InfoHub Logo

Tyrnaq astyndaǵy aýrý týdyratyn bakterıalar túspeıtin jerge túsip ketse, manıkúryńyz densaýlyǵyńyzǵa qatty nuqsan keltirýi múmkin. Jaıly jáne syrtqy áserlerden qorǵalǵan aýyz qýysy nemese kindik sıaqty tyrnaqtyń astynda da túrli mıkroaǵzalar ómir súredi jáne qolyńyzdy jýǵanda, olardyń barlyǵy birdeı jyly ornynan kete qoımaıdy. Tyrnaǵyńyz neǵurlym uzyn bolsa, qaýip te soǵurlym kóbirek.

Álemniń ár túkpirinde ár túrli ýaqyttarda júrgizilgen zertteýler osyny rastaıdy. 1988 jyly Pensılvanıa Ýnıversıteti Dermatologıa departamentiniń zertteýshileri ýnıversıtettiń medısına mektebi qyzmetkerleriniń, naýqastarmen aralaspaǵan 26 eresek eriktiniń qolyn zertteýge kirisedi (Composition and density of microflora in the subungual space of the hand.). Olar tyrnaq astyndaǵy orynnyń bakterıalardyń óte kóp shoǵyrlanatyn jeri ekenin baıqady. Synalýshylardyń saýsaqtary men alaqandarynda júzdegen nemese myńdaǵan bakterıalar bolsa, tyrnaq astyndaǵy kishkentaı ǵana jerde ár saýsaqqa júz myńnan keletin bakterıalar bar bolyp shyqty. Ondaǵy bakterıalardyń túri qoldyń qalǵan bóligindegimen birdeı, biraq sany áldeqaıda kóp boldy. 2000 (Pathogenic Organisms Associated With Artificial Fingernails Worn by Healthcare Workers) jáne 2002 (Artificial nails: Are they putting patients at risk? A review of the research) jyldary júrgizilgen zertteýler de dál osyndaı nátıjelerdi berdi.

Ǵalymdar teri men tyrnaq arasyndaǵy jer osy usaq aǵzalardyń ósýi men kóbeıýine qolaıly orta jasaıdy degen durys boljamǵa keldi. Birinshiden, tyrnaq ony syrtqy áserlerden qorǵap turady, ekinshiden, ol jer ylǵaldy jáne jyly, al úshinshiden, tyrnaq astyna usaq as qaldyqtary kirip ketedi. Bul jer bakterıalarǵa, álbette, jaǵady, bul — olardyń súıikti orny. Endi sizde tyrnaǵyńyzdy kemirip, kebesin tistemeýdiń taǵy bir sebebi bar.

Sondaı-aq zertteýshiler mıkrobtar sany jasandy nemese tabıǵı, lak jaǵylǵan nemese jaǵylmaǵan tyrnaqtyń qaısysynda kóbirek bolady degen máselege qyzyqty. Tabıǵı tyrnaqtan góri, jasandy tyrnaqtyń astynda mıkroaǵzalardyń kóbirek jınalatyny anyqtaldy. Al laktyń bolý-bolmaýynyń mıkrob sanyna kelip-keteri joq. Sondyqtan, barynsha taza júrgińiz kelse, lak jaqsańyz da, jaqpasańyz da, tyrnaǵyńyzdy muqıat alyp júrgenińiz jón.

Oqýǵa keńes beremiz:

Biz eskere bermeıtin eń las 10 zat

Úıdi tap-taza ustaýdyń 12 ádisi

Úı jınaýdy jeńildetetin 13 ıntererlik qýlyq

Úıdiń shashylmaýyn qamtamasyz etetin 7 ádet

Tazalyqqa arnalǵan 9 amal

---