InfoHub Logo

Taqyryby: «Alǵyrlar men Tapqyrlar» saıysy.
Maqsaty: Balalardy qaı pánge beıim ekendigin aıqyndaý.
Daryndy oqýshylardy anyqtaý.

Damytýshylyq
maqsaty: Balalardyń oılaý qabiletterin, erkin sóıleýge, oıyn tolyq jetkizýge, óz betinshe jumys jasaý qabiletterin arttyra túsýge damytý.

Tárbıelik maqsaty:
Uqyptylyqqa, jınaqylyqqa, ózin-ózi kópshilik arasynda ustaı bilýge jáne jaýapkershilikke tárbıeleý.

Sabaq kórnekiligi: Jalaý, parta, slaıd, sharlar, áripti jáshikter t. b.
Pán aralyq baılanys: mýzyka, ádebıettik oqý, matematıka, qazaq tili, dúnıetaný, dene shynyqtyrý.

Sabaq barysy: 1. Uıymdastyrý
Júrgizýshi: Bireý ozsa saıysta, bireý artta qalady,
Renjimeı tarasa, ozbaǵandar jarady.
Jarys zańy ejelden – jeńimpazdy anyqtaý,
Ozat bolý sharty sol-eńbektený, jalyqpaý.

Qymbatty oqýshylar, búgingi «Alǵyrlar men tapqyrlar» atty tanymdyq oıyn-dýmanymyzǵa qosh keldińizder. Búgingi saıys barysynda oqýshylarymyzdyń oı-órisin, bilimderin, eptiligin sarapqa salatyn bolamyz.
Men búgin ózderiniń aqyldy, sheberlikterin, alǵyrlyqtaryn, óz betinshe jumys jasaı alatyn, erkin sóıleı alatyn kórsetkisi kelip otyrǵan 2 «b» synyp oqýshylaryn ortaǵa shaqyrǵym kelip otyr.

Olar: İ top «Alǵyrlar»
Sálemdesýi: Qıyndyqtan sirá da biz qashpaımyz
Alǵyrlyq pen tapqyrlyqty ushtaımyz
Qıalarǵa samǵap ushqan qustaımyz
Sheginbeımiz jeńisterge bastaımyz

İİ top «Tapqyrlar»
Sálemdesý: Biz daıynbyz bul saıysqa dostarym
Kórsetemiz bizde qandaı kúsh baryn
Alǵa qoıǵan maqsatymyz bir eken
Sátti bolsyn saparymyz árdaıym

Júrgizýshi: Talapty da, talantty balalardyń saıysyn baqylap otyratyn baqylaýshy hanym bastaýysh synyp muǵalimi Bólegenova Aqmaral Tynyshtyqqyzy. Búgingi bilimdiler saıysy 6 aınalymnan turady. 6 aınalymnyń ózi 1, 2, 3, 4 bólimderden turady. Aınalymnyń barlyǵyn saıys barysynda túsindirip otyramyn. Ár aınalym boıynsha ár topqa jeke-jeke suraqtar qoıylady. Berilgen suraqtyń jaýabyn taba almasa, 2-shi top jaýap berip upaı sanyn óz qorjyndaryna sala alady. Suraqtyń jaýabyn tek aldaryńyzdyǵy belgimen dybys shyǵarý arqyly bildiresizder.
Olaı bolsa, 1-shi aınalym 4 bólikten turady.
1 aınalymnyń 1 bólimi ıaǵnı shıratý maqsatynda berilgen. Olaı bolsa ekranǵa nazar aýdaraıyq. Shashylǵan áripterden sóz quraý.
a)
SHAǴ
MRA
DAB
Sózdi sıpattap sýretteý. (Bul bizge kerek, ásirese mektepke kelerde jáne qaıtarda qajet, oǵan barlyq adamdar qaraıdy)
(Baǵdarsham)
- Baǵdarshamnyń tústeri qandaı?
á) İİ top.
İKD
LÚE
NK
(Bul ár oqýshyda bolady, ony ashsaq keıde kúlesin, keıde ashýlanyp, uıalasyń, ol seniń dosyń)
(Kúndelik)

