InfoHub Logo

Fılosofıa jáne Saıasattaný fakúltetiniń
Dintaný jáne Mádenıettaný kafedrasynyń 2 kýrs stýdenti Bekuly Dıas
Jetekshi: aǵa oqytýshy Kýderına A. N

Ǵylymı-tehnıkalyq potensıal kez-kelgen memlekettiń ulttyq baılyǵynyń negizgi salasy. Barlyq damyǵan elder tájirıbesi kórsetkenindeı, ekonomıkalyq damý, kórkeıtýdiń negizgi joly - ǵylymı-tehnıkalyq jáne tehnologıalyq salada lıder bolý. Tehnologıalyq jańalyqtar ekonomıkanyń quldyraýyna tótep berip, ǵylymıtehnıkalyq progrestiń belsendi túrde damýyna jaǵdaı jasap, ulttyq ekonomıkanyń tıimdiligi men básekege qabilettiligin joǵarylatady. Sondyqtan búkil dúnıejúzindegi kásipkerler jańa tehnologıalardy tıimdi basqarý men uıymdastyrýǵa kóńil bóledi. Al memleket óz tarapynan ǵylymı-tehnıkalyq jáne tehnologıalyq damý salasyna qoldaý jasap, tıimdi saıasat júrgizip otyrady. Óıtkeni memlekettik tehnologıalyq saıasat – tehnologıalyq jetistikterdi adam ıgiligi úshin paıdalanyp, adamzat ómir súrý jaǵdaılaryn sapaly túrde jaqsartýǵa baǵyttalǵan. Sondyqtan da, shetel tehnologıasy men tehnıkasyn ıgerýmen qatar, óz ulttyq ǵylymı-tehnıkalyq potensıalymyzdyń damýyna jaǵdaı jasap, otandyq ǵalymdardyń ǵylymı jetistikterin óndiriske engizip, olardy baǵalaı bilýimiz qajet. Bul maqalada qarastyrylatyn bolashaǵy bar jobalardyń biri Digital Kazakhstan.

Digital Kazakhstan jobasy – bul Qazaqstan ekonomıkasyn damytý qarqynyn jedeldetýge jáne bizdiń azamattardyń turmys sapasyn jaqsartýǵa arnalǵan baǵdarlama.

Baǵdarlama jobalarynyń baǵyttary: El ekonomıkasynyń basty salalarynda sıfrlyq tehnologıalardy ázirleý, engizý jáne damytý.

Qazaqstandyqtarǵa ınternetke jáne 4G (bolashaqta 5G) mobıldi baılanysyna barlyq jerden keń jolaqty qoljetimdilik usynatyn ınfokommýnıkasıalyq ınfraqurylymdy keńeıtý.

Onlaın usynylatyn memlekettik qyzmetterdiń sapasyn jaqsartý men sanyn arttyrý. Bul búrokratıa men jemqorlyqty tómendetýge, sondaı-aq memlekettik organdardy neǵurlym tıimdi jáne ashyq etýge múmkindik beredi.

Elektrondyq komersıany damytýǵa belsendi yqpal etý arqyly kásipkerler úshin jańa múmkindikter men qolaıly jaǵdaılar jasaý.

2021-2023 jyldarǵa arnalǵan ǵylymı jáne (nemese) ǵylymı-tehnıkalyq jobalar boıynsha granttyq qarjylandyrylatyn «Muǵalimderdiń sıfrlyq quzyrettiligin qalyptastyrý – adamı kapıtaldy damytý kilti» atty bul joba muǵalimderdiń kásibı turǵyda sıfrlyq bilim berý ortasy men bilim berýdiń sıfrlyq kontentterin qurý daıyndyǵyn, sıfrlyq tehnologıalarǵa negizdelgen bilim berý tehnologıalaryn keshendi iske asyrý men jelilik kommýnıkatıvtik daǵdylardy jetildirýdi, aqparattyq quqyq jáne aqparattyq qaýipsizdik boıynsha bilimderdi qamtıtyn sıfrlyq quzyrettilikterin qalyptastyrýdy kózdeıdi.

Joba aıasynda joǵaryda atalǵan problemalardyń sheshilýi. Ǵalamdyq bilim qoǵamyna qadam basqan qoǵamnyń óz deńgeıinde damýyna yqpal etedi. Sıfrlyq tehnologıalar arqyly muǵalimderdiń sıfrlyq quzyrettiligin qalyptastyrý baǵytynda júrgiziletin zertteýler otandyq pedagogıka ǵylymynyń deńgeıin joǵarylatyp, bilim berý men tárbıe isiniń deńgeıin kóterýge yqpal etedi.Jobanyń maqsatty aýdıtorıasy Túrkistan oblysy boıynsha mektepterdiń, qosymsha bilim berý mekemeleriniń pedagog qyzmetkerlerin qamtıdy.

Joba maqsaty: Sıfrlyq bilim berý ortasyn jáne bilim berý sıfrlyq kontentin qurýǵa daıyndyqty, sıfrlyq tehnologıalarǵa negizdelgen bilim berý tehnologıalaryn keshendi iske asyrýdy, jelilik komýnıkasıalyq daǵdylardy jáne aqparattyq quqyq pen aqparattyq qaýipsizdik týraly bilimdi jetildirýdi qamtıtyn muǵalimderdiń sıfrlyq quzyrettiligin qalyptastyra otyryp, adamı kapıtaldy damytý.

Nátıjelerdi qorytyndylaı kele, ár túrli baǵdarlamalyq analogtardyń artyqshylyqtaryn qoldanylyp, qosymsha fýnksıalardy paıdalana otyryp, sıfrlyq bilim berý ortasy men bilim berýdiń sıfrlyq kontentterin qurý daıyndyǵyn, sıfrlyq tehnologıalarǵa negizdelgen bilim berý tehnologıalaryn keshendi iske asyrý men jelilik kommýnıkatıvtik daǵdylardy jetildirýdiń tıimdiligin arttyrýǵa múmkindik berdi dep qorytyndy jasaýǵa bolady. Jobalanǵan júıeni onlaın jumys jasaýǵa arnalǵan ortalyqtandyrylǵan elektrondyq aǵyndy júıeni qajet etetin ártúrli uıymdardyń qajettilikterin qanaǵattandyrý úshin ońaı jazýǵa bolady. Bul júıe keleshekte taǵy da jańa derektermen tolyqtyrylady jáne bul júıe tek qana Qazaqstandyq muǵalimder úshin emes, dúnıejúzilik muǵalimderge de paıdaǵa asady degen úmit bar.

Bul zertteýdi Qazaqstan Respýblıkasy Bilim jáne ǵylym Mınıstrliginiń Ǵylym Komıteti qarjylandyrdy («Muǵalimderdiń sıfrlyq quzirettiligin qalyptastyrý – adamı kapıtaldy damytý kilti»).

---