InfoHub Logo

Bıyl – Alash balasyn sheksiz qýanyshqa bólegen, armanymyzdy aqıqat etken, irgeli el, derbes memleket ekenimizdi álemge jarıa qylǵan Táýelsizdigimizdiń ordaly 30 jyldyǵy.

Elimiz osy shırek ǵasyrdan sál asatyn qysqa merzimde Uly dalanyń zeńgir kógindeı kók Týymyzdy kókke kóterip, eldiktiń kóshin túzep, júzjyldyqtardyń enshisindegi tarıhı úderisterdi abyroımen ótkerdi. Táýelsizdiktiń árbir tańyn qýana qarsy alyp, ár kúnin qajyrly eńbekpen, eńseli erlikpen órnektegen Qazaqstan jahan jurtshylyǵyna alýan ulysty bir shańyraqta uıytqan jeruıyq meken retinde tanyldy.
Búgin mine yntymaq, birlik, tatýlyq saltanat qurǵan eldiń mártebeli bıiginde, mereıli belesinde turmyz. Osy jyldar bederinde taǵylymy mol, tamyry tereń dástúrimiz jańǵyryp, kúlli álemdi aýzyna qaratqan, kún túbine jortqan babalardyń urpaǵy retinde Qazaq handyǵynan Altyn Ordaǵa, Kók Túrkke ulasatyn uly tarıhymyz ulyqtaldy. Barsha túrki jurtynyń kıesi – Kúltegin altyn aıdarly astana tórine qondy. Áralýan mádenıetin baılyǵyna balaǵan, tatýlyǵymen tý alǵan jasampaz qoǵam qalyptasty. Dáýir daǵdarystaryn eńsere júrip, eldigimiz shyńdaldy, memleketimiz nyǵaıdy. San túrli synaqtan bilekke bilek qosyp ót ken halqymyz tonnyń ishki baýyndaı tuta sa tústi. Syrt elde qalǵan qarakóz qandastaryn atamekenge jınap, baýyryna tartty. Áleýetti eldermen yntymaqtastyq ornatyp, barsha álemge beıbit bastamalarmen tanyldy. Uly Dala eliniń tórinde tórtkúl dúnıege tórelik aıtqan, tamam eldi tatýlyqqa shaqyrǵan alqaly jıyndar, keleli kelissózder ótti. Qońsy qonǵan baýyr jurttyń birligi ydyrap, berekesi ketkende abdyraǵan aǵaıynǵa da pana boldy. Aýmaly-tókpeli zaman synaǵyna ushyrap, toqyraýǵa túsken elderge de qol ushyn sozdy. Birligin berik ustaǵan Qazaq eli bılik tiń beıbit aýysýynyń da erek úlgisin kór setti. Eldiktiń eńsesin tiktegen Elbasy jú zege asyrǵan sarabdal saıasattyń sabaq tastyǵyn halyq saılaǵan Prezıdent QasymJomart Toqaev tyń serpinmen jalǵastyryp, sońǵy jyldardyń úlesine tıgen synaqtardy da abyroımen eńsere bildik. Memleket basshysy jahandyq jańa ahýal jaǵdaıyndaǵy júrer jolymyzdy, barar baǵdarymyzdy belgiledi. Halyqtyq reformalar arqyly jańa deńgeıdegi memleketke aınalýdy kózdeıtin ilkimdi bastamalar iske asyryla bastady.

Tótennen kelgen tosyn indetke qarsy kúres te júıeli júrisine tústi. Bul tusta da halqymyzdyń ózgeniń qaıǵysy dep ból meıtin izgiligi, qaıyrymdylyǵy syndy ejelden qanynda bar qasıetteri aıryq sha aıshyqtalyp, bilekke bilek qosqan da eń serilmeıtin qıyndyq joq ekenin kórsetti. Ókinishke qaraı, álemdi jaılaǵan pandemıa áli jalǵasýda. Biraq áleýeti búgingiden áldeqaıda az bolǵan zamanda da egemendik týyn eńkeıtpegen qabyrǵaly halqymyz bul kezeńnen de abyroımen óterine bek senemiz.

Basqa qonǵan baǵyn baǵalaıtyn el baılyǵyn eseleı otyryp, tek alǵa umtylady. Bizdiń basty baılyǵymyz – peıili daladaı darhan, birligi bolattaı berik, Alataýdaı alyp halqymyz! Tamyry tereń, qazyǵy berik osyn daı eli bar memlekettiń Táýelsizdigi de baıan dy bolady. Memleketimiz máńgilik jasaı bersin! Jańa jylda – Táýelsizdiktiń 30 jyl dyǵynda alar asýlarymyz kóp bolǵaı!

---