- Kúndelikti qalaı ustaý qajet?
- Upaı sanyn anyqtaý.
- 1 aınalymnyń 2 bólimi. Munda matematıka páni boıynsha logıkalyq suraq berilgen.
İ top.
* Aýlada qazdar jaıylyp júrdi. Dana 6 aıaq sanady. Aýlada qansha qaz bar? Jaýaby: 3 qaz
İİ top
*Aǵashta birneshe qus otyrǵan. Olarda 8 qanat boldy. Aǵashta neshe qus otyr? Jaýaby: 4 qus otyr.
- Upaı sanyn anyqtaý.
1 aınalymnyń 3 bóligine de kelip jettik. Bul 3 bólik ózimizdiń ádebıettik oqý páninen berilgen. Berilgen sózdiń maǵynasyn ashyp, túsindirý. Ár topqa jeke – jeke suraq qoıylady.
İ top. Nazarlarymyzdy ekranǵa aýdaraıyq.
- qýlyǵyna basady – qýlyq jasaıdy, aldaıdy
- juǵyn da joq - túk te, dym da joq
- Tapqan malymnyń bir bóligimen boryshymdy óteımin, bir bóligin ósimge beremin degen sóılemdi qalaı túsinesińder?
Durys jaýap: Qart áke-shesheme bergen aqshalarymdy ótep turǵan boryshym dep bilemin. Ózimnen týǵan balalardy oqytýǵa bergen malymdy ósimge bergen mal dep bilemin. Balalar adam bolyp, biz qartaıǵanda jaqsy asyrasa, olardyń boryshymdy ótegeni dep oılaımyn,- deıdi Úıshi.

İİ top.
- jan tapsyrý – qaıtys bolý, dúnıeden ótý, ólý
- qıralańdap - aqsańdap
- Qaıyrshy shal-kempirdeı túsi ketip,
Japyraǵynan aırylǵan aǵash, qýraı degen óleń joldaryn qalaı túsinesińder?
Durys jaýaby: Jaz boıy qulpyryp turǵan aǵash, kúz mezgili jetkende barlyq japyraqtarynan aıyrylyp jalańash kúıde qalady, bul jerde aǵashtardyń túrin qartaıyp ketken qart shal men kempirge teńep tur.

*Toptardyń jınaǵan upaı sandaryn anyqtaý.

1 aınalymnyń 4 bóligi: - Munda «Dostar» stýdıasynyń jasyrǵan ánin taýyp alǵan top qosymsha 2 upaıdy birden ıelenip, óz qorjyndaryna sala alady. Jasyrylǵan án eki topqa da ortaq. Ándi tapqan top birden aldaryndaǵy belgini beredi.
*Jasyrylǵan án: «Qoshaqan» áni
- Olaı bolsa qosymsha 2 upaı sany beriledi. Al biz barlyǵymyz ekranǵa qarap «Qoshaqan» ánin birge oryndaıyq.

* Dostar senderdi upaı sandaryńmen quttyqtaımyn. Endeshe 2 aınalymǵa da kezek bereıik. 2 aınalym 2 bólikten turady.

2 aınalymnyń 1 bólimi. Munda kıno salasy boıynsha. Kınodan úzindi beriledi. Ár topqa tapsyrma jeke-jeke beriledi. Ol úshin barlyǵymyz nazarymyzdy ekranǵa aýdaraıyq. Kınony kórsetý. «Balalyq shaǵymnyń aspany»
İ top
* Suraq
- Kórsetilgen kınonyń aty? Jalpy kıno kim týraly?
- Durys berilgen kınodan úzindi elbasymyz Nursultan Ábishuly Nazarbaevtyń balalyq shaǵy týraly. Elbasymyz ushqysh bolýdy armandaǵan eken. Biraq elbasymyz óz eline qyzmet etý jolyn tańdaǵan eken. Sebebi ushqyshtyń oqýy Ýkraına qalasynda bolǵandyqtan ákesiniń óz elińe qyzmet et degen sózi aqylǵa salyp, kenshi oqýyna túsedi.
İİ top «Meniń atym – Qoja» kınosynan úzindi.
* Suraq
- Kórsetilgen kınonyń aty? Jalpy kıno kim týraly?
- Durys jaýap: Qoja degen bala týraly. Ol ózi buzyq bolǵanymen, shynshyl, jalpy ótirikti jany súımeıdi, ádildikti qalaıtyn bala týraly. Keıin kınonyń aıaǵynda Qoja óziniń qatelikterin joıady, tártipti, aqyldy bala bolady.

2 aınalymnyń 2 bólimi «Dostar» stýdıasynyń jasyrylǵan ánin tabý. Qosymsha 2 upaıdy upaıy tómen top taýyp óz qorjyndaryna salýǵa ábden múmkindigi bar. Jasyrylǵan án: «Orteke»

* Dostar senderdi upaı sandaryńmen quttyqtaımyn. Endeshe 3 aınalymǵa da kelip jettik. 3 aınalym 1 bólimnen turady. Aınalym ádebıettik oqý pánimen baılanysty. Munda top basshylary meniń daıyndaǵan 5 suraǵymdy óz toptaryna qoıady. Suraqtar tarıhta bolǵan adamdar, avtorlarǵa, ótken taqyryptaryna baılanysty. 1 mınýt ýaqyt beriledi. Ýaqyttyń bastalýyn, aıaqtalýyn baqylaýshy hanymnyń belgilerimen bastap, aıaqtaımyz.
İ top.
1. Qazaq dalasyna alǵash bilim jaryǵyn alyp kelgen adam kim?
Ybyraı Altynsarın
2. Balalardy oqýǵa shaqyrǵan Y. Altynsarınniń óleńi qalaı bastalady?
Bir allaǵa sıynyp
3. «Ata-ana aldyndaǵy boryshyń» degen tirkestegi «boryshyń» sózin basqasha taǵy qalaı aıtýǵa bolady?
Qaryzyń

4. Óleń jazatyn adamdy qalaı ataıdy?
Aqyn
5. Tuńǵysh «Álippe» oqýlyǵyn jazǵan kim?
Ahmet Baıtursynuly
- Upaı sanyn anyqtaý.
İİ top
1. «Alasyń bilim kitaptan» degen aqyl sóz kimniń shyǵarmasynda keltirilgen?
İlıas Jansúgirovtiń
2. Qartqoja qaı jazýshynyń keıipkeri?
Júsipbek Aımaýytovtyń
3. Qazaq halqynyń uly ǵalymy Shoqan Ýálıhanov týraly jazǵan jazýshy kim?
Saparǵalı Begalın
4. Abaıdyń naqyl sózin aıaqta.
«Adam balasynyń eń jamany -...»
Talapsyz
5. Abaı Qunanbaev «Ǵylym tappaı maqtanba» óleńinde ataǵan bes jaman isti ata.
Ósek, ótirik, maqtanshaq, erinshek, beker mal shashpaq
- Óte jaqsy upaı sanyn anyqtaý.
* Dostar senderdi upaı sandaryńmen quttyqtaımyn. Endeshe 4 aınalymǵa da kezek keldi. 4 aınalym shaǵyn 2 bólimnen turady.
4 aınalymnyń 1-shi bólimi.
İ top. Suraqtar mine ózderi de kele jatyr. Aldaryńyzǵa ákelingen sýsyndardy tatyp, ıispen, qarap kórýge de bolady. Endeshe sizderge berilgen suraq mynadaı. Aldaryńyzdaǵy sýsyndardyń ishinen qymyzdy tabyńyzdar?
- Qymyzdy tórt-túliktiń qaısysynan alamyz? Jaýaby: Qymyzdy Jylqy malynan onyń ishinde bıeden ıaǵnı jylqynyń urǵashy malynan alamyz. Úıirilgen sary altyndaı sary qymyz, Aýrýǵa – em, saýǵa qýat dári qymyz dep Jambyl atamyz jyrlaǵandaı qazaq halqynyń dardyǵyn, baılyǵyn, dastarhannyń berekesin, myrzalyǵyn dáleldeıtin osy sary qymyz bolǵan. Qymyzda S dárýmen ikóp bolǵan. Sondyqtan onyń emdik qasıetteri ásirese týberkýlez aýrýynan emdeý aıryqsha joǵary.
İİ top:
Sizderdiń de suraqtaryńyz mine ózderi de kele jatyr. Aldaryńyzǵa ákelingen sýsymaly dándi-daqyldardy ustap, qarap kórip alyńyzdar. Sizderge berilgen suraq mynadaı. Osy sýsymaly dándi-daqyldardyń ishinen bıdaıdy tabyńyzdar.
- Bıdaıdan ne jasaımyz? Jaýaby: «Jerde jatqan bıdaı dánin kórseń, túıeniń ústinen eńkeı de terip al!» dep halqymyz bıdaıdy asa qurmettegen.

* Upaı sanyn anyqtaý.
Olaı bolsa, 4 aınalymnyń 2 bólimi. Ár topqa suraq jeke-jeke múltfılm qoıylady. Daıyn bolsaq ekranǵa nazar aýdaraıyq. Múltfılm kórsetiledi.
İ top.
- Bul múltfılm qalaı atalady? «Quıyrshyq»
- Balanyń qolyndaǵy zatty ata? Ony ne úshin qoldanady?
Jaýaby: Torsyq. Jylqynyń terisinen 5-10lıtr shaǵyn ydysty torsyq dep ataıdy. Torsyq 1-2 adamǵa arnalǵan shaǵyn ydystyń túri. Kóbinese torsyqty jol júrgende birge ala shyǵady. İshine qymyz, aıran, shubat sýsyndaryn quıady.

İİ top
- Bul múltfılmniń aty? «Aqsaq qulan»
- Hanǵa balasynyń qaıǵyly habaryn ne arqyly jetkizdi?
Jaýaby: Dombyra. Dombyra qazaqtyń bas aspaby.

* Dostar senderdi upaı sandaryńmen quttyqtaımyn.
Kezek 5 – shi aınalymda. 5 aınalym shaǵyn 4 bólimnen turady.
- 5 aınalymnyń 1 bólimi dene shynyqtyrýmen pánimen baılanysady. 5 aınalymnyń 1 bólimi «Senemin, senbeımin» dep atalady. Qoıylǵan suraqqa tek qana senemin, senbeımin dep jaýap beresizder. Sonymen qatar qosymsha suraqqa da jaýap beresizder.
İ top.
1. Qazaqstan London olımpıadasynan 7 altyn medal aldy degenge sensińder me?
- Olaı bolsa attaryn atap berińizder?
Jaýaby:
1. Serik Sapıev
2. Aleksandr Vınokýrov
3. Maıa Maneza
4. Zýlfıa Chınshanlo
5. Ilá Ilın
6. Olga Rybakova
7. Svetlana Podapedova

2. Nazarymyzdy ekranǵa aýdaraıyq. Ekrannan kórsetilgen sportshynyń aty – jóni kim? London olımpıadasynda sporttyń qaı túrinen qatysty?
Jaýaby: S. Sapıev bokstan qatysty.

