«Úzdik pedagog» baıqaýyna ótinim qabyldaý bastaldy
Ustazdar kúni qarsańynda «Úzdik pedagog» baıqaýyna ótinimder qabyldaý bastaldy.
QR Oqý-aǵartý mınıstrliginen málim etkendeı, jeńimpazdarǵa 3 mln teńge kóleminde syıaqy beriledi. Byltyr elimizdiń ár óńirinen 64 muǵalim 3 mln teńgeden alǵan bolatyn.
Konkýrsqa mektepke deıingi, orta, tehnıkalyq jáne kásiptik bilim berý uıymdarynyń shtattaǵy pedagogteri qatysa alady. Bıyl sıfrlandyrý baǵytynda úlken jumys atqaryldy. Baıqaýdyń barlyq kezeńi, naqtyraq aıtqanda, qatysýshylardy tirkeýden bastap respýblıkalyq kezeńniń qorytyndysyn shyǵarýǵa deıin tolyǵymen sıfrlandyrylǵan.
Qujattardy qabyldaý 12 qyrkúıekte bastalyp, 2022 jylǵy 22 qyrkúıekke deıin jalǵasady. Baıqaý týraly aqparat elimizdiń barlyq 380 myń muǵalimi paıdalanatyn kundelik.kz júıesinde ornalastyrylady.
Sondaı-aq baıqaý tarıhynda alǵash ret barlyq kezeń, ıaǵnı qatysýǵa ótinimderdi qabyldaý, tirkeý, konkýrs qujattaryn tapsyrý, baǵalaý https://teachercontest.iac.kz/ veb-portalynda júzege asyrylady.
«Bul baıqaýdyń mańyzy zor, óıtkeni ol úzdikterdiń ishindegi ondaǵan úzdik pedagogtiń eńbegin tanýǵa múmkindik beredi. Júlde qoryn ulǵaıttyq jáne bul myqty mamandardyń mamandyqqa kelýine túrtki bolyp, osy kásipte ondaǵan jyldar boıy eńbek etip kele jatqan mamandarǵa kórsetilgen qurmet bolady dep senemiz.
«Úzdik pedagog» ataǵyna bilim berý uıymdarynda jumys isteıtin jáne qujattardy tapsyrý kezinde keminde bes jyl úzdiksiz pedagogıkalyq ótili bar pedagogter úmitker bola alady. Bul – balabaqsha, mektep, kolej muǵalimderi. Baıqaý aıasynda muǵalimniń bilim salasyn damytýǵa qosqan úlesi, ustaz qyzmetiniń tıimdiligi men onyń kásibı sheberligi eskeriledi», – dep túsindirdi QR Oqý-aǵartý mınıstrligi Orta bilim berý komıtetiniń tóraǵasy Gúlmıra Kárimova
Baıqaý úsh kezeńnen turady:
– I kezeń – aýdandyq, qalalyq deńgeı;
– II kezeń – oblystyq deńgeı;
– III kezeń – respýblıkalyq deńgeı.
Eki baıqaýdyń qorytyndysy boıynsha eń joǵary bal jınaǵan pedagogter respýblıkalyq kezeńge ótedi.
Aıta keteıik, «Úzdik pedagog» respýblıkalyq baıqaýy 2012 jyldan beri ótkizilip keledi. Búginge deıin 600-ge jýyq úzdik ustaz anyqtaldy.
Baıqaý erejeleri týraly qosymsha aqparat Oqý-aǵartý mınıstrliginiń saıtynda ornalastyrylǵan.
You Might Also Like
-
Uzatylyp barady ................., Qaryndas, sińli, qurby, qaraǵymyz. .................. baqyttyń baqshasy bop, Júrýge jaraı alsa dán rızamyz.
-
Ómirdiń órlep shyqsyn belesine, Muhıtqa jetsin júzip kemesi de, Bir úıdiń álpeshtegen erkesi eken, Ata menen syıly bolsyn enesine. Úlkendi qadirleýden jalyqpasyn Jarqylda jaryńnyń da taý...
