InfoHub Logo

Búgingi damý men mádenıettiń qalyptasýyna myńdaǵan ǵasyr qajet boldy. Mıllıondaǵan jyldan turatyn aralyq pen sońǵy 30 jyldy salystyrsaq — sońǵysynyń qarqyny tıimdirek bolǵan. Shırek ǵasyrdan astam ýaqyt aralyǵynda adam balasy qarqyndy damyp otyrǵany anyq. Sondyqtan «HHİ ǵasyr — tehnologıa dáýiri» degen tirkes paıda boldy. Al osy tujyrymnyń qalyptasýyna Bıll Geıts, Stıv Djobs sekildi álemniń ózgerýine óz yqpalyn qosqan tulǵalardyń úlesi az emes.

Bıll Geıts jaıly qyzyqty málimet

Bılldiń kompúterge degen qyzyǵýshylyǵy mektep kezeńinen bastap qalyptasqan. Tipti bir top synyptastarymen mektep kompúterin buzyp, kishigirim hakerlik ispen de aınalysqan.

Ol alǵashqy tabysyn oqýshy shaǵynda tapqan. Sabaq kestesiniń elektrondy nusqasyn jasap, mektep basshylyǵyna 4200 AQSH dollaryna satqan.

Emtıhanda joǵarǵy bal jınap (1600 upaıdyń 1590-yn jınaǵan) Garvard ýnıversıtetine túsken. Degenmen dáris tyńdaý ony jalyqtyryp, oqýdy tastap ketedi. Sodan soń kompúterlik programmalardy jasaı júrip, poker oıynymen de áýestengen.

Ýnıversıtette sabaq beretin profesorlardyń birine «30 jasynda mıllıoner bolatyndyǵyn» aıtqan. Bıll Geıts 31 jasynda mıllıarder atanyp úlgerdi.

Eger Bıll Geıts basqaratyn Microsoft kompanıasyn tutastaı bir memleket túrinde qarastyrsaq, onda ol uıym tabysy jóninen álemdegi 37 -shi el bolar edi.

Keı kúnderi Geıtstiń kúndik tabysy 20 mıllıon AQSH dollaryna deıin jetedi.

Bıll Geıts oqýǵa keńes bergen kitaptar tizimi

«Jaqsy ıdeıalar qaıdan alynady» Avtory: Stıven Djonson.

«Eınshteınniń aı serýeni: óner men ǵylym bárin este ustaıdy» Avtory: Djoshýa Foer.

«Álemdegi eń myqty ıdeıa» Avtory: Ýılám Rozen.

---