ساعادييەۆ 2017 جىلى ەنگىزىلەتىن ۇبت جاڭالىقتارىن ءتۇسىندىردى
بۇگىن ۇكىمەت وتىرىسىنان كەيىنگى بريفينگتە ق ر ءبىلىم جانە عىلىم ءمينيسترى ەرلان ساعادييەۆ 2017 جىلى ۇلتتىق ءبىرىڭعاي تەستىلەۋگە ەنگىزىلەتىن جاڭالىقتاردى ءتۇسىندىرىپ بەردى.
«ءقازىر ۇبت بويىنشا تۇپكىلىكتى جوبا ءالى جوق. ول پەداگوگيكالىق قوعامداستىق تالقىلاۋىنا ۇسىنىلادى. جالپى، جوبا تالقىلاۋعا دايىن تۇر. ول مەكتەپتەردە بىرنەشە پاننەن تۇلەكتەردىڭ ەمتيحان تاپسىرۋىنا قاراستىرادى. ال ۇبت جالعىز عانا، سۇراقتار قۇرىلىمى وزگەرىسكە ۇشىرايدى»، - دەدى ول.
ونىڭ ناقتىلاي تۇسۋىنشە، جوبادا 100-دەن استام سۇراقتىڭ بولۋى كوزدەلگەن.
«ونىڭ 60 سۇراعى ماتەماتيكاعا، جىلدام وقۋعا، تۇسىنۋگە قاتىستى بولادى. ول بارلىعىنا دا بىردەي. تالاپكەردىڭ بولاشاقتا تاڭدايتىن ماماندىعىنا قاتىسى بار 60 سۇراق 30 سۇراقتان 2 بلوگقا بولىنگەن. ەگەر شارتتى تۇردە ايتار بولساق، تۇلەك مەديسيناعا تۇسەتىن بولسا، وندا ول 60 ستاندارتتى سۇراققا جاۋاپ بەرەدى. ونىڭ 30 سۇراعى بيولوگياعا، ال كەلەسى 30-ى حيمياعا قاتىستى. ۇپاي جينايدى. قالعان پروسەدۋرا ايتارلىقتاي وزگەرىسسىز قالادى»،- دەدى ە.ساعادييەۆ.
ونىڭ سوزىنە قاراعاندا، بۇل جوبا قازىگى ۋاقىتتا تولىقتاي دايىن جانە پەداگوگيكالىق قوعامداستىقتىڭ شاعىن بولىگىنە تالقىلاۋعا بەرىلگەن.
«تالقىلانعاننان كەيىن ءبىز جوبانى ق ر بعم سايتىندا جاريالاپ، پىكىر قابىلداي باستايمىز»، - دەدى مينيستر.
You Might Also Like
-
ءبىلىم سالاسىندا بارلىق ماسەلەلەردى شەشۋگە قاۋقارلىمىز. بۇگىن استانادا «ۇزدىك پەداگوگ» رەسپۋبليكالىق بايقاۋىنىڭ جەڭىمپازدارىن قۇتتىقتاۋ سالتاناتتى جيىنىندا ق ر پارلامەنتى سەناتىنىڭ ...
-
بۇگىن ۇكىمەت وتىرىسىندا پرەمەر-مينيستر باقىتجان ساعىنتايەۆ اتىراۋ وبلىسىنىڭ اكىمى نۇرلان نوعايەۆقا وڭىردەگى بالاباقشا قۇرىلىستارى بارىسىن جەكە باقىلاۋعا الۋدى تاپسىردى.
