Isekeshev mektepterdegi aqsha jınaý problemasyn baqylaýǵa almaq
Elorda turǵyndary mektepterde aqsha jınaý problemasymen betpe-bet kelse, qala basshysyna shaǵym jasaı alady.
Bul týraly búgin elorda bilim qyzmetkerleriniń tamyz keńesinde Astana qalasynyń ákimi Áset Isekeshev málim etti.
«Áleýmettik jelilerde mektepke balany aýystyrý barysynda oryn joq degen syltaýmen aqsha alý máselesine baılanysty kóptegen synnyń bar ekendigin atap ótkim keledi», - dedi ol.
Osy rette qala basshysy dál osy máselege baılanysty jaıttar týyndasa qala turǵyndarynyń kez kelgen usynystaryn qaraýǵa daıyn ekendigin jetkizdi.
«Meniń jeke ózime jiberýlerińizge de bolady. Buǵan qosa, Facebook áleýmettik jelisinde elordanyń bilim berý salasynyń «Bilim. Astana» paraqshasy ashylǵan. Bizdiń mamandar, keıde meniń ózim de kirip otyramyz. Astananyń barlyq pedagog qoǵamdastyǵyna sol jerde áńgimelesýge shaqyramyn. Menińshe, bul pikir almasýdyń eń jyldam joly», - dep atap ótti elorda ákimi.
Sonymen qatar Á.Isekeshev ákimdik kez kelgen máselege shuǵyl áreket etetindigin basa aıtty.
«Sondyqtan ákimdikke kelýdiń qajeti joq. Kez kelgen másele boıynsha ákimdik saıty arqyly jumys isteýge bolady. Biz problemany bilemiz. Olar: mektep formasy, tamaq, oqýlyqtar. Bulardy sheshetin bolamyz», - dedi ol.
You Might Also Like
-
2017 jyly Ulttyq biryńǵaı testileý ózgeredi. Bul týraly búgin Qazaqstan bilim salasy qyzmetkerleriniń respýblıkalyq tamyz keńesinde QR Premer-Mınıstriniń orynbasary Darıǵa Nazarbaeva málim etti.
