbaev atamyz Qazaqstan halqyna óziniń joldaýyn joldady.

2 - slaıd: Joldaýdan kórinis.
- Ol joldaýda el basshylaryna naqty tapsyrmalar berilgen bolatyn. Sol tapsyrmalardyń ishinde Qazaqstan halqyn bıylǵy jyly baspanamen qamtamasyz etý kerek ekendigi tapsyrylǵan bolatyn. Iaǵnı qol jetimdi baspanaly bolý. Sol tapsyrmany estigen ormandaǵy ańdar da estip qýanyp jatqan kórinedi. Sabaǵymyz ertegi sabaq bolǵandyqtan ańdar da baspanaly bolǵysy kelip bir - birine úı salyp, kómektesip jatqan kórinedi. Búgingi sabaqta biz de ańdarǵa arnap úı salyp berip kómektesip kóreıik. Ol úshin úıdiń bólikteri berilgen, ár bólikti ornatý úshin úı tapsyrmasyn aıtý kerek - deı otyryp úı tapsyrmasyn suraý
«Naýryzǵy tilek» jatqa suraý.

3 - slaıd: Úı bólikteri
Qurastyrylǵan sýret arqyly búgingi sabaǵymyz orys halqynyń ertegisi Úıshik ekendigin habarlaý.

4 - slaıd: Syzba
Qazaq ertegisi men orys ertegileriniń uqsastyǵy men aıyrmashylyǵyn salystyrý

1. Maǵynany ashý.
5 - slaıd: Endi ertegi keıipkerlerin tabý, ol úshin shytyrman sýret ishinen ańdardyń beınesin tabý, beıne syrtynda jańa sabaq mazmunyn ashatyn maqal - mátelder berilgen. Sol maqaldardyń maǵynasyn ashý arqyly jańa sabaqqa kirispe jasaý.
Ertegi taqyrybyn bildik, onyń keıipkerlerin taptyq, erteginiń ne týraly ekendigin maqaldar arqyly bildik endi tek ertegi mazmunymen tanysý qaldy, olaı bolsa ertegine tyńdap kóreıik.

İÚ. Jańa sabaq
Ertegi mazmunynyń prezentasıasy arqyly ertegini tyńdatý.

1. Zerdeleý strategıasy
Ertegi unaǵan bolý kerek, endi ertegini tizbekteı mánerlep oqyp kóreıik. Ertegini tizbekteı mánerli, daýys ıntonasıasyn saqtaı otyryp júrgizip oqytyp shyǵý.

2. İzdenis strategıasy

Biz qazaq tili sabaǵynda etistikpen tanysyp jatqanbyz, olaı bolsa etistik degenimiz ne? (oqýshylardan suraý)
Olaı bolsa qazir ertegi keıipkerleriniń sýreti shyǵady, sender mátinnen sol ańnyń is - qımylyn bildiretin sózderdi taýyp beresińder

6 - slaıd: Ańdardyń sýreti
Tyshqan – júgirip
Baqa – sekirip
Qoıan – ytqyp - ytqyp
Túlki – qýanyp
Qasqyr – alaq - julaq etip
Aıý – qorbańdap

3. Salystyrý strategıasy.
Keıipkerler arasynda dıalog qurý

4. Oı túıý strategıasy
Ertegige baılanysty balalardyń oılaryn bilý, pikirlerin tyńdap, ortaq taqyrypty tabý.

Ú. Baǵalaý
Ańdarǵa úı salyp kómek bergenimiz úshin bizge umytpaı syılyqtaryn berip jatyr – dep gúl shoqtaryn syılaı otyryp baǵalaý júrgizý.

Úİ. Úıge tapsyrma
Úıge ertegini mánerlep oqyp, mazmundaý.
Úİİ. Qorytyndy.