InfoHub Logo

Pavlodar oblysy,
Baıanaýyl aýdany, Maıqaıyń kenti,
№2 jalpy orta bilim mektebi
Mektepaldy daıarlyq synybynyń tárbıeshisi
Galımjanova Roza Davletovna

I. N. Mýrashkovska ádistemesi arqyly til damytý sabaǵynyń konspekti
Taqyryby: «Jas izshiler»
Maqsaty: Sýret boıynsha áńgime qurastyrý.
Mindetter:
Bilimdilik: - Sýret boıynsha áńgime qurastyrýdy úıretý
Damytýshylyq: - Áńgimeni josparǵa sáıkes qurastyrýdy jattyqtyrý;
- Sújetti ádebı sózdermen tolyqtyrý, baılanystyryp sóıleýge jattyqtyrý;
- Shyǵarmashylyq qıaldaryn damytý;
Tárbıelik:- Balalardy tyńdaı bilýge, tabıǵatqa súıispenshilik tárbıeleý;
Kórnekilikter: «Qys» sýreti, «Ból de qoı», «Al da qos» sıqyrshylardyń sýretteri, shema - kartochkalar, 3 tústi fıshkalar, úntaspa
Úlestirmeli: Ár topqa shemalar, aq qaǵaz, qaryndashtar, ár balaǵa baqylaıtyn qubyr, baǵalaý teksheler.
Ádisi: Kórnekilik, túsindirý, suraq - jaýap, kórkem sóz, I. N. Mýrashskovska ádisimen jumys ótkizý, dıdaktıkalyq oıyndar, praktıkalyq jumys.

Sózdik jumysy: ormanshy, buǵy, sheten aǵash, sýyqtorǵaı, buta, izshi.
Aldyn-ala júrgizilgen jumystar:
Ormanshy, izshi týraly túsinik berý, qysta tabıǵattaǵy ózgerister týraly áńgimelesý, taqpaqtar oqý.

Sabaqtyń barysy:
I. Uıymdastyrý kezeńi:
Psıhologıalyq trenıń:
Armysyń, altyn kún!
Armysyń, asyl jyr!
Armysyń, kók aspan!
Armysyń, jan dosym!
Jylýyma jylý qos
Mine, meniń qolym bos!
II. 1. Kirispe áńgime:
- Ótken sabaqta biz úlkenderdiń mamandyqtarymen tanystyq, al kázir olardy maǵan atap berińdershi? (muǵalim, qurylysshy, eginshi, tiginshi, dúkenshi, t. b.)
- Ormanshy mamandyǵy týraly ne bilesińder? Ol nemen aınalysady?
- Durys, ol ormandy qorǵaıdy, ormandaǵy jabaıy ańdardy, qustardy, aǵashtardy baqylap, olarǵa kómek kórsetedi. Ormandaǵy ózgeristerdi baıqaıdy.

2. Sabaqtyń maqsatymen tanystyrý.
- Búgin biz ormanǵa saıahatqa baramyz, ormanshy bizdeń kómek surady. Ormanda ne bolyp jatqanyń, qandaı ózgerister bolǵanyn ormanshyǵa aıtyp beremiz.
- Balalar, ormanǵa qalaı jetýimizge bolady? (avtobýspen, tikushaqpen, t. b.)
Sıqyrly sát: - biz balalar, ormanǵa sıqyrly ushqysh – kilemmen baramyz. Bárimiz kilem ústine otyryp kózimizdi jabaıyq, al kilem bizdi ormanǵa jetkizedi.
(balalar kilem ústine otyrǵanda úntaspamenı áń qoıý, taqtaǵa sýret ilý)

Al, balalar, biz kelip qaldyq, kózderińdi ashyńdar.
Suraqtar:
- Balalar, sýrette ne salynǵan? qaı jyl mezgili salynǵan? Qalaı bildińder? Sýretti qalaı ataýǵa bolady? («Qysqy orman», «Ormanda»)

3. – Balalar, biz sýretti anyqtap qarap, ne salynǵanyń aıtyp berýimiz kerek. Osy iste bizge sıqyrshy «Ból de qoı» kómek kórsetedi
(Taqtaǵa sıqyrshynyń sýreti ilinedi)

- Senderdiń aldarynda jatqan baqylaıtyn qubyrdy alyp bir zatqa dáldeńder, kórgenderińdi maǵan atandar, al men senderdiń oljalaryńdy taqtaǵa shema túrinde bekitemin. Sabaq aıaǵynda, men eń kórimpaz balaǵa arnaıy tapsyrma beremin. Qanekı, egjeı-tegjeıge shabyt bastaıyq.

(balalar sýrettegi bir-bir zattan ataıdy, tárbıeshi ataǵan zatty shema túrinde taqtaǵa iledi)
4. Sergitý sáti:
Terbeledi aǵashtar,
Aldymnan jel eseıdi,
Kip-kishkentaı aǵashtar,
Bip-bıik bop ósedi.

5. Endi, ekinshi sıqyrshy «Al da qos» bizge kómekke keldi (taqtaǵa sıqyrshynyń beınesi ilinedi)
- «Al da qos» sıqyrshy bizge bir-birine qatynasy, baılanysy bar zattardy qosýǵa kómektesedi. Aldarynda atalǵan zattardyń shemalary bar, sender topqa bólinip, olardyń bir-birine baılanysyn tabýy qajet.

Kimge «Al da qos» sıqyrshy kómektesti, sol taqta aldyna shyǵyp baılanysy bar zattardy syzyqpen qosyp, sóılem qurastyryp túsinik beredi.(Mysaly: men qoıan men túlkini syzyq arqyly qostym, óıtkeni túlki qoıandy ańdyp júr)

6. – biz sýretti bólshekterge bólip, olardyń bir-birine qatynasyn taýyp sóılemder qurastyrdyq. Endi, osy sýret boıynsha bizge áńgime qurastyrý qajet.
Qysqy orman.
Qysqy orman ǵajap. Jer men aǵashtar aq tonmen jamylǵan. Butaqtan butaqqa qustar ushyp júr. Buta arasynda, sheten aǵash jıdeginde sýyqtorǵaılar qyzaryp otyr. Qar ústinde ańdar men qustar izinen oıý-órnekter salynǵan. Orman ishinen júgirip shyqqan buǵy, qoıandy ańdyp júrgen túlkini shoshytyp jiberdi.
(2 - 3 balany tyńdaý)

7. Qorytyndy: búgin biz jas isshiler bolyp úlken jumys ótkizdik. Kóp baqyladyq, kóp zerttedik, kóp bildik, kópke úırendik. Al, endi sender óz-ózińdi 3 tústi fıshkalar arqyly baǵalaısyńdar. Ol úshin qorapshadan fıshkany alasyńdar, eger sabaqta jaqsy jumys istedim dep oılasańdar qyzyl tústi fıshkany alasyńdar, ortasha – jasyl, az qatystym dep oılasańdar – kók tústi fıshka (óz-ózin baǵalaý).

8. Úı tapsyrmasy:
Ár balaǵa konvert ishine mazmundy sýret salyp berý. Úıde ata-analarmen birge sýret boıynsha áńgime qurastyrý, qaǵaz paraǵyna jazyp synypqa alyp kelý.