InfoHub Logo

Páni: Saýat ashý
Taqyryby: «V dybysy men árpi»
Sabaqtyń maqsaty: 1. Balalarǵa V dybysy men árpin tanystyrý, aıtylý artıkýlásıasyn meńgertý.
2. Durys sóıleý mádenıetin qalyptastyrý. Býyn týraly túsinikterin keńeıtý.
3. Balalardy izettilikke, úlkendi qurmetteýge tárbıeleý.
Sabaqtyń kórnekiligi: qyzyl, kók teksheler, qala kóshesindegi kólikter beınelengen sýret.

Sabaqtyń barysy:
Uıymdastyrý kezeńi:
- Sálemetsińder me, balalar!
-(...)
- Bizdiń búgingi sabaǵymyz erekshe bolmaqshy. Sebebi búgin bizde kóptegen qonaqtar otyr.
Ótken sabaqty qaıtalaý:
- Balalar, ótken sabaqta biz qandaı dybyspen tanystyq?
- (h)
- H dybysy kezdesetin qandaı sózderdi bilemiz?
- (jı-haz, gaý-har, aı-da-har, jaý-har t.b.)
- Durys aıtasyńdar. Endi biz búgingi sabaǵymyzda taǵy jańa bir dybyspen tanysamyz.

Jańa sabaq:
Bárimiz myna sýretke nazar aýdaraıyq!
- Sýrette ne kórip tursyńdar?
- Qala kóshelerinde qandaı kólik túrleri kezdesedi?
- Jolaýshylar tasymaldaıtyn qandaı kólik túrlerin bilesińder?
- Sender áýe keńistiginde qoldanylatyn qandaı kólik túrlerin bilesińder?
- «İzetti bala» taqpaǵyn oqyp beremin.
Tramvaımen júrsem de,
Avtobýsqa minsem de,
Úlkenge de, kishige,
Sábıi bar kisige
Turyp oryn beremin,
İzetti bop kelemin.
Al myna sýrette neni kórip tursyńdar?
- (velosıped)
- Velosıped sózi qandaı dybystan bastalady?
- V dybysynan bastalady.
- Aıtylýyna qaraı qandaı dybys dep oılaısyńdar?

V dybysy- uıań daýyssyz dybys. Ol V árpimen tańbalanady.
(V dybysy orys tilinen engen sózderde kezdessedi)

«Velosıped» sózindegi qalǵan dybystardy tekshelermen belgiletý.
- «Velosıped» sózinde neshe daýysty, neshe daýyssyz dybys bar?
- (bes daýyssyz, tórt daýysty).
- Neshe býynnan turady?
- (tórt býynnan)
- Nege?
- (sebebi tórt daýysty dybys bar).

Oqýlyqpen jumys:
Álippe- dápterdegi býyndardy oqytý.
- va, -vo, -vı, -ve, -av.

DVD dıskiden slaıd- shoý kórsetý.

Qol jattyqtyrý jumysy.
- Álippe- dápterimizdegi V dybysynyń árip tańbasyn bastyryp jazamyz.

Mátinmen jumys.
Balalarǵa oqýlyqta berilgen shaǵyn mátindi oqyp beremin.
- Mátin ne jaıly?
- Qaı sózderde V dybysy kezdesedi? Ózderine oqytamyn.

Dıdaktıkalyq oıyn:
Kórneki quraldar: sózder jazylǵan kartochkalar.
Oıynnyń barysy: Bir bala ortaǵa shyǵyp qorjynnan kartochka alady. Kartochkaǵa jazylǵan sózdi oqıdy jáne sol sózdi qatystyryp sóılem quraıdy. Quraı almaǵan jaǵdaıda top balalary kómektesedi.

Sergitý sáti:
Uzyn qulaq sur qoıan,
Estip qalyp sybdyrdy.
Oıly-qyrly jerlermen
Ytqyp-ytqyp júgirdi.
Qarap edi artyna,
Qıyǵyn salyp kóziniń
Kele jatqan tompańdap,
Kójegi eken óziniń

Oı damytý tapsyrmasy:
- Myna sýretke nazar aýdaramyz. Nelerdiń sýretteri beınelengen?
- (vana, dıvan, vagon)
- Durys aıtasyńdar. Bul sýretter boıynsha bizge mynandaı tapsyrmalar berilgen.
Birinshi tapsyrma: sózderdi óz ataýlarymen baılanystyr.
Ekinshi tapsyrma: VAN býyny bul ataýlardyń nesheýine ortaq?
Úshinshi tapsyrma: Qaı ataýda VAN býyny joq? Sony kórset.

Sabaqty qorytyndylaý:
- Biz búgingi sabaqta qandaı dybyspen tanystyq?
- V dybysy qandaı dybys?
- V dybysy kezdesetin qandaı sózder bilemiz?
- Durys aıtasyńdar. (sabaqta jaqsy qatysyp, belsendilik tanytqan balalarǵa juldyzsha berip madaqtaý). Sonymen balalar bizdiń búgingi saýat ashý sabaǵymyz aıaqtaldy.