InfoHub Logo

Qazaq tili 2 synyp
Taqyryby: Zat esimniń jekeshe jáne kópshe túri

Maqsaty: Bilimdilik: oqýshylardyń zat esim týraly alǵan bilimderin saralap, jınaqtaý, odan ári tereńdetý.
Damytýshylyq: oqýshynyń tilin, sózdik qoryn baıytý, baılanystyra sóıleý, shyǵarmashylyq qabiletin odan ári damytý, saýatty jazý daǵdylaryn jetildirý.
Tárbıelik: oqýshyny adamgershilik qasıeti mol tulǵa retinde qalyptastyrý.

Sabaqtyń túri: saıahat sabaq
Interaktıvti taqta

Sabaqtyń barysy
İ Uıymdastyrý kezeńi
/taqtada qystyń sýreti/
Balalar, Sálem - sózdiń atasy demekshi káne birinshi bárimiz amandasyp alaıyq.
Oqýshylar hormen:
Sálemetsiń be, altyn kún,
Sálemetsiń be, kók aspan.
Sálemetsiń be, jer - ana,
Sálemetsizder me, qonaqtar,
Sálemetsiń be sen,
Sálemetpin men.
1 - 2 slaı Búgingi bizdiń sabaǵymyzdyń taqyryby: Zat esimniń jekeshe jáne kópshe túri. Maqsatymen tanystyrý.
Balalar búgin mektepke kele jatqanda aýa - raıy qandaı boldy? Qazir qandaı qys mezgili?
3 - slaıd Qys
Balalar, qazir qandaı jyl mezgili? /qys/
Qysty kúni sender tabıǵatqa saıahatqa shyǵyp kórdińder me? Endeshe biz búgin óz bilimimizdi tekserý úshin tabıǵatqa saıahat jasaımyz. Jolda bizge ártúrli bógetter kezdesedi. Sondaǵy tapsyrmalardy oryndaýymyz kerek.
4 - slaıd
Ózińdi tekser
1. Óziń biletin sóz taptaryn ata.
2. Zat esim qandaı sóz taby?
3. Jalqy, jalpy zat esim týraly ne bilesiń?
4. Zat esimniń kóptik jalǵaýlary.
5 - slaıd
Óte jaqsy, endi bárimiz kózimizdi jumyp saıahatqa shyqtyq dep elesteteıik. Saıahatymyz qysta bolǵannan keıin ózimizben qandaı zattar alǵanymyz durys dep oılaısyńdar? Ony bilgileriń kelse, meniń jumbaǵymdy muqıat tyńdańdar?

6 - slaıd shana, shańǵy

1. Zýlap tústim tómenge,
Shyqpas mensiz tóbege.
2. Qos aıaqqa baıladym
Taýdan - taýǵa zyrladym.
Jumbaqtyń sheshýi: shana, shańǵy
a/ Sózderge suraq qoıý
á/ Qandaı sóz tabyna jatady?
b/ Kóptik jalǵaýyn jalǵap aıt
v/ Dybystyq taldaý jasaý

7 - slaıdy Ózen
Balalar, bul neniń sýreti. Qysqy ózen. Ózennen ótý úshin kelesi tapsyrmany oryndaýymyz kerek.
Taqtada aǵyp jatqan ózenniń sýreti.
Sózderdi eki baǵanǵa bólip jazý./jalqy, jalpy esimder/
Shelek, gúl, Arman, Bolat, kezekshi, saýynshy, Esil, Astana, Ekibastuz, dáriger, Qulager, Aqtós, muǵalim, bólme, qurylysshy
Balalar, men baıqaımyn sender sharshaǵan sıaqtysyńdar, endi kishkene dem alaıyq.
8 - slaıd
Sergitý sáti
Qysta keldi qar jaýdy,
Qar atysyp oınaıyq.
Boran soǵyp gýildep,
Jan - jaqtan kep úrledi.
Bul tapsyrma da senderge esh qıyndyq týǵyzǵan joq sıaqty. Ár qaraı saıahatymyzdy jalǵastyraıyq.

9 - slaıdy Ormannyń sýreti
Qysqy ormandy tamashalaǵylaryń kele me? Olaı bolsa onyń tapsyrmasy oqýlyqtaǵy 1 - 2 - jattyǵýlar

10 - slaıdy
Shanamen syrǵanaýdy kim jaqsy kóredi. Ol úshin taýdyń basyna shyǵýymyz kerek. Taýdyń basyna shyǵý qanshalyqty qıyn ekenin biletin sıaqtysyńdar. Onyń tapsyrmasy da ońaı emes. Myna berilgen sýretke qarap áńgime jazasyńdar. Sol áńgimeniń ishindegi zat esimderdi, jalqy jáne jalpy esimderdi, zat esimge jalǵanatyn kóptik jalǵaýlardy tabýlaryń kerek.
Óte tamasha balalar, saıahattan úıge oralatyn ýaqyt taıap qalǵan sıaqty. Ol úshin biz búgin sabaqta ne úırendik, neni qorytyndyladyq sony taǵy bir qaıtalap kóreıik.

11 - slaıd Venn dıagramsy
Oqýshylardy baǵalaý. Úı tapsyrmasy oqýlyqtaǵy 4 - 5 - jattyǵý.