2021 جىل بالالاردى الىپپەمەن قايتا قاۋىشتىردى – اسحات ايماعامبەتوۆ
ق ر ءبىلىم جانە عىلىم ءمينيسترى اسحات ايماعامبەتوۆ Facebook پاراقشاسىندا 2021 جىلى ىسكە اسقان باستامالار تۋرالى كەڭ اۋقىمدى جازبا جاريالادى.
«ءبىز جوسپارلارىمىز بەن ۇسىنىستارىمىز تۋرالى ءجيى جازامىز. ءبىراق سونىمەن قاتار سىزدەرگە اتقارىلعان جۇمىستار تۋرالى اقپارات بەرۋ ماڭىزدى دەپ ەسەپتەيمىن. سوندىقتان وتكەن جىلى ءبىلىم جانە عىلىم سالاسىندا قابىلدانعان كەيبىر ماڭىزدى شارالارعا توقتالعىم كەلەدى»، -دەپ باستاعان ۆەدومستۆو باسشىسى ءار باستاماعان قىسقاشا توقتالادى.
مينيستر بۇل ءتىزىمنىڭ باسىنا الىپپەنىڭ باعدارلاماعا قايتا ەنۋىن قويعان.
«ەلىمىزدىڭ بارلىق مەكتەبىنىڭ ءبىرىنشى سىنىپتارىندا احمەت بايتۇرسىنوۆتىڭ ادىستەمەسى نەگىزىندە ازىرلەنگەن «الىپپە» جانە «بۋكۆار» ەنگىزىلدى»، - دەپ جازدى ول.
سونداي-اق، ول 2021 جىلدىڭ قاڭتار ايىنان باستاپ مەكتەپ مۇعالىمدەرىنىڭ، بالاباقشا تاربيەشىلەرى مەن كوللەدج وقىتۋشىلارىنىڭ جالاقىسى 25% وسكەنىن ەسكە سالدى.
ايتۋىنشا، بۇل ءوسىم بيىل دا جالعاسىن تاۋىپ وتىر.
«وسى جىلدىڭ قاڭتار ايىنان باستاپ تاعى 25% وسكەنىن ايتا كەتكەن ءجون. سونىمەن قاتار، 2021 جىلدىڭ قىركۇيەگىنەن باستاپ پەداگوگتەردىڭ جۇمىس جۇكتەمەسى ازايتىلدى. بۇل ءبىر ستاۆكا ءۇشىن مۇعالىمدەر ەندى اپتاسىنا 18 ساعات ەمەس، 16 ساعات جۇمىس ىستەيتىنىن بىلدىرەدى»، - دەپ جازدى اسحات ايماعابەتوۆ.
You Might Also Like
-
ءتيىستى ديپلومى باردىڭ ءبارى ءمۇعالىم بولا المايدى. ءبىلىم جانە عىلىم مينيسترلىگى ەنگىزگەن تاۋەلسىز تەستىلەۋ ءادىسى جوو تۇلەكتەرىن ىرىكتەۋ ارقىلى عانا ءبىلىم وشاقتارىنا جىبەرۋگە باعىتتالعان. مينيستر اسحا...
-
قاراسوزدەرىندە دانالىقتى، ءوقۋ-بىلىمدى، جاقسى قاسيەتتەردى تۋ ەتكەن اباي قۇنانباي ۇلى ءوزىنىڭ بۇكىل شىعارماشىلىعىندا ءبىر عانا «جۇرەك» ءسوزىن بىرنەشە ماعىنادا 107 رەت قولدانعان. ال «ون ...
