2019 جىلى ءۇشتىلدى ءبىلىم بەرۋ جۇيەسى بىردەن ەنگىزىلمەيدى
2019 جىلى ءۇشتىلدى ءبىلىم بەرۋ جۇيەسى بىردەن ەنگىزىلمەيدى. وعان دەيىن بارلىق وقۋ-ادىستەمەلىك بازا ازىرلەنىپ، مەكتەپ مۇعالىمدەرى ءتىل كۋرستارىنان ءوتۋى ءتيىس. ءسويتىپ، جاڭا جۇيە بىرتىندەپ ەنگىزىلەدى. ال، بۇگىنگى ءبىلىمنىڭ جاڭارتىلعان مازمۇنىنا سايكەس «الىپپەمەن» بىرگە «ءدىنتانۋ» ءپانىنىڭ اتاۋى دا وزگەرتىلدى، دەپ xابارلايدى قازاقپارات.
«2019 جىلى تەك 10-11 سىنىپتاردا عانا، ونىڭ وزىندە جاراتىلىستانۋ-ماتەماتيكا كلاسستارىندا ءتورت ءپاننىڭ ەكەۋىن تاڭداي الادى. بيولوگيا، xيميا، فيزيكا جانە ينفورماتيكا»، - دەدى ءبىلىم جانە عىلىم مينيسترلىگىنىڭ ءبىلىمنىڭ مازمۇنى جانە ادىستەمەسى باسقارماسىنىڭ باسشىسى تالعات جاكەنوۆ بۇگىنگى بريفينگتە. ونىڭ ايتۋىنشا، مەكتەپ وقۋشىلارى تاڭداعان پاندەرىن اعىلشىن تىلىندە وقيتىن بولادى.
سونداي-اق ول «الىپپەنىڭ» اتىن اۋىستىرۋ مەن ءدىنتانۋ ساباعىن ەنگىزۋ بويىنشا جۋرناليستەردىڭ تاراپىنان قويىلعان سۇراقتارعا جاۋاپ بەردى.
«الىپپەنىڭ» اتاۋى وزگەرسە دە، زاتى وزگەرمەدى. اتاۋى «ساۋات اشۋ» بولسا دا، ىشىندە بۇرىنعى - «الىپپە». بالا بۇكىل ارىپتەردى ۇيرەنەدى. سوسىن «انا تىلىنە» اۋىسادى. سوندىقتان ەشقانداي ماسەلە جوق بۇل جەردە. ال «ءدىنتانۋ» ءپانى تۋرالى ايتار بولساق، ول 2009 جىلدان باستاپ مىندەتتى ءپان رەتىندە وقىتىلىپ كەلدى. بيىلعى جىلدان باستاپ بۇل ءپاننىڭ اتاۋى «زايىرلىق جانە ءدىنتانۋ نەگىزدەرى» بولىپ وزگەرتىلدى. ونى تەك 9-شى سىنىپتاردا عانا وقىتادى. بالالاردىڭ جاس ەرەكشەلىكتەرىنە سايكەس، وسى 9-سىنىپ ناعىز وتپەلى جاس دەيدى عوي، سول سەبەپتى ءدال ۋاقىتتان باستاپ ەنگىزگەندى ءجون كوردىك. ودان بۇرىن وقىتۋ جوسپارىمىزدا جوق»، - دەدى ت.جاكەنوۆ.
You Might Also Like
-
ماڭعىستاۋ وبلىسى، جاڭاوزەن قالاسى تولەسىن الييەۆ اتىنداعى №1 ورتا مەكتەپ ءمم-سىنىڭ ءوزىن-وزى تانۋ ءپانى ءمۇعالىمى جانە پەداگوگ پسيحولوگ دارماگامبەتوۆا باگيلا بەگەنيشوۆنا
