InfoHub Logo

2018 جىلدان باستاپ قازاقستاندا جىلىنا كەمىندە 50 مەكتەپ سالۋ كەرەك. بۇل تۋرالى بۇگىن ق ر ۇكىمەتى وتىرىسىندا ەلىمىزدىڭ ءبىلىم جانە عىلىم ءمينيسترى ەرلان ساعادييەۆ ايتتى.

«قازاقستاندا 2015 جىلعى 1 قازانداعى مالىمەتتەر بويىنشا 156 اپاتتى جانە  ءۇشاۋىسىمدى مەكتەپ بولعان.  ولاردى جويۋ 2018 جىلدىڭ اياعىنا جوسپارلانىپ وتىر. كوبىسى الماتى  جانە وڭتۇستىك قازاقستان وبلىستارىندا. ەندى، 2015 جىلى 6 مەكتەپ سالىنسا، بيىل 51 مەكتەپ سالىنىپ وتىر. كەلەسى، 2017  جىلى 99 مەكتەپ سالىنىپ، اشىلادى. جىل سايىن وقۋشىلاردىڭ سانىنىڭ ءوسۋى مەن ۋربانيزاسيا ۇدەرىستەرى ءجۇرىپ جاتىر. ءارى قاراي قالالاردا مەكتەپتەردى سالۋ كەرەك دە ەسەپتەيمىز»،- دەدى مينيستر.

ونىڭ اتاپ وتۋىنشە، مينيسترلىك مەكتەپ تاپشى وڭىرلەردىڭ ارنايى كارتاسىن ازىرلەگەن. اتالعان قۇجاتقا سايكەس 2018 جىلدان باستاپ جىل سايىن كەمىندە 50 مەكتەپ سالۋ قاجەت بولماق.

«مينيسترلىك بيۋدجەت قاراجاتىن يگەرۋ بويىنشا اي سايىن مونيتورينگ جۇرگىزىپ وتىرادى. اعىمداعى جىلدىڭ 8 ايىنىڭ ناتيجەسىندە جەرگىلىكتى اتقارۋشى ورگاندار شارتتاردىڭ كەش جاسالۋىنا، سوت ىستەرىنە بايلانىستى 3 ملرد. تەڭگەنى يگەرمەگەن. وسى مونيتورينگكە سايكەس 5 ميلليونعا جۋىق قارجىنى  استانا، الماتى قالالارى، شىعىس قازاقستان، وڭتۇستىك قازاقستان، قاراعاندى وبلىستارى  ءوز ۋاقىتىندا جۇمساي الماي وتىر»، - دەدى ە.ساعادييەۆ.

---