InfoHub Logo

Atyraý oblysy, Qurmanǵazy aýdany,
N. S. Manaev atyndaǵy jalpy orta mektebi
Hılaýova Armangýl Amangeldiqyzy

Ashyq tárbıe sharasy «Imandylyq – izgilik negizi» 9 synyp
M a q s a t y:
Imandylyq sóziniń naqty maǵynasyn túsiný. Oqýshylardyń bilimderin keńeıte otyryp, oı - órisin, qıalyn, qyzyǵýshylyǵyn, belsendiligin, qushtarlyǵyn, ıaǵnı, adamı qasıetterin qalyptastyrý, ana tilin súıýge, ata - saltyn, adamgershilik qasıetterin qalyptastyryp, babalardan qalǵan ulaǵatty, ǵıbrat sózderdi túsindirip, sodan úlgi - ónege alýǵa baýlý. Oqýshy boıyna ımandylyq, adamgershilik, qasıetterdi qalyptastyrý. Adamgershilik qasıettterge baǵyttaı otyryp, oqýshynyń rýhanı bilimin baıytý, logıkalyq oıyn damytý. Imandylyqqa, parasattylyqqa, biliktilikke, adaldyqqa, qaıyrymdylyqqa, meıirimdilikke, izgilikke, eńbekqorlyqqa, dostyqqa, erlikke, izdenimpazdyqqa, iskerlikke, sheberlikke, uqyptylyqqa, dáldikke ulttyq pedagogıka negizde tárbıeleý.
Tárbıe saǵatynyń túri: aýyzsha jýrnal.
Tárbıe saǵatynyń ádisteri: Toptastyrý, syr - suhbat,
Kórnekilikter: Abaıdyń naqyl sózderi; Imandylyq týraly naqyl sózder, prezentasıa, sýretter, býklet, shar.

Imandylyq týraly
Jıǵanyńa senbe - ımanyńa sen.
Imandy adam - arly adam,
Imansyz adam - sorly adam.
Ústińniń kirin - sabyn ketiredi,
Janyńnyń kirin - ıman ketiredi.
«Imandylyq qasterli qasıet»
«Imandylyq - ınabattylyq aınasy»
«Imandylyq – izgilik negizi»
Barysy: İ Uıymdastyrý.
İİ. Kirispe
İİİ. Negizgi bólim.
İV. Qorytyndy.

Epıgraf:
" Árbir aqyldy adamǵa ıman paryz, árbir ımandy adamǵa ǵıbadat paryz " Abaı

Aýyzsha jýrnal
Kirispe bólim
Muǵalim sózi: Hılaýova Armangúl synyp jetekshisi.
Armysyzdar, qadirli qonaqtar, ustazdar, oqýshylar!
Búgingi synyp saǵatymyzdyń taqyryby «Imandylyq – izgilik negizi» dep atalady. Búgingi synyp saǵatymyzǵa aýdandyq meshittiń bas ımamy - Nurlan myrza kelip otyr. Qonaǵymyzdy qoshemetpen ortaǵa shaqyraıyq. Egemendi elimizdiń erteńi bolashaq urpaq qolynda. Bolashaq urpaqty ımandylyq tárbıege baýlı otyryp, halyq dástúrin júregine uıalatyp, sanasyna quıý - búgingi bilim men tárbıeniń basty mindeti. Qazirgi kezde ata - anasyn qarttar úıine ótkizgen bala, balalaryn tiri jetim etip, júrgen alaıaqtar, maskúnem, urylardyń kóbeıýi bizdiń ulttyq tárbıemizge syn. Sondyqtan, mektepte ımandylyq tárbıesiniń berilýi oqýshylar boıyna izgi qasıetterin sińirý úshin, ózin musylman dep tanýǵa ultynyń ozyq dástúrin, ádet - ǵurpyn uǵynýǵa, ultjandy azamat bolyp ósip jetilýine ıgi áser etedi dep senemiz.

