InfoHub Logo

Vızıttik kartochkalardy qoldaný tarıhy erte kezderden bastalǵan, qazirge deıin olardy paıdalaný boıynsha belgili bir normalar qalyptasqan. Vızıttik kartochka – tanystarda, iskerlik serikteste, klıentte siz týraly qalatyn málimet. Kartochkada tek jalpy málimetter ǵana bolyp qoımaı, ımıjdi qalyptastyratyn aqparat bolady. Ereje boıynsha vızıttik kartochka – aq jartylaı qatty kartonda tıpografıalyq tásilmen qara túspen jazylǵan mátini bar shaǵyn tórtburysh. Onyń ólshemderine qatysty naqty talap joq.

Kartochkanyń shrıfti jeńil oqylýy tıis. Adamnyń aty kóbinese úlkendeý ólshemmen jazylady. VK egesi qaı elde tursa, sol eldiń tilinde nemese aǵylshyn tilinde jazylýy múmkin. VK-nyń kóptegen túrleri bar, olardyń tek jıi kezdesetinderi tómendegideı:

Standarttyq kartochkada famılıa, aty-jóni úlken áriptermen jazylyp, laýazymy kishi áriptermen jazylady. Ádette fırma meken-jaıy jáne telefon jazylady (úı, jumys, jeke). Mundaı kartochkalar jańadan tanysqan kezdesýlerde qoldanylady. 

Arnaıy maqsattarǵa arnalǵan kartochkada fırmanyń meken-jaıy jáne telefony jazylady. Eger sizge osyndaı málimeti ǵana bar kartochka berilse, demek onyń egesi qarym-qatynasty jalǵastyrýǵa nıeti joq bolǵany. Ol tek ózin tanystyrý maqsatynda qoldanǵan. Bul kartochkanyń beriletin ekinshi jaǵdaıy bar: siz jaqsy tanıtyn seriktesińiz sizge syılyq berip jiberý kezinde qasyna osyndaı kartochkany qystyrady. Demek, siz bul fırmanyń atyn oqysańyz, kim jibergenin de birden tabasyz.

İskerlik vızıttik kartochkalar zamanaýı iskerlik qarym-qatynastyń ajyramas atrıbýty bolyp sanalady. İskerlik seriktestermen kezdesýge barar aldynda mindetti túrde jetkilikti sanda VK alyp shyǵý kerek. Eń alǵashqy tanystyq VK almasýmen bastalady. Egesi týraly tolyq málimetpen qosa, onda fırma logotıpi de beriledi. Memlekettik qyzmetkerlerdiń VK-da memlekettik eltańba nemese tý beınelenýi múmkin.  İskerlik VK-da laýazym men tıtýl, dárejesi de beriledi. Telefon nomeri ózgergen bolsa, ústinen óshirip ózgertýge bolady. Biraq gramatıkalyq qatelikterdi jóndeý etıketke laıyqty emes. Eger fırmanyń birneshe fılıaly bar bolsa, onda olardyń barlyǵyn da engizýge bolady.

VK-ny syılyqpen nemese sálemdemelermen qosa salyp jiberýge bolady. Kóptegen elderde VK-nyń tómengi sol jaǵynda qysqarǵan sózderdi jazyp jiberedi. Ol arqyly sálemdeme qandaı maqsatta jiberilgenin anyqtaýǵa bolady. Sózder fransýz tilinen alynǵan:

• P.F. – pour feliciter – quttyqtaý, baqyt tileý.

• R.S. – pour condoleance – kóńil aıtý.

• P.R. – pour remercier – alǵys aıtý.

• P.P. – pour presenter – tanystyrýǵa ruqsat etińiz;

• P.F.C. – pour faire connaissance – keremet tanystyq úshin;

• R. R.S. – pour prendre conge – qoshtasý belgisi retinde;

• P.F.N.A. – pour feliciter du Nouvel An – Jańa jylda izgi tilektermen;

• P.F.V. – pour faire visite – kezdesýge nıettený.

Mundaı qysqartýlar bizdiń elde keń taralmaǵan, sondyqtan ony jiberer aldynda adresattyń túsinetin-túsinbeıtinin anyqtap alǵan jón.

Vızıttik kartochkany syrttaı tanystyqtar úshin de qoldanady. Mundaı kezderde tómengi sol jaǵyna R.R. áripterin jazady. Adresat bir táýliktiń ishinde jaýap retinde VK jibergeni iskerlik etıketke saı. VK-nyń otbasylyq túri de tájirıbede kezdesedi. Onda jubaılar týraly málimet engiziledi. Eger bir otbasy kelesisine VK bergisi kelse, eki danasyn – úı egesine jáne jubaıyna beredi. Ǵylymı jáne shyǵarmashylyq sala tulǵalary úıde de jumys jasaı beretin bolǵandyqtan, jumys jáne úı meken-jaıyn birge jazýy kerek. Satýshylardyń, restoratorlardyń, baspagerlerdiń VK-lary kontorkaǵa shyǵarylyp turýy múmkin. Mundaıda olardy kelýshiler ruqsatsyz-aq ala beredi.

Paıdalanylǵan ádebıet:

Skvorsova V. N. Professıonalnaıa etıka: Ýchebnoe posobıe. – Tomsk: Izd-vo TPÝ, 2006. – 180 s.

---