InfoHub Logo

Synyby: 10
Taqyryby: «Internet álemine saıahat»

Maqsaty:
Bilimdilik Oqýshylardyń alǵan bilimderin tekserý, ótken taqyryptaryn qaıtalaý.
Damytýshylyq Bilim alýshylardyń oı - órisin keńeıtip, este saqtaý qabiletin shyńdaý, olardyń bilimge qyzyǵýshylyǵyn arttyrý;
Tárbıelik Oqýshylardy shapshańdyqqa, izdenimpazdyqqa, uıymshyldyqqa tárbıeleý.
Sabaqqa qajetti quraldar: Mýltımedıalyq qurylǵylar (kompúter, ınteraktıvti taqta, activ vote, planshet, modem, uıaly telefon) beınerolık, flıpcharttar, sýretter, marapattaý gramotasy.
Túri jarys sabaq
Tıpi qaıtalaý
Pán aralyq baılanys Qazaq ádebıeti.

Saıystyń erejesi: Saıys 10 synyp oqýshylaryna jarys túrinde ótedi jáne eki topqa bólinedi. Ár top 6 oqýshydan quralady. Saıys 6 týrdan turady. Jeńgen top «ınternet álemine» saıahatqa shyǵady. Onda 20 jyldan keıingi bolashaqtyń josparyn kórýge júrdek poıyzdy qurastyrý arqyly bara alady.

Saıystyń barysy:
I. Uıymdastyrý kezeńi (5 mınýt)
Sálemetsizder me, qurmetti oqýshylar, ustazdar, qonaqtar! Búgingi «Internet álemine saıahat» saıysyna qosh keldińizder! Bizge ınternet elinen poshtamyzǵa hat kelipti. Onda, bizge ınternet eline kelińizder, onda sizderdi 20 jyldan keıingi bolashaqtyń jospary kútip tur dep jazypty. Endi biz ınternet álemine saıahat jasaýymyz úshin bizge júrdek poıyzdy qurastyrýymyz kerek. Ol úshin bizde eki top saıysqa túsedi.
Endi sizderdi saıysqa túsetin eki toppen tanystyraıyn (taqtada flıpchart arqyly eki toptyń aty telegafnaıa lenta túrinde shyǵyp turady):
1 – top: Yandex. kz
2 – top: Google. kz

Biz júrdek poıyzdy qurastyrý úshin «Sıqyrlanǵan kópir» týrynda poıyzdyń eń basty bóligin quraımyz jáne ár týrdan ótken saıyn poıyzdyń vagondaryn artyna tirkep otyramyz. Saıysymyz bitken kezde, ıaǵnı Vİ týrda poıyzdy qurastyryp bitip jeńgen komandany poıyzben ınternet álemine saıahat jasap 20 jyldan keıingi bolatyn bolashaqtyń josparyn kóremiz.
Saıysymyzdy bastamas buryn ınternet jaıynda qysqasha toqtalyp keteıin.

Internet uǵymy HH ǵasyrdyń aıaǵynda paıda boldy. Bul kúnde Internetti turaqty paıdalanýshylar sany búkil álem boıynsha 1, 5 mlrd adamnan asypty. Bul – jer sharyn mekendeıtin halyqtyń tórtten bir bóligi ǵalamtor ıgiligin óz kádesine jaratýda degen sóz.

Internettiń shyǵý tarıhy da qyzyq. «1957 jyly Keńester Odaǵy jasandy jer serigin ǵaryshqa ushyrǵan soń, AQSH Qorǵanys mınıstrligi «eger soǵys bola qalǵan jaǵdaıda Amerıkaǵa senimdi aqparat almasý júıesi kerek bolady» dep eseptegen. Ondaı júıeni AQSH - tyń Ortalyq barlaý basqarmasynyń qyzmetkerleri oılap tapqan desedi. Bul maqsatta Los - Andjeles, Iýta jáne Kalıfornıa shtattaryndaǵy ýnıversıtetterge jáne Stenford zertteý ortalyǵyna kompúterlerdi bir - birimen jalǵaıtyn jeli jasaý tapsyrylady. ARPANET dep atalatyn joba 1969 jyly 29 qazanda tórt mekemeniń kompúterlerin telefon arqyly baılanystyrady.

Sodan soń ARPANET damyp - jetilip, ony túrli salanyń ǵalymdary paıdalana bastaıdy. 1983 jyly bul ataý «Internet» degen uǵymmen almastyryldy. Qazirgi kezde Internetpen tek qana kompúterlik jeliler arqyly emes, sonymen qatar, baılanys spýtnıkteri, radıosıgnaldar, kabeldik teledıdar, telefon, uıaly baılanys, arnaıy optıkalyq - talshyqtyq jeliler jáne elektr jelileri arqyly da baılanysýǵa bolady. Internette kóptegen paıdaly da qajetti aqparattardy tabýǵa bolady

II. Saıystyń jospary:
İ týr: Tanystyrý
İİ týr: Sıqyrlanǵan kópir
İİİ týr: Internet ǵajaıyptary
İV týr: Internet qyrandary
V týr: Kim tapqyr?
Vİ týr: Test
(saıystyń jospary taqtada shyǵyp turady)
Saıysty qorytyndylaý.
Baǵalaý: Eki top bir - birlerin ár týrdan ótken saıyn tablomen baǵalaý arqyly ekrannan upaı sandaryn bilip otyramyz.

Al, endi saıysymyzdy bastaıyq.
İ týr: Tanystyrý (5 mınýt) - ár top ózderine topbasshy saılap alady da, topbasshysy ornynan turyp toptaryn tanystyryp ótedi. (Taqtada eki toptyń tanystyrýy shyǵyp turady).
1 – top: Yandex. kz
Qıyndyqtardan búgilmeımiz,
Úmitimizdi senim baptasyn
Ashamyz sonda túbinde,
Internettiń qaqpasyn.