2025 جىلعا دەيىن مەملەكەتتىك ءبىلىم گرانتتارىنىڭ سانى 50 پايىزعا ارتادى
2025 جىلعا دەيىن مەملەكەتتىك ءبىلىم گرانتتارىنىڭ سانى 50 پايىزعا ارتادى. بۇل جايىندا ءماجىلىس دەپۋتاتتارىنىڭ ساۋالىنا پرەمەر-مينيستردىڭ ورىنباسارى – ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆانىڭ جاۋابىندا ايتىلعان.
«جوعارى بىلىمگە كەڭ قولجەتىمدىلىكتى قامتاماسىز ەتۋ ءۇشىن ءبىرقاتار شارالار قابىلدانۋدا. اتاپ ايتقاندا، 2019 جىلدان باستاپ ۇلتتىق ءبىرىڭعاي تەستىلەۋ جىلىنا 4 رەت وتكىزىلەدى. سونداي-اق شەكتى بالل جيناماعان تالاپكەرلەر جوو-عا شارتتى تۇردە اقىلى نەگىزدە قابىلدانىپ، ۇبت-نى ءبىرىنشى كۋرس وقىپ ءجۇرىپ، قايتا تاپسىرا الادى. سونىمەن قاتار جىل سايىن جوعارى ءبىلىمى بار كادرلاردى دايارلاۋعا مەملەكەتتىك تاپسىرىس كولەمى (2019 جىلى – 50 901، 2020 جىلى – 51 071، 2021 جىلى – 56 561 گرانت، 2022 جانە 2023 جىلى – 73 061 گرانت) ۇلعايادى. سوڭعى بەس جىلدا باكالاۆرياتقا مەملەكەتتىك تاپسىرىس كولەمى 31 پايىزعا ءوستى. 2025 جىلعا دەيىن گرانتتاردىڭ سانى 50 پايىزعا ارتادى. ناتيجەسىندە كەمىندە 75 مىڭ جاس قازاقستاندىقتار مەملەكەتتىك قولداۋعا يە بولادى»، - دەلىنگەن تامارا دۇيسەنوۆانىڭ جاۋابىندا.
وسى ورايدا مينيستر جوعارى ءبىلىم بەرۋ جۇيەسىنىڭ نەگىزگى مىندەتى ەكونوميكا سالالارىن يننوۆاسيالىق دامىتۋ ءۇشىن جوعارى بىلىكتى ماماندار دايارلاۋ ەكەندىگىنە نازار اۋدارتادى.
جوعارى وقۋ ورىندارى جۇمىسىنىڭ ساپاسى تۇلەكتەردىڭ نارىقتاعى باسەكەگە قابىلەتتىلىگىمەن ولشەنەدى. ول ءۇشىن تالاپكەرلەردى ساپالى ىرىكتەۋ قاجەت. بىلىكتى مامانداردى دايارلاۋ ءۇشىن تالاپكەرلەردەن بەلگىلى ءبىر بىلىكتىلىك دەڭگەيى (داعدىلار مەن قابىلەتتەر) تالاپ ەتىلەتىندىكتەن جوعارى وقۋ ورىندارىنا قابىلداۋدىڭ قولدانىستاعى ۇبت مەحانيزمى ساپالى ىرىكتەۋدى قامتاماسىز ەتەدى»، - دەدى ول.
سونىمەن قاتار تامارا دۇيسەنوۆا كونكۋرستان كەيىن قالعان بوس ءبىلىم بەرۋ گرانتتارى ۇبت ناتيجەلەرى بويىنشا بالدارى جوعارى تالاپكەرلەر اراسىندا قايتا بولىنەتىندىگىن اتاپ وتەدى.
You Might Also Like
-
1-سىنىپقا قۇجاتتاردى 1 ساۋىردەن 1 تامىزعا دەيىن عانا قابىلداۋ نورماسى جويىلماق. بۇل جايىندا ءماجىلىس دەپۋتاتتارىنىڭ ساۋالىنا وقۋ-اعارتۋ ۆيسە-مينيسترى ەدىل وسپانوۆتىڭ جاۋابىندا ايتىلعان.
