2017 جىلدان مەكتەپكە دەيىنگى دايارلىق سىنىپتارى جاڭارتىلعان باعدارلاما بويىنشا وقىتىلادى
2017 جىلدان باستاپ مەكتەپكە دەيىنگى دايارلىق سىنىبىندا جاڭارتىلعان باعدارلاما بويىنشا وقىتۋ قاناتقاقتى رەجىمدە ەنگىزىلەدى. بۇل تۋرالى ق ر پارلامەنتى سەناتىنىڭ دەپۋتاتتارىمەن كەزدەسۋ بارىسىندا ق ر ءبىلىم جانە عىلىم ءمينيسترى ەرلان ساعادييەۆ ءمالىم ەتتى.
ونىڭ سوزىنە قاراعاندا، زەرتتەۋلەر بالالاردىڭ ءبىلىم بەرۋ دەڭگەيىن تەڭەستىرۋ نەعۇرلىم ەرتە باستاۋ ءتيىمدى ەكەنىن كورسەتىپ وتىر. سوندىقتان دا بارلىق دامىعان ەلدەر بۇل ءۇردىستى ەرتە باستايدى.
«مەكتەپكە دەيىنگى دايارلىق سىنىبىن بىزدە 2019 جىلى ەنگىزۋ جوسپارلانعان ەدى. الايدا، قازىرگى كەزدە اتا-انالار مەن مۇعالىمدەردىڭ ۇسىنىستارىن ەسكەرە وتىرىپ، ونى ەرتەرەك، ياعني 2017 جىلدان باستاپ قاناتقاقتى رەجىمدە ەنگىزۋدى كوزدەدىك. ارى قاراي ونىڭ ەنگىزىلۋى بارىسىن بايقاپ وتىرامىز»،-دەدى ە. ساعادييەۆ 12 جىلدىق مەكتەپ بىلىمىنە اۋىسۋ بويىنشا جوسپارلاردى بايانداعان كەزدە.
ونىڭ سوزىنە قاراعاندا، مەكتەپكە دەيىنگى دايارلىق سىنىبىندا كۇنىنە 20-35 مينۋتتان 3-4 ساباق وتەدى. وسى سىنىپقا 5 جاستان قابىلداۋ باستالادى. مەكتەپكە دەيىنگى دايارلىق سىنىبىن مەكتەپتە جانە بالاباقشادا دا وتۋگە بولادى. سونداي-اق مينيستر 5 جاستان باستاپ الىپپە مىندەتتى تۇردە وقىتىلاتىنىن اتاپ ءوتتى.
You Might Also Like
-
ءبىلىم جانە عىلىم مينيسترلىگى وقۋشى سانى از مەكتەپتەر ءۇشىن بىرنەشە ءپان بويىنشا ءبىلىمى بار ۇستازدار دايارلاماق. بۇل تۋرالى بۇگىن ق ر پارلامەنت سەناتىنىڭ دەپۋتاتتارىمەن كەزدەسكەن ءبىلىم جانە عىلىم مينيست...
-
قازاقستاننىڭ ستاندارتيزاسيا ينستيتۋتى باس ديرەكتورىنىڭ ءبىرىنشى ورىنباسارى ەركەجان ءامىرxانوۆانىڭ ايتۋىنشا، بۇگىندە قازاقستاندا مەكتەپ فورماسى بويىنشا ناقتى ءبىر ستاندارتتار جوق. سول سەبەپتى جاڭا ستان...
