InfoHub Logo

Qazaqstannyń táýelsiz el retinde jasaǵan alǵashqy qadamdarynyń biri, bul álemdegi qýaty turǵysynan 4-shi ıadrolyq qarýdan bas tartýy boldy. 1991 jyly Elbasynyń arnaıy Jarlyǵymen elimizdegi Semeı atom synaq alańy jabyldy.

Qazaqstannyń táýelsiz el retinde jasaǵan alǵashqy qadamdarynyń biri, bul álemdegi qýaty turǵysynan 4-shi ıadrolyq qarýdan bas tartýy boldy. 1991 jyly Elbasynyń arnaıy Jarlyǵymen elimizdegi Semeı atom synaq alańy jabyldy.  Vashıngton qalasynda ótken samıtte el kóshbasshysy Nursultan Nazarbaev Qazaqstannyń ıadrolyq qarýsyz aımaqtar sanyn arttyrýdy qoldaıtynyn álemge kezekti ret pash etti. 

Iadrolyq qarý – adamzattyń qas jaýy, -deıdi tarıh ǵylymdarynyń doktory, profesor Tahır Muhamadeev. Onyń pikirinshe, Qazaqstan – atomdyq qarýsyz saıasatty tańdaı otyryp, halyqaralyq arenadaǵy elimizdiń bedelin arttyra tústi.  

Tahır Mýhamadeev, tarıh ǵylymdarynyń doktory, profesor:

- Qazaqstan ulttyq qaýipsizdikti ıadrolyq qarýsyz-aq saqtaýǵa bolatynyn álemge pash etip otyr. Óıtkeni, ıadrolyq qarý – qaýipsizdik kepili emes. Bul qazaq eli Prezıdentiniń beıbit, ári kópbaǵytty saıasaty. Bul 21 ǵasyrda atom qarýy soǵysy jáne el men halyqqa qaýip tóndiretin basqa da qaterlerdi boldyrmaýdyń negizi. 

Iadrolyq qarýdan bas tartý terorızmdik áreketter oryn alyp jatqan zamanda óte ózekti bolyp otyr. Sondyqtan aqmolalyq jastar Qazaqstan Prezıdentiniń bul baǵyttaǵy saıasatyn tolyǵymen qoldaıtyndyqtaryn bildirýde. 

Almas Sátpaev, joǵary oqý ornynyń 3 kýrs stýdenti:

- Vashıngtonda ótken samıt búgingi tańda óte mańyzdy saıası oqıǵalardyń biri. Sondyqtan aqmolalyq jastar Elbasynyń samıtke aıtqan sózderine tolyǵymen qosylyp, onyń bastamalaryn qoldaıdy. Qazaqstan ıadrolyq qarýdan bas tartqan elderdiń biri retinde úlgi bolarlyq, tájirıbesimen bólise alarlyq memleket. Bul Qazaqstannyń álemdik deńgeıdegi mártebesin taǵy bir márte kóterip tastady.  

---