ءبىرقاتار جوو گرانت الماعان «التىن بەلگى» يەگەرلەرىن ءوز قاراجاتىمەن وقىتپاق
ق ر ءبىلىم جانە عىلىم مينيسترلىگى جوعارى وقۋ ورىندارىندا مەملەكەتتىك ءبىلىم گرانتتارىن الا الماي قالعان 45 «التىن بەلگى» يەگەرىن تەگىن وقىتۋ مۇمكىندىكتەرىن تالقىلادى.
بۇل يگى باستامانى ونشاقتى قازاقستاندىق جوو رەكتورلارى قولداپ، ولاردىڭ بولگەلى وتىرعان گرانتتىق ورىندار سانى دا بەلگىلى بولدى.
«ءال-فارابي اتىنداعى قازاق ۇلتتىق ۋنيۆەرسيتەتى - 10، تۇران ۋنيۆەرسيتەتى - 10، ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتى - 1، قازاق مەملەكەتتىك زاڭ ۋنيۆەرسيتەتى - 15، حالىق شارۋاشىلىعى ۋنيۆەرسيتەتى - 3، س. دەميرەل اتىنداعى ۋنيۆەرسيتەت - 2، ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتى - 1، الماتى مەنەدجمەنت ۋنيۆەرسيتەتى - 1، سونداي-اق م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى 2 ورىن قامتىپ وتىر. ق ر ءبىلىم جانە عىلىم مينيسترلىگى جوعارى وقۋ ورىندارىنىڭ مۇنداي باستامانى قولداپ، قوعامعا، جۇمىس بەرۋشىلەر مەن تۇلەكتەرگە كورسەتكەن الەۋمەتتىك جاۋاپكەرشىلىك ۇلگىسى ءۇشىن العىسىن بىلدىرەدى»،-دەلىنگەن ق ر بعم مالىمەتىندە.
ويتكەنى، ۇزدىك وقىپ، ۇبت بارىسىندا «التىن بەلگىگە» لايىق جوعارى ءبىلىم دەڭگەيىن راستاعان مەكتەپ تۇلەكتەرى وقۋلارىن تەگىن جالعاستىرۋ مۇمكىندىگىنەن ايىرىلۋى مۇمكىن ەدى. ونداي جاعداي «التىن بەلگى» يەلەرىنىڭ باسەكەلەستىك دەڭگەيى جوعارى، ءارى مەملەكەتتىك تاپسىرىسى از بولىنەتىن ماماندىقتاردى تاڭداۋلارىنان تۋىنداپ وتىر. وسىلايشا، بيىل مەملەكەتتىك ءبىلىم گرانتتارىن الا الماي قالعان 45 «التىن بەلگى» يەگەرىنىڭ 19-ى ەكونوميكالىق، 8ء-ى - حالىقارالىق قاتىناستار، 14ء-ى - زاڭگەرلىك، 4ء-ى - اۋدارماشىلىق ماماندىقتارىن تاڭداعان.
اتاپ ايتقاندا، ەلىمىزدە مەملەكەتتىك ءبىلىم گرانتتارىنىڭ نەگىزگى بولىگى ەڭبەك نارىعىندا سۇرانىسى جوعارى، ەل ەكونوميكاسىنا اسا قاجەتتى تەحنيكالىق جانە تەحنولوگيالىق ماماندىقتارعا ءبولىنىپ وتىر.
بۇدان بۇرىن حابارلاعانداي، ءبىلىم بەرۋ گرانتتارىن بەرۋ جونىندەگى رەسپۋبليكالىق كونكۋرستىق كوميسسياسى جۇمىسىنىڭ الدىن الا قورىتىندىلارى بويىنشا «التىن بەلگى» مەدال يەگەرلەرىنىڭ ءبىرشاماسى مەملەكەتتىك گرانت ەسەبىنەن ءبىلىم الا المايتىندىقتارى بەلگىلى بولدى. بيىل 2059 «التىن بەلگى» يەگەرى وقۋىن ەلىمىزدىڭ جوو-دا جالعاستىرۋعا نيەت ءبىلدىردى. الايدا، ولاردىڭ كەيبىرى باسەكەلەستىك دەڭگەيى جوعارى قارجى-ەكونوميكالىق نەمەسە الەۋمەتتىك-گۋمانيتارلىق باعىتتاعى ماماندىقتاردى تاڭداعان. ولاردىڭ باسىم بولىگى ەلىمىزدە سوڭعى جىلدارى يندۋستريالىق-يننوۆاسيالىق دامۋ باسىمدىقتارىنا كوپ كوڭىل ءبولىنىپ جاتقانىن ەسكەرمەي كەلەدى. بيىل دا مەملەكەتتىك گرانتتاردىڭ كوبى اتالعان باسىمدىقتاردى جۇزەگە اسىرۋعا، ياعني ەڭبەك نارىعىنىڭ قاجەتتىلىكتەرىنە باعىتتالىپ وتىر.
You Might Also Like
-
الداعى جىلدان باستاپ ورىس تىلىندە وقىتاتىن مەكتەپتەردە قازاق ءتىلىن مەڭگەرۋدىڭ جاڭا ادىستەمەسى ەنگىزىلەدى. بۇل تۋرالى بۇگىن استانادا قازاقستان ءبىلىم سالاسى قىزمەتكەرلەرىنىڭ رەسپۋبليكالىق تامىز كەڭەس...
