نەگە كوپتەگەن ادامدار ەش ۋاقىتتا جەتتىستىككە جەتە المايدى؟
جەتىستىك بايلىقپەن بايلانىستى ەمەس. ءوز ومىرىنە كوڭىلى تولمايتىن باي ادامدار كوپ. تابىستى بولۋ – دەمەك ءاردايىم دامۋ، ءومىرىمىزدى، كۇندەلىكتى ىستەرىمىزدى، جۇمىسىمىزدى جانە وزگەلەرمەن قارىم-قاتىناسىمىزدى جەتىلدىرۋ.
دجيم رون (Jim Rohn) امەريكالىق بيزنەس-ترەنەر جانە ءوز-وزىڭدى دامىتۋ كىتاپتارىنىڭ اۆتورى.
كوپتەگەن ادامنىڭ تابىسقا جەتە الماۋىنىڭ ءبىر سەبەبى – بار ۋاقىتىن ۇساق-تۇيەككە ارنايدى.
ءبىز كەرىسىنشە، ۋاقىتىمىزدى ءومىرىمىزدىڭ نەگىزگى بولىگىن (رۋحاني، الەۋمەتتىك، قارجىلىق، فيزيكالىق) تەڭەستىرۋگە ارناپ، باسقاسىنان باس تارتۋىمىز كەرەك.
دامي تۇسكەن سايىن، ءومىرىمىزدىڭ كوپتەگەن بولىگىندە وزگەرىستەر كەرەك ەكەنىن اڭعارامىز.
اقشانى پايداسىز زاتتار مەن كوڭىل كوتەرۋگە جۇمساۋدى دوعارۋ قاجەت. ونىڭ ورنىنا ءوز ءبىلىمىڭ مەن بولاشاعىڭا ينۆەستيسيا قۇيۋدى ادەتكە اينالدىرۋ كەرەك.
جەتىستىككە جەتكەن سايىن، قىزمەتىمىز دە جيناقتالعان جانە ساپالى بولا تۇسپەك. بۇل مىنسىزدىككە ۇمتىلۋ دەگەندى بىلدىرمەيدى. جانە باس الماي جۇمىس ىستەۋ كەرەك دەگەننەن دە اۋلاقپىز. شىن مانىندە ناعىز تابىستىڭ قۇپياسى – ءاردايىم شىعارماشىلىق دەمالىس الىپ وتىرۋ.
ءومىرىمىزدىڭ ءار سالاسى بارلىق سالاعا اسەر ەتەدى
«ءبىر زاتتى قالاي ىستەسەڭ، باسقا زاتتاردى دا سولاي ىستەيسىڭ» دەپ بەكەر ايتپايدى. بۇل جوعارى دەڭگەيلى وي-تولعاۋ. ومىرىندەگى بارلىق ارتىق زاتتان ارىلعاندار ءدال وسىلاي ويلايدى.
وسى ءپرينيسيپتى ۇستانۋ ءۇشىن ءبىز كۇندەلىكتى نەنى جوعارى باعالايمىز، سونىمەن اينالىسۋىمىز كەرەك. تەك سوندا عانا ءبىز سانالى ءومىر سۇرەمىز. تەك سوندا عانا ءبىز دەگەنىمىزگە جەتەمىز.
بۇل ءپرينيسيپتىڭ ومىرىمىزدە ورىن الۋىنا كوپ ۋاقىت قانا ەمەس، كوپ كۇش قاجەت. قىزىقتى، ءبىراق پايداسى جوق دۇنيەلەردەن باس تارتۋ قيىن. زياندى ادەتتەردەن باس تارتۋ قيىن. ومىرگە كوزقاراسىڭدى وزگەرتۋ ءۇشىن باتىلدىق كەرەك. ال ۇيرەنشىكتى وي-ساناعا ورالۋ وتە وڭاي.
ءبىراق، كۇننەن كۇنگە ءوز قۇندىلىقتارىڭىزعا ساي ءومىر ءسۇرۋدى ۇيرەنسەڭىز، تاڭعاجايىپ زاتتار ورىن الا باستايدى. ءسىز باقىتتى بولا تۇسكەنىڭىزدى اڭعاراسىز. جاقىن ادامدارىڭىزعا كوبىرەك ۋاقىت بولە باستايسىز. جاڭا ارماندار مەن ماقساتتار پايدا بولادى. قيىندىقتاردى وتكەرۋ دە جەڭىلدەي تۇسپەك.
قورىتىندى
تاعى ءبىر رەت دجيم روننىڭ سوزدەرىن ەسكە تۇسىرەيىك: «كوپ ادامنىڭ تابىسقا جەتە الماۋىنىڭ سەبەبى، ولار ۋاقىتىن ۇساق-تۇيەككە جۇمسايدى».
كوپتەگەن ادام ءوزىن-وزى دامىتپايتىندىقتان، وسپەيتىندىكتەن تابىسقا جەتپەيدى. ءبىراق ءبىر باستاساڭىز، كۇن سايىن ماقساتىڭىزعا ءبىر تابان جاقىنداي تۇسەسىز. بولاشاقتا كىم بولۋدى ارمانداساڭىز، سول بولاسىز. بۇدان كەيىن ءسىزدى ەشكىم توقتاتا المايدى.
وقۋعا كەڭەس بەرەمىز:
مىندەتتەردى قالاي جەڭىلدەتۋگە بولادى؟
7 پايداسىز ارەكەتتەن باس تارتىپ، ءومىرىڭدى وزگەرت
ءومىرىڭىزدى قۇر وتكىزىپ جاتقانىڭىزدىڭ 13 بەلگىسى
جالقاۋلىقتى جەڭۋدىڭ ەڭ جاقسى ءادىسى
ءسىز نەگە ءالى كۇنگە دەيىن باي ەمەسسىز: 7 سەبەبى
كايدزەن
You Might Also Like
-
«ويناي بىلمەگەن بالا، ويلاي دا بىلمەيدى،
-
ءبىلىم سالاسىندا بارلىق ماسەلەلەردى شەشۋگە قاۋقارلىمىز. بۇگىن استانادا «ۇزدىك پەداگوگ» رەسپۋبليكالىق بايقاۋىنىڭ جەڭىمپازدارىن قۇتتىقتاۋ سالتاناتتى جيىنىندا ق ر پارلامەنتى سەناتىنىڭ ...
