InfoHub Logo

QR Oqý-aǵartý mınıstri Ashat Aımaǵambetov mektepterdi kúzetý úshin arnaıy oqý-jattyǵý ótkizýdi usyndy. Onyń paıymynsha, mektepterdegi mamandandyrylǵan kúzet qyzmetkerleriniń jumysy kóńil kónshitpeıdi.

Eń aldymen mınıstr qyzmetkerlerdiń jıi aýysatynyn, tipti kún saıyn aýysatynyn atap ótti, bul mektepterdegi balalardyń qaýipsizdigin qamtamasyz etýge teris áser etedi.

Oǵan qosa, kúzetshiler balalardyń minez-qulqy men mektep tártibin bilýi kerek.

«Biz mektepterde mamandandyrylǵan kúzet agenttikteri bolýy kerek degen sheshim qabyldaǵanda negizinen tıisti qarsylyq kórsete almaıtyn nemese qaýipsizdiktiń tıisti deńgeıin qamtamasyz ete almaıtyn vahterlardyń ornyna osy talaptarǵa saı keletin mamandar kelgenin qaladyq. Biraq qazir keıbir faktiler mamandandyrylǵan kúzet agenttikteri arqyly kelgen qyzmetkerlerdiń bizben buryn jumys istegen áriptesterinen esh aıyrmashylyǵy joq ekenin kórsetti. Biz úshin birinshi kezektegi másele – qaýipsizdikti qamtamasyz etý. Sondyqtan, bilim basqarmasy sharttar jasasqanda talaptar men konkýrstyq qujattamada osy jaıttardy eskerip, qaýipsizdik kompanıalarynan barlyq qajetti daǵdylar men quzyretterdi talap etýi kerek. Osynyń bárin baıqaý ótkizý kezinde talapqa saı keltirý kerek», - dedi mınıstr aparattyq jınalysta.

Mınıstr mektepterdiń kez kelgen oqys jaǵdaılarǵa daıyn bolýy kerektigin, olarǵa áreket etý algorıtmin İshki ister mınıstrligimen, Tótenshe jaǵdaılar mınıstrligimen jáne basqa da múddeli organdarmen birge jańartý qajettigin aıtty.

«Eger mundaı múmkindik bolsa, olarmen tıisti jattyǵý ótkizý kerek. Balalarymyzdyń qaýipsizdigin qamtamasyz etý úshin jan-jaqty shara qabyldaý qajet», - dedi Oqý-aǵartý mınıstri.

---