16 جەلتوقسان تاۋەلسىزدىك كۇنى. تاۋەلسىزدىگىم — تۇمارىم!
1991 جىلى كسرو ىدىراپ، وداقتىڭ قۇرامىنداعى ەلدەر ءوز الدارىنا جەكە مەملەكەت بولىپ جاتتى. سولاردىڭ قاتارىندا قازاقستان دا بولدى. 1991 جىلى 16-جەلتوقساندا قازاقستاننىڭ جوعارعى كەڭەسى “تاۋەلسىزدىك پەن مەملەكەتتىڭ ەگەمەندىگى تۋرالى” زاڭدى قابىلدادى. ەسكەرەتىنى، قازاقستان كسرو قۇرامىنداعى ەلدەردىڭ اراسىندا ەڭ سوڭعىسى بولىپ تاۋەلسىزدىگى تۋرالى زاڭدى قابىلدادى. بۇل زاڭ 1990 جىلى 25-قازاندا قابىلدانعان قازاقستاننىڭ ەگەمەندىگى تۋرالى دەكلاراسيامەن بىرگە قازاق ەلىنىڭ ەلدىگىن نىعايتا ءتۇستى.
ق ر سىرتقى ىستەر مينيسترلىگىندە تىركەلگەن ديپلوماتيالىق قۇجاتتاردا تۇركيانىڭ قازاقستان تاۋەلسىزدىگىن رەسمي تۇردە مويىندايتىن پروتوكولعا 1992 جىلدىڭ 2-ناۋرىزى كۇنى قول قويعاندىعى كورسەتىلگەن. العاشقى كۇندەرى الەمنىڭ سالماقتى ەلدەرى مويىنداپ، كەيىننەن باسقا دا ەلدەر مويىنداپ جاتتى. وسىلايشا الەمدىك ساياسات ارەناسىندا قازاقستان دەگەن مەملەكەت ءتاي-تاي باستى. نەبارى بىرنەشە اپتانىڭ ىشىندە الەمنىڭ كوپتەگەن بەدەلدى ەلدەرى قازاق ەلىنىڭ تاۋەلسىزدىگىن مويىنداپ، ديپلوماتيالىق قاتىناستار باستالدى.
تاۋەلسىزدىگىم
تۇعىرى بيىك تامىلجىپ تاڭىم،موينىما تۇمار تاقتى كۇن،
اللاعا شۇكىر قۋانىشى،حالقىم،بىزدەرگە قايعى جات بۇگىن.
شۋاعىن شاشىپ،شىرايلى شاتپەن جاقۇتتاي جانىپ اتسا تاڭ،
اياۋلى اسىل انالار ايتقان الديمەن تەربەپ باتتى كۇن.
تاۋەلسىز،ەي، تاڭ ءوزىڭسىڭ مەنىڭ شاشىلعان شۇعىلام،شىنارىم،
تىلەگىم- تايماس عالامنىڭ بەتى بولسىنشى ماڭگى تۇراعىڭ.
اسپانىم اشىق،جۇرەگىم تاسىپ،ماقتانىپ ايتام بۇگىن مەن،
حالقىما قونعان باقىتتىڭ قۇسى-تاۋەلسىزدىگىم تۇمارىم.
ارايلى اق تاڭ شيپاسىن جاننىڭ تەك قانا ءوزىڭ،سەن ماعان،
سەزىنەمىسىڭ عالامدا شارلاپ تاپپادىم باقىت تەڭ ساعان.
ءتاتتى ءۇمىت سىيلاپ تاعدىرعا تىلسىم تاۋەلسىز مەنىڭ تاڭدارىم،
ءوزىڭسىڭ-باقىت،سوندىقتان جانىم،رياسىز سەنمە مەن ساعان.
كۋشەربايەۆا حيۋا
You Might Also Like
-
ايىر قالپاق — اسا قىمبات ماتامەن تىستالىپ، ىشىنە جۇقا كيىز نەمەسە قالىڭ ماتا سالىنىپ، سىرىلىپ تىگىلەتىن ەر ادامداردىڭ باس كيىمى. سىرتىنا وسىمدىك تەكتەس ورنەك سالىنىپ، التىن جىپپەن زەرلەنەدى. ...
-
بۇگىنگى تاڭدا الەم كوز ىلەسپەس جىلدامدىقپەن وزگەرىپ جاتىر. الەمنىڭ باعىتى، بولاشاعى بۇلىڭعىر بولىپ تۇرعان ساتتە، ەلباسى ن. ءا. نازاربايەۆتىڭ «بولاشاققا باعدار: رۋحاني جاڭعىرۋ» اتتى باعدار...
