InfoHub Logo

2017 جىلى استانادا يىۇ عىلىم جانە تەحنولوگيا ءسامميتى وتەدى. بۇل تۋرالى بۇگىن يننوۆاسيا، تەحنولوگيا جانە ءبىلىم ماسەلەلەرى جونىندەگى استانا پارلامەنتارالىق فورۋمىندا ق ر پارلامەنتى ءماجىلىسىنىڭ ءتوراعاسى نۇرلان نىعماتۋلين ءمالىم ەتتى.

«ءبىزدىڭ ەلىمىز جاڭا تەحنولوگيالار مەن يننوۆاسيالىق عىلىمدى دامىتۋ جولىندا ءارقاشاندا الەم ەلدەرىمەن بىرىگىپ جۇمىس ىستەۋگە دايىن. وسى ورايدا ەلباسىمىزدىڭ يسلام ىنتىماقتاستىق ۇيىمىنىڭ عىلىم جانە تەحنولوگيا بويىنشا ءسامميتىن كەلەسى جىلى استانا قالاسىندا وتكىزۋ تۋرالى  ۇسىنىسىنىڭ ماڭىزدىلىعى وتە زور.  بۇل سامميت ەلدەر اراسىنداعى بايلانىستى نىعايتىپ، عىلىم جانە يننوۆاسيانىڭ دامۋىنا جاڭا سەرپىن بەرەتىنى، ارينە، ءسوزسىز. وسى جولدا يسلام الەمىمەن ەكونوميكالىق دامۋ، عىلىم مەن تەحنولوگيانى كۇشەيتۋ، حالىقتىڭ الەۋمەتتىك جاعدايىن كوتەرۋ سالالارىندا ناقتى جوبالاردى  جۇزەگە اسىرۋعا ەرەكشە نازار اۋدارۋ قاجەت دەپ ەسەپتەيمىز»،- دەدى ن.نىعماتۋلين.

سونىمەن قاتار ول قازىرگى ۋاقىتتا ەلىمىزدە پرەزيدەنتىمىزدىڭ «5 ينستيتۋتتىق رەفورماسىن جۇزەگە اسىرۋدىڭ 100 ناقتى قادامى» ۇلت جوسپارى جۇزەگە اسىرىلىپ جاتقاندىعىن، اتالعان جوسپاردا ەلدىڭ يننوۆاسيا ساياساتى ەكونوميكالىق دامۋدىڭ، باسەكەلەستىككە قابىلەتتى قوعام قۇرۋدىڭ نەگىزگى باعىتى بولىپ تابىلاتىندىعىن باسا ايتتى.

«بۇل جولدا ءبىزدىڭ ەلىمىز يندۋستريالدى-يننوۆاسيالىق دامۋ بويىنشا العاشقى 5 جىلدىقتى تابىستى ورىندادى. قازىرگى ۋاقىتتا بۇل باعدارلامانىڭ 2ء-شى كەزەڭى ءتيىمدى جۇرگىزىلۋدە. ال ونىڭ بارلىعىن زاڭ جاعىنان قامتاماسىز ەتۋدە ق ر پارلامەنتىنىڭ قوسىپ جاتقان ۇلەسى زور. مىسالى، «يننوۆاسيالاردى ىنتالاندىرۋ جۇمىستارى، يندۋستريالدى-يننوۆاسيالىق قىزمەتتى مەملەكەتتىك قولداۋ تۋرالى» زاڭ، وعان ىلەسپە 15 زاڭ جانە باسقا دا كوپتەگەن زاڭعا تاۋەلدى اكتىلەر بەكىتىلگەن بولاتىن. سونىمەن بىرگە عىلىم سالاسىنداعى ماڭىزدى رەفورمالاردى ىسكە اسىرۋ جولىندا دا ءبىزدىڭ دەپۋتاتتار «عىلىم تۋرالى» جانە «عىلىمي قىزمەت ناتيجەلەرىن كوممەرسيالاندىرۋ تۋرالى» زاڭداردى قابىلدادى»، - دەدى ول.

ءماجىلىس سپيكەرىنىڭ پايىمىنشا، مۇنىڭ  بارلىعى وتاندىق عىلىمي باسقارۋ جۇيەسىن جاڭا بيىكتەرگە كوتەرەتىن بولادى.

«بۇل باعىتتا نازاربايەۆ ۋنيۆەرسيتەتى حالىقارالىق وقۋ ورنى مەن يننوۆاسيالىق-تەحنولوگيالىق پاركىندە زامانعا ساي يننوۆاسيالىق كلاستەردى قالىپتاستىرۋ بويىنشا اۋقىمدى جۇمىستار اتقارىلۋدا. سونىمەن بىرگە «بولاشاق» حالىقارالىق پرەزيدەنتتىك ستيپەندياسى دا وسى سالادا ساپالى مامانداردى دايىنداۋعا ىقپال ەتەدى. وسىنىڭ بارلىعى بۇگىنگى كۇنى ەكونوميكا، مادەنيەت، ءبىلىم جانە عىلىم سياقتى كوپتەگەن  سالالاردا ۇلكەن ناتيجەلەرگە قول جەتكىزۋگە زور مۇمكىندىك بەرىپ كەلەدى»، - دەدى ن.نىعماتۋلين.

---