«Úzdik pedagog-2022» baıqaýyna ótinimder sany rekordty kórsetkishke jetti
«Úzdik pedagog-2022» baıqaýyna qatysýǵa elimizdiń ár óńirinen 5 myńnan astam muǵalim men tárbıeshi ótinim joldady. Búgingi tańda eń belsendi qatysýshylar Almaty men Aqmola oblysynan.
QR Oqý-aǵartý mınıstrliginen málim etkendeı, bıyl ótinishterdi qabyldaý tártibi avtomattandyrylyp, ashyq ótýde. Ótinimder sany rekordty kórsetkishke jetken.
Konkýrsqa balabaqsha, mektep pen kolejdiń shtatynda jumys isteıtin pedagogter qatysyp jatyr.
«Búgingi tańda https://teachercontest.iac.kz/ veb-portalynda baıqaýdyń birinshi jáne ekinshi kezeńine qatysý úshin 5,5 myńǵa jýyq muǵalim tirkeldi. Ekinshi, ıaǵnı oblystyq kezeńge qujat qabyldaý jalǵasyp jatyr. Ol 30 qyrkúıekte aıaqtalady. Bıyl baıqaýǵa qatysatyn ár muǵalim saýalnamany toltyrǵannan keıin baıqaýdyń odan arǵy dınamıkasyn baqylaı alady, ıaǵnı qatysýshylardyń qaı kezeńde ekenin, sarapshylar qandaı upaı bergenin baqylaı alady. Bul tásil barlyq kezeńde baıqaýdyń ashyqtyǵyn qamtamasyz etedi», - deıdi QR Oqý-aǵartý mınıstrligi Orta bilim komıtetiniń tóraǵasy Gúlmıra Kárimova.
Aıta keteıik, «Úzdik pedagog» baıqaýynyń jeńimpazdary 3 mln teńge kólemindegi aqshalaı syılyqpen jáne tósbelgimen marapattalady.
Baıqaý erejeleri týraly qosymsha aqparat Oqý-aǵartý mınıstrliginiń saıtynda bar.
You Might Also Like
-
QR Oqý-aǵartý mınıstri Ashat Aımaǵambetov mektepterdi kúzetý úshin arnaıy oqý-jattyǵý ótkizýdi usyndy. Onyń paıymynsha, mektepterdegi mamandandyrylǵan kúzet qyzmetkerleriniń jumysy kóńil kónshitpeıdi.