Trenıń: «Júrekten shyqqan jyly sóz» oqýshylar bir - birine ózderiniń júrekterinen shyqqan jyly sózderin aıtady.
Tús tańdaý: «Qyzyl» «Jasyl»
Stol ústinde qyzyl, jasyl tústi qaǵaz jatyr, sol tústerdi tańdap eki topqa bólinemiz.
«Toptastyrý» strategıasy
İ top: «Qyzyl»
İ top: «Imandylyq»
İİ top: «Jasyl»
İİ top: «Dostyq
Aq qaǵaz betine adamnyń boıynda kezdesetin jaqsy jáne jaman jaqtardy jazý.
Án «Dúnıe kerýen» oryndaıtyn Sapashov Dıas.
Jýrnaldyń ekinshi beti: «Imandylyq - júrekke uıalasa»
Muǵalim sózi: Hılaýova Armangúl synyp jetekshisi. Jýrnalymyzdyń ekinshi beti «Imandylyq - júrekke uıalasa» dep atalady. Búgingi taqyrypqa saı óz oqýshylarymyz dinı baǵytta qandaı uǵymdardy biledi eken, oqýshylarǵa sóz kezegin bereıik.
Imandylyq Meshit
Din, Quran
Islam dini, Iman
Muhammed Paıǵambar, Qurban aıt
Musylman, Hadıs
Bes paryz, Ǵıbadat
Namaz, Áýlıe
Oraza, Adam ata
Zeket, Haýa ana
Qajylyq

1 oqýshy: Bekzat Q.
Imandylyq – adamnyń qoǵamdaǵy, kúndelikti ómirdegi is - áreketterin belgili - bir qalypqa túsiretin ishki rýhanı retteýish qadir - qasıet, adam boıyndaǵy adamgershilik, izgilik, kisilik belgisi. Dástúrli qazaq qoǵamynda adamnyń ımandylyǵyna – minez - qulyq júıesindegi erekshelikterine kóp kóńil bólingen. Adamnyń jaryq dúnıege kelýi, ósýi, erjetýi, tirshilik etýi, qartaıýy, ata men balanyń qarym - qatynasy, úlkendik pen kishilik, syılastyq, ádeptilik pen arlylyq, ınabattylyq tárizdi mańyzdy máseleler ımandylyqtyń mańyzdy quramdas bóligi retinde eshqashan da nazardan tys qalmaǵan. Jastardyń úlkenderge qurmet kórsetýi, úlkenderdiń kishilerge izet bildirýi ómir súrý saltyna aınalǵan. Qoǵamda berik qalyptasqan osyndaı kórgendilikpen ómir keshý daǵdylary jınala kelip, barsha adamgershilik qaǵıdalardyń, ımandylyqtyń jazylmaǵan kodeksteriniń qalyptasýyna negiz bolǵan. Boıyna adamgershilik asyl qasıetterdi jınap ósken jasty “kórgendi” dep, júreginen nur, óńinen jylý ketpeıtin, árdaıym jaqsylyq jolyn oılaıtyn, ár iste ádildik kórsetetin adamdardy “ımandy” dep ataǵan. Musylmandyq dúnıetanym boıynsha, ımandylyq ımannan paıda bolady. Al ıman – júrektegi nur, nurdyń syrtqy bolmysy, ıaǵnı ımandylyq – Alla taǵalaǵa ıman etken adamǵa bitetin kórkem minez. Alla jibergen árbir paıǵambarynyń mindeti – ıman men ımandylyqqa ýaǵyzdaý dep sanalǵan. Eń sońǵy paıǵambar Muhammed (ǵ. s.): “Men eń ǵajap kórkem minezdi tolyqtyrý úshin jiberildim”, – deý arqyly álemdegi tálim - tárbıe men ımandylyqtyń qanshalyqty mańyzdy ekenin kórsetken, ımandylyqqa ózi birinshi úlgi bolǵan delinedi. Alla taǵala adamdy ıman men ımandylyq úshin jaratqan, sondyqtan: “Allanyń minezinen úlgi - ónege alyńdar” (Muhammed paıǵambar), – dep ýaǵyzdalady. Imandylyqtyń negizin musylmandar Quranda dep biledi. Qazirgi zaıyrly órkenıetti qoǵamda da ımandylyq – asa qasterli, bıik adamshylyq qasıet retinde uǵynylady. Imandylyqqa qarama - qarsy jaǵymsyz sıpat – ımansyzdyq
2 oqýshy: Sultanbek.
Imandylyqtyń shynaıy tórine tórt nárse arqyly jetýge bolady.
1. Alanyń jazýyna shúkirshilik;
2. Alla taǵalaǵa shyn peıilmen senýshilik;
3. Barlyq iste de Allaǵa júginýshilik;
4. Sana sezimińe kereǵar nársege shydamdylyq