InfoHub Logo

Taqyryby: Uzyn qulaq, aq qoıan
Bilim berý salasy: Shyǵarmashylyq.
Uıymdastyrylǵan oqý qyzmeti: Aplıkasıa.
Maqsaty: Birneshe bólikterden turatyn pishinderdi úılestire bilýge jattyqtyrý, dóńgelek jáne úlken - kishi sopaqsha dóńgelekterdi qosý arqyly qoıannyń beınesin salýǵa jattyqtyrý. Balalardyń ańdarǵa degen súıispenshilik sezimderin tárbıeleý.
Qoldanylatyn kórneki - quraldar: demonstrasıalyq materıaldar.
Qajetti qural - jabdyqtar: qaǵaz, túrli - tústi qaryndashtar, qoıannyń sýretteri.
Sózdik jumys: uzyn qulaq sur qoıan.

Motıvasıalyq - qozǵaýshylyq
Shattyq sheńberi
Qoldaryn sozyp, bir - birimen jaqsy kóńil kúımen amandasady.
Pedagog jumbaq jasyrady.

Uzyn qulaqty, jyldam aıaqty, sábizdi jaqsy kóretin, ol ne?
Qoıan ne jıdi?
Sózdik jumysy júrgiziledi.

Uıymdastyrýshylyq - izdenistik
Balalarǵa uzyn qulaq aq qoıannyń sýretin salýdy usynady. Qoıannyń dene múshelerin: basyn dóńgelek, denesin úlken sopaqsha dóńgelek, aıaqtaryn kishi sopaqsha dóńgelektermen qıyp alýǵa bolatynyn kórsete otyryp túsindiredi

Sergitý sáti.
Qoıanym, qoıanym,
Ornyńnan tura ǵoı.
Aınaǵa qarashy,
Shashyńdy tarashy.
Betińdi jýshy,
Qolyńdy jýshy,
Ornyńda sekirshi!
Sekir - sekir - sekir!

Refleksıalyq túzetýshilik
Pedagog balalardyń qoıandy ádemi salǵandaryn aıtyp, madaqtaıdy. Qoıan jaıly áńgimelesip, qoıan týraly qandaı óleńder, taqıaqtar, jumbaqtar biletinderin suraıdy. Qol ustasyp, dóńgelenip, qoıan jaıly óleń aıtady.

Kútiletin nátıje:
Biledi: qoıannyń dene músheleriniń ataýlaryn.
Igeredi: qoıannyń dene múshelerin, jeıtin azyq - túlikterin.
Meńgeredi: sýretti túrli - tústi qaryndashpen birkelki etip boıaýdy.

Mańǵystaý oblysy, Túpqaraǵan aýdany,
Fort - Shevchenko qalasy, Baýtıno aýyly,
"Aqbota" balabaqshasynyń beıneleý óneriniń jetekshisi
Saktaganova Sveta Keldıbaevna