InfoHub Logo

H. Dosmuhamedov atyndaǵy Atyraý memlekettik  ýnıversıteti
jýrnalısıka mamandyǵynyń III kýrs stýdenti Ǵarıfolla Shyryn
Jetekshisi: Jumabaeva Anarhan

                               
«Adam kórki shúberek» dep tegin aıtpasa kerek qazaq atalarymyz. Shúberek demekshi men búkil Eýropa men Azıa elderin qoparmaı-aq, Qazaq eliniń qazirgi sán álemi jaıynda sóz etkim keledi. Iá, shynymende óń beretinde, ózgertetinde mata bóligi. Kezekte, ataqtary túkpir-túkpir álemge shyqpasada, elimizge tanymal brendteri bar qazaq dızaınerleri jaıynda sóz qozǵasam deımin. «Alystan arbalamaı, jaqynnan dorbala» demekshi, óz týǵan shaharym — Atyraý qalasynda tiginshi-dızaınerlerimiz jeterlik. Endi sol shyǵarylǵan ónim men tiginshiler jaıynda aıta bastasam deımin. Birinshi kezekte Atyraý qalasyna ǵana tanymal emes, Aqqystaý, Mańǵystaý, Jańaózen eldi mekenderine tanys — «SM colletion» brendi. Tolyqtyra aıtsam — Saltanat Maqsotova koleksıasy. Qazirgi tańda atelesin ashyp, bıznesin qarqyndy júrgizýde. Dızaınermen tolyq betpe-bet júzdespesemde, syńǵyrlaǵan únimen uıaly baılanys arqyly tildesýdiń ózi men úshin bir ǵanıbet. Suhbat barysynda bir túıgenim — Dızaıner qyz-kelinshekterdiń kez-kelgen armanyndaǵy kesh kóılekterinen bastap, toı kóılegine deıin tap bir sıqyrly perızattar sekildi tigip bere alady. Atelede ózinen bólek qosymsha 4 adam jumys atqarady. Degenmende eń tez jumysshy — tiginshiniń ózi. Osy mamandyqqa basynda tek hobbı retinde qaraǵanyn, tapsyrys berýshilerin óz bólmesinde qabyldaǵanyn jasyrmady. Biraq, keıin ýaqyt óte kele osy jumysy — súıikti mamandyǵyna aınalǵanyn da aıta ótti. Óz atelesin ashý ońaıǵa túspegenin jánede ata-anasynyń qoldaýymen, tapsyrysshylarynyń senimi arqaý boldy. Qazirgi kezde qarap otyrsaq osynyń bári tús sekildi kórinedi árıne, biraqta dál osy kezde eńbektiń eshqashan ońaı jolmen kelmeıtinin este ustaǵan jón sekildi. Dızaınerge árbir tapsyrys berýshi men kómekshileriniń oıy mańyzdy. Osy ereksheligimen óz dittegenine jete bildi. Ónimderiniń ortasha baǵasy — 18 myńnan bastap joǵarylaıdy. Tańdalatyn mata úlgisi, ólshemi men tigiletin kúni, baǵasymen bastalmaq. Qazaq naqysh jaıynda sóz qozǵalǵanda, ónimderinde qoldanysta ekenin, ony odan ári damytatynyn aıta ótti. Tigýden bólek, osy salany meńgertip, úıretýshi jas shákirtteri bar. SM collection brendi óz shaharymyzdan bólek basqa qalalardy ónimderimen tań qaldyryp júrýine dálelder jeter-aq. Atyraý qalasy Dızaınerleriniń ónim baǵalary qazirge tanymal dızaınerlerdiń sapasynanda, baǵa jaǵynanda kem emes ekenin eskergenimiz jón. Ekinshi kezekte «Assyl collection» etno kıim brendinde. Tiginshimiz — Asyl Dúzbaeva. Kıim ónimderin qazaqy naqyshtaǵy oıý-órnektermen úılestire tigýdiń sheberi dep artyq aıtpasam, kem bolmas. Tigý men qatar dızaıner qyzdarǵa «1 kúnde kóılek» master klassyn ótkizse, bóbek arýlarymyzǵa arnap «Kishkentaı tiginshi» kýrsyn ótkizedi. Odan keıin «Zolotaya Igla» atelesi. Shyǵarýshy — Ǵazıza Hvan. Tiginshimiz balǵyndarǵa arnap kóılek, boıjetkenderimizge kesh kóılektermen birge kúrteshe, kombezdi tapsyryspen tigedi. Jánede sońǵysyna «Irena Neibart» brendi. Bul dızaınerdiń ereksheligi nede dep oılansańyz, jaýap retinde family look tigin toptamasyn aıtar edim. Analarmen balapandarǵa birdeı matadan tigilgen kóılekter. Osymen tiginshiler toptamasynyń sońyna keldik desek qatelesemiz, sebebi áli de biz bilmeıtin, estimegen tiginshilerimiz qanshama.

---