InfoHub Logo

Biz 2020 jyldyq Zhas Project jobasynyń jeńimpazdarymyz. Jastar korpýsyn damytý jobasy – bul jastarǵa arnalǵan biregeı baǵdarlama, onyń sheńberinde jastarǵa óz kásibı jáne kóshbasshylyq daǵdylaryn arttyrýǵa, sondaı-aq jergilikti halyqqa paıda ákeletin óz áleýmettik jobasyn iske asyrýǵa múmkindik usynylady. Jobanyń sheńberinde 14-ten 29 jasqa deıingi jastarǵa (29 jasty qosa alǵanda) áleýmettik jobalaryn iske asyrý úshin 1 mln. teńgege deıin granttar beriledi, sondaı-aq ómirlik mańyzy bar daǵdylarǵa oqytý júrgiziledi. Alǵashqy ýaqytta onlaın sabaqtan alarymyz bolar ma eken? degen qorqynysh bolatyn. Degenmen, qorqynysh pen alańdaýshylyq beker bolypty. Onlaın sabaqtardy ótý barysynda shynynda, kóp aqparatqa qanyq boldyq. Aldymen, komanda men toptyń aıyrmashylyǵy nede, myqty komanda ólshemderi qandaı bolýy kerek, komanda músheleri kimnen turady, jobany basqarý quraldary qandaı, pıchıng degen ne qandaı túrleri bar degen suraqtarǵa naqty málimetter aldyq. Sonymen qosa, aı saıynǵy mentormen kezdesýimiz taǵy bar. Mentor-jas ta bolsa bilikti, erik-jigerli kisi-Abdykalykov Sultanǵazy aǵaı. Ol tek qana joba barysyndaǵy suraqtar men qıyndyqtarǵa kómektesip qana qoımaı, osy bastaǵan istiń óz jalǵasyn taýyp, kásiptiń berekesin kórýge  yqpalyn tıgizýde. Qarjylyq saýattylyq sabaqtaryn da ótip, bilimimizdi sıtýasıalyq suraqtarmen biraz shyńdaı tústi. Jobanyń esebin jazýda, joba materıaldaryn ıgerý barysyndaǵy ártúrli qıyndyqtar kezinde koordınatorymyz Marjan apaımyzdyń kómegi zor. Bundaı jobaǵa birinshi ret qatysyp jatqandyqtan, osynsha qoldaýshylar men jol silter aǵa-apaılarymyz bar da úırenerimiz kóp ekenine taǵy da kózimiz jetti.

Jobamyz «Sen sulý»-ásemdik salonyna negizdelgen. Biz qyzmet etetin maqsatty tobymyz-kóp balaly analar, áleýmettik jaǵdaıy tómen jandar, jumyssyz jastar, qyz-kelinshekter, jetim jetkinshekter jáne jalǵyzbasty analar. Biz osy atalǵan jandarǵa tegin qyzmet kórsetip , 1 kúnderi bolsyn náziktikke toly, qýanyshty ótkenin qalaımyz. Sonymen qatar, jastardy ózimiz biletin qyzmetke úıretip , adal nanyn tabýǵa kásipke úıretýge tyrysamyz.

Osyndaı keremet múmkindikti jastarǵa usynǵan Jas proekt jastardyń baǵdarshamy deýge bolady. Jobany usynǵan QR Bilim jáne ǵylym mınıstrligi men Dúnıejúzilik bankke rahmet! Armanda! Maqsat qoı! İske asyr!

Jansakova Tolǵanaı Maratqyzy
Zhas Project jobasynyń jeńimpazy

---