InfoHub Logo

Atyraý oblysy, Qurmanǵazy aýdany,
Gogol orta mektebiniń matematıka páni muǵalimi:
Haırýllına Gýlmıra Batyrbekovna

Matematıkalyq kafe
Maqsaty:
1. Teorıalyq bilimderin praktıkamen ushtastyrý, sapaly bilimmen qarýlandyrý, matematıkaǵa qyzyǵýshylyǵyn arttyrý.
2. Oqýshylardyń iskerlik pen daǵdylaryn qalyptastyrý, jeke tulǵanyń damýyna jaǵdaı jasaý.
3. Oqýshyny tapqyrlyqpen tózimdilikke uqyptylyqqa, pánge degen qyzyǵýshylyqqa tárbıeleý.

Sabaqtan tys sharanyń túri: dıdaktıkalyq oıyn.
Kórnekilik: kafe úlgisindegi kabınet, úlestirmeli qaǵazdar, siltemeler.
Sharty: kafe úlgisindegi kabınette matematıka merekesine qatysýshylar
úshin ústel ázirlenip, «kórshiler», «dostar», «týysqandar»
siltemeleri qoıylady. Oıynǵa 3 komanda 6 oqýshylardan qatystyrylady jáne júrgizýshi «bas aspaz».
Tóreshiler úshin «Esepshiler kontorasy» bolady.

Júrgizýshi: Qurmetti matematıkalyq kafeniń qonaqtary búgin kafemizdiń úsh stolynyń tapsyrys bergen qonaqtary bar. Solardy ortaǵa shaqyryp, tanystyrýǵa ruqsat etińizder. Olar: matematıka merekesine qatysyp otyrǵan «Kórshiler», «Dostar», «Týysqandar» komandalarymen toı basqarýshylarǵa «Qosh keldińizder» dep aldaryńyzǵa kafemizdiń búgingi mázirin usynamyz! Bizdiń taǵamdarymyzdan dám tatyp, bı - bılep, ýaqyttaryńyzdy kóńildi ótkizýlerińizge tilek bildiremiz!
Kafeniń «bas aspazy» - men Salavatova Gýlmıra.
Tóreshiler – Haırýllına Gýlmıra apaıymyz jáne Saıajan apaı. Endeshe, merekemiz ashyq, dastarhan jaıýly. As dámdi bolsyn!!!

As - máziri:
• Qýyrdaq - «Kim úlgerdi, sol jedi»
• «Úsh burysh» qosylǵan sorpa
• Salat «Umytpashy»
• «Bizdiń dastarhannan - sizdiń dastarhanǵa...»
• «Ebin tapqan eki asar» qaımaǵy qosylǵan «Tezpiser» taǵamy.
• Toqbasar « logıka qosylǵan balmuzdaq»
Komandalardyń ózin tanystyrýy jáne sálemdesýi.
Komandalar ózderiniń tapsyrmalaryn kórsetedi: komandanyń aty, urany, sálemi.

a) «Kórshiler» komandasy:
Sálemetsizderme, qurmetti qonaqtar jáne matematıkalyq kafe ıeleri! Bizderdi matematıka merekesine shaqyrǵandaryńyzǵa rahmet aıtamyz. Bizder matematıkanyń kórshilerimiz. Uranymyz: «Alystaǵy aǵaıynnan jaqyndaǵy kórshi artyq!»

b) «Dostar» komandasy:
Sálemetsizderme, qurmetti qonaqtar jáne matematıkalyq kafe ıeleri! Bizderdi matematıka merekesine shaqyrǵandaryńyzǵa rahmet aıtamyz. Bizder matematıkanyń dostarymyz. Uranymyz: «Júz teńgeń bolǵansha – júz dosyń bolsyn!»

v) «Týysqandar» komandasy:
Sálemetsizder me, qurmetti qonaqtar jáne matematıkalyq kafe ıeleri! Bizderdi matematıka merekesine shaqyrǵandaryńyzǵa rahmet aıtamyz. Bizder matematıkanyń týysqandarymyz. Bir atadan taraǵan arıfmetıka, fızıka, geometrıa, hımıa sıaqty aýyldardan kelip otyrmyz. Uranymyz: «Ǵylym tappaı maqtanba!»

Júrgizýshi: Kesh qonaqtary! Búgingi keshtiń ereksheligi «as mázirinde» erekshe taǵamdarǵa baılanysty tapsyrmalar bar. Tapsyrmany oryndaǵan komandaǵa utys beriledi.
Júrgizýshi: Qýyrdaq - «Kim úlgerdi, sol jedi» berilgen suraqtarǵa birinshi jaýap bergen topqa bir upaı qosylady.
Ár suraq bir upaı.