Inelikter
Inelikter — jándikter klasynyń bir otrády. Uzyndyǵy 14-120 mm. Qursaq bólimi jińishke ári uzyn. Aýzy kemirýge beıimdelgen. Óte úlken fasetti kózderi basynyń joǵarǵy bóligin alyp ornalasqan. Murtshalary qysqa, kózge áreń kórinedi. Qanattary torlanyp júıkelengen. Basqa jándikterden ereksheligi: arka-qursaq qanatynyń bulshyq etteri jaqsy damyǵan, tynyshtyq kúıde qanataryn denesine jınamaı, jaıyp jiberedi. Qanattarynyń qurylysyna qaraı ınelikter: teńqanattylar, ár túrli qanattylar jáne Anisozýgortera (tek Japonıa jáne Úndistanda ǵana kezdesedi) otrád tarmaqtaryna bólinedi. Inelikterdiń 4500-den astam túri belgili. Qazaqstanda 7 túri qorǵaýǵa alynyp, Qazaqstannyń «Qyzyl kitabyna» engizilgen. Inelikter — dara jynystylar, shala túrlenip damıdy. Jumyrtqalaryn sýǵa nemese sý ósimdikteriniń sabaǵyna salady. Dernásilderi sý astyndaǵy zattarǵa jabysyp tirshilik etedi. Qoregin (usaq sý jándikteri, t.b.) astyńǵy erini arqyly ustaıdy. Qystap shyqqan dernásilderi kelesi jyly jazǵyturym birneshe ret túlep, maýsym aıynda eresek ınelikterge aınalady. Eresek ınelikter tushshy sý qoımalarynyń mańynda jıi kezdesedi. Shybyn, masa, shirkeı, usaq jándikterdi aýada ushyp júrip ustaıdy. Inelikter — paıda keltiretin entomofagtar. Dernásilderi — balyqtyń, sý qustarynyń qoregi.
You Might Also Like
-
Ǵalym Jaılybaı (9.02.1958 jyly týǵan, Qaraǵandy oblysy, Jańaarqa aýdany, Jeńis aýyly) — aqyn. «Alash» syılyǵynyń laýreaty (1999), jyr músháıralarynyń birneshe márte jeńimpazy. Uzaq j...
-
Devıd Kolb — eksperımentaldy oqytýǵa (úırenýge), mansap pen kásibı bilim berýdi damytýǵa mamandanǵan ǵalym, pedagog. Óziniń oqytý modelin jasaý kezinde Djon Dúı, Jan Pıaje jáne Kýrt Levınniń...
