2017 جىلدان وقۋشىلار مەكتەپتە ءجۇرىپ كولىك جۇرگىزۋدى ۇيرەنەدى
2017 جىلدان باستاپ مەكتەپ وقۋشىلارى العاشقى اسكەري-تەحنيكالىق دايىندىق اياسىندا كولىك جۇرگىزۋدىڭ قىر-سىرىن مەڭگەرەتىن بولادى. بۇل تۋرالى ق ر پارلامەنتى سەناتىنىڭ دەپۋتاتتارىمەن كەزدەسۋ بارىسىندا ق ر ءبىلىم جانە عىلى ءمينيسترى ەرلان ساعادييەۆ ءمالىم ەتتى.
«ءبىز بارلىعى ءۇشىن 9-11 سىنىپتاردا العاشقى اسكەري دايىندىقتا اۆتوكولىك سالاسىن وقىتۋدى ەنگىزۋ شەشىمىنە كەلدىك. بۇل ءوز كەزەگىندە جولداردا اپاتتى ازايتادى. وسى ورايدا ماسەلەنى قورعانىس مينيسترلىگىمەن قاراستىردىق. قازىرگى كەزدە، ياعني بيىلدان «العاشقى اسكەري دايىندىق» ەمەس، «العاشقى اسكەري-تەحنيكالىق دايىندىق» (ءااتد) دەپ اتالادى. 2017 جىلدان باستاپ بۇل پاندە جۇرگىزۋشى كۋالىگىن الۋعا اۆتوكولىك ءىسى بويىنشا ساعاتتار قامتىلعان. بالا ءااتد-نى وقىعاننان كەيىن ەمتيحان تاپسىراتىندىعى تۋرالى انىقتامانى الادى. بۇدان كەيىن جۇرگىزۋشى كۋالىگىن الۋ ءۇشىن 18 جاسقا تولۋىن كۇتەدى»،-دەدى ە. ساعادييەۆ.
ونىڭ سوزىنە قاراعاندا، ق ر بعم مۇعالىمدەردى دايارلاۋ مىندەتىن وزىنە الىپ وتىر. ەندى العاشقى اسكەري-تەحنيكالىق دايىندىق اياسىندا اۆتوكولىك ىسىنە ءبىر كۇندى بولۋگە بولادى. وقۋشىلار كولىك باسقارۋدى ۇيرەنۋى ءۇشىن ارنايى پوليگونعا شىعادى.
You Might Also Like
-
2018 جىلى ۇلتتىق بiرىڭعاي تەستiلەۋ بويىنشا شەكتi بالل جوعارىلاۋى مۇمكiن. بۇل تۋرالى بۇگiن سەنات دەپۋتاتتارىمەن ءوتiپ جاتقان كەزدەسۋ بارىسىندا ق ر بiلiم جانە عىلىم مينيسترi ەرلان ساعادييەۆ ايتتى.
-
ءبىلىم جانە عىلىم مينيسترلىگى ءۇش جىلدا 100 ملن دوللار حالىقارالىق گرانت بولۋگە نيەتتى.