İİ top.
1. Ilá Ilın 2 dúrkin olımpıada chempıony degenge senesińder me?
London olımpıadasynda sporttyń qaı túrinen qatysty?
Jaýaby: Aýyr atletıka shtang
2. Nazarlarymyzdy ekranǵa aýdaraıyq. Ekrannan kórsetilgen sportshynyń aty-jóni kim? London olımpıadasynda sporttyń qaı túrinen qatysty?
Jaýaby: A. Vınokýrov velosport

- 5 aınalymnyń 2 bólimi ádebıettik oqý pánimen baılanysty.
İ top. Nazarlarymyzdy ekranǵa aýdaraıyq.
... Mende asyl tasty júzik te, sándi kıim de, qymbat tastarmen áshekeılengen beldik te joq. Tek eńbek súıgish eki qolym, qaırat-jigerge toly júregim bar.
- Ekranda bir ertegiden úzindi berilgen. Erteginiń aty qalaı atalady?
- Qandaı ertegi túrine jatady?
Jaýaby: «Baılyq pen aqyl» ertegisi. Shynshyl ertegige jatady.
İİ top.
... Bir kúni oınaıyn dep bardym. Ábish kitap oqyp otyr eken. Tyńdasam, kitabynda jumbaq, maqal, óleń, basqa da jaqsy sózder kóp eken.
- Ekranda bir mátinnen úzindi berilgen. Mátinniń aty qalaı atalady?
- Mátin kim týraly jazylǵan?
Jaýaby: Mátin «Men oqýǵa qalaı bardym?» A. Baıtursynuly
5 aınalymnyń 3 bólimine de kelip jettik. Ol úshin nazarymyzdy ekranǵa aýdaraıyq.
İ top.
... Qalypsyń uıyqtap, qaraǵym,
Qalady-aý seniń sabaǵyń,
Jýyn, júgir mektepke.
Ashasyń kózdi sabaqtan,
Alasyń bilim kitaptan,
Bolasyń adam mektepte. degen óleńniń taqyrybyn jáne qaı avtor jazǵanyn tabamyz.
Jaýaby: Kún shyqqanda. İ. Jansúgirov
İİ top.
... Sizge ǵylym kim berer,
Janbaı jatyp sónseńiz.
Dúnıe de ózi, mal da ózi,
Ǵylymǵa kóńil bólseńiz.
Óziń úshin úırenseń,
Jamandyqtan jırenseń,
Ashylarsyń jylma-jyl... degen óleńniń taqyrybyn jáne qaı avtor jazǵanyn tabamyz.
Jaýaby: «Ǵylym tappaı maqtanba» A. Qunanbaev.

5 aınalymnyń 4 bólimi qosymsha 2 upaıdy «Dostar» stýdıasynyń jasyrǵan ánin tapqan top ıelenedi. « Aıgólek» áni

* Dostar senderdi upaı sandaryńmen quttyqtaımyn. Endeshe sońǵy sheshýshi 6 aınalymǵa da kelip jettik. Munda 4 oıynshyǵa 2 áripten tıesili, qalǵan balalar jaýaptardyń durys ornalasýyna kómektesesińder. 1 mınýt ýaqyt beriledi baqylaýshy hanymnyń Ýaqytty belgisimen bastap, aıaqtaımyz. Meniń qoıǵan 5 suraǵyma áripterdiń kómegimen jaýabyn shyǵarady.
İ top. O-U, T-M, A-Y, R-N
Suraqtar:
1.... ottanda ystyq ( otan )
2. Do, re, mı, fa, sol, lá, sı, do bular? ( nota )
3. «Sadıs» sóziniń qazaqsha balamasy?
4. Synyptaǵy Nurdáýlettiń famılıasy? (Omar )
5. Atadan qalaǵan asyl... ( mura)

İİ top O-A, R-M, P-S, Y-A
Suraqtar:
1. Ushatyn, shaǵatyn, 4 áripti jándik? (masa )
2. A. Vınokýrovtyń ulty? ( orys )
3. Kúnniń túsi? (sary)
4. Snıkers, nats, tvıks,... shokoladtyń túri? ( mars )
5. Dándi-daqyldyń bir túri. bıdaı, kúrish, tary,... (arpa)

- Upaı sandaryn anyqtaý. Jeńiske jetken topty anyqtaý. Madaqtaý, marapattaý.
«Kók tý» ánimen aıaqtaý